នាយក​រដ្ឋមន្ត្រី​កម្ពុជា ទៅ​ទស្សន​កិច្ច ប្រទេស​ទីម័រ

ភ្នំពេញ ៖ សម្តេចនាយករដ្ឋមន្ត្រីហ៊ុន សែន ប្រមុខរាជរដ្ឋាភិបាលកម្ពុជា បានដឹកនាំគណៈ- ប្រតិភូជាន់ខ្ពស់កម្ពុជា ចាកចេញពីរាជធានី- ភ្នំពេញ កាលពីវេលាម៉ោង៨ព្រឹកថ្ងៃទី១៩ ខែ សីហា ឆ្នាំ២០១៦ ទៅកាន់ប្រទេសទីម័រខាងកើត ដើម្បីបំពេញទស្សនកិច្ចផ្លូវការ និងចូលរួមអបអរ ខួបលើកទី៤១ នៃការបង្កើតកងកម្លាំងរំដោះ ជាតិទីម័រឡេស្តេ ដោយដំណើរទស្សនកិច្ចនេះ ធ្វើ ឡើងតបតាមការអញ្ជើញរបស់លោកនាយក- រដ្ឋមន្ត្រីនៃសាធារណរដ្ឋប្រជាធិបតេយ្យទីម័រឡេស្តេ។

Hun-san-1
យោងតាមទំព័រហ្វេសប៊ុកផ្លូវការរបស់ សម្តេចនាយករដ្ឋមន្ត្រីហ៊ុន សែន បានបញ្ជាក់ ឱ្យដឹងកាលពីព្រឹកថ្ងៃទី១៩ ខែសីហា ឆ្នាំ២០១៦ ថា “នៅព្រឹកថ្ងៃទី១៩ ខែសីហា ឆ្នាំ២០១៦ នេះ សម្តេចតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈ- ប្រតិភូជាន់ខ្ពស់កម្ពុជា ចាកចេញពីរាជធានី- ភ្នំពេញ ឆ្ពោះទៅកាន់សាធារណរដ្ឋប្រជាធិប- តេយ្យទីម័រឡេស្តេ ដើម្បីបំពេញទស្សនកិច្ចផ្លូវការ និងចូលរួមអបអរខួបលើកទី៤១ នៃការបង្កើត កងកម្លាំងរំដោះជាតិទីម័រឡេស្តេ ដែលប្រព្រឹត្ត ទៅនាថ្ងៃទី១៩ ដល់ថ្ងៃទី២០ ខែសីហា ឆ្នាំ ២០១៦។ ដំណើរទស្សនកិច្ចនេះ ធ្វើឡើងតប តាមការអញ្ជើញរបស់លោកបណ្ឌិត រ៉ុយ ម៉េរៀ ដេអារ៉ូចូ (Rui Maria D’e Araujo) នាយករដ្ឋមន្ត្រី នៃសាធារណរដ្ឋប្រជាធិបតេយ្យ ទីម័រឡេស្តេ។

Hun-san-1.jp2
ក្នុងអំឡុងទស្សនកិច្ចផ្លូវការនេះ សម្តេច នាយករដ្ឋមន្ត្រីហ៊ុន សែន នឹងជួបចរចាទ្វេភាគី ជាមួយលោកនាយករដ្ឋមន្ត្រីទីម័រឡេស្តេ បន្ទាប់- មក នាយករដ្ឋមន្ត្រីប្រទេសទាំង២ នឹងអញ្ជើញ ជាអធិបតីរួមគ្នាក្នុងពិធីចុះហត្ថលេខាលើឯកសារ ចំនួន៣ រវាងប្រទេសទាំង២ ក្នុងនោះ ទី១ កិច្ចព្រមព្រៀងក្របខ័ណ្ឌស្តីពីកិច្ចសហប្រតិបត្តិការ បច្ចេកទេសនិងសេដ្ឋកិច្ច។ ទី២ កិច្ចព្រមព្រៀង ស្តីពីការលើកលែងទិដ្ឋាការសម្រាប់អ្នកកាន់លិខិត ឆ្លងដែនការទូត និងលិខិតឆ្លងដែនផ្លូវការ និង ទី៣ អនុស្សរណៈនៃការយោគយល់គ្នា ពាក់ព័ន្ធនឹងកិច្ចសហប្រិតប្តិការលើវិស័យការងារ។ សម្តេចនាយករដ្ឋមន្ត្រីហ៊ុន សែន ក៏នឹងជួបសំណេះ- សំណាលជាមួយសហគមន៍កម្ពុជា នៅទីម័រឡេស្តេ នេះផងដែរ។

Hun-san3
សូមជូនពរសម្តេចតេជោហ៊ុន សែន នាយក- រដ្ឋមន្ត្រីនៃព្រះរាជាណាចក្រកម្ពុជា និងគណៈ- ប្រតិភូជាន់ខ្ពស់កម្ពុជា ទទួលបាននូវសុខ សុវត្ថិ-ភាព ក្នុងការធ្វើដំណើរ និងទទួលជោគជ័យ គ្រប់ភារកិច្ចការងារនៅក្នុងដំណើរទស្សនកិច្ច ផ្លូវការនៅសាធារណរដ្ឋប្រជាធិបតេយ្យទីម័រ- ឡេស្តេ នេះ”។
គួរបញ្ជាក់ថា មន្ត្រីជាន់ខ្ពស់ដែលអមដំណើរ សម្តេចនាយករដ្ឋមន្ត្រីហ៊ុន សែន ទៅកាន់ប្រទេស ទីម័រខាងកើត រួមមានលោកប្រាក់ សុខុន រដ្ឋ- មន្ត្រីក្រសួងការបរទេសនិងសហប្រតិបត្តិការ អន្តរជាតិ, លោកវេង សាខុន រដ្ឋមន្ត្រីក្រសួង កសិកម្ម រុក្ខាប្រមាញ់ និងនេសាទ, លោកប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម, លោកថោង ខុន រដ្ឋមន្ត្រីក្រសួងទេសចរណ៍, លោកអ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជា- ជីវៈ, និងលោកស៊ុយ សែម រដ្ឋមន្ត្រីក្រសួង ធនធានរ៉ែ និងថាមពល ព្រមទាំងសមាជិករាជ- រដ្ឋាភិបាលកម្ពុជា មួយចំនួនទៀត”