ខេត្តកណ្តាល ៖ ក្មេងស្រីមានសតិមិនប្រក្រតីម្នាក់ នៅចាំផ្ទះតែម្នាក់ឯង ខណៈឪពុកចេញទៅធ្វើការសំណង់ ចំណែកម្តាយចេញទៅទិញសាប៊ូនៅផ្ទះលក់ចាប់ហ៊ួយក្នុងភូមិមួយភ្លែត ស្រាប់តែត្រូវប្រុសព្រានល្មោភកាម លបចូលទៅចាប់រំលោភក្មេងស្រីរងគ្រោះរហូតដល់បានសម្រេច តែត្រូវម្តាយក្មេងស្រីរងគ្រោះតាមទាន់ ក៏ចាប់ក្របួចនាំយកមកប្រគល់ឱ្យសមត្ថកិច្ចចាត់ការតាមច្បាប់។
ករណីរំលោភសេពសន្ថវៈខាងលើនេះ បានកើតឡើងកាលពីវេលាម៉ោង៤និង៣០នាទីរសៀល ថ្ងៃទី១៦ ខែកក្កដា ឆ្នាំ២០១៨ នៅចំណុចផ្ទះរបស់ក្មេងស្រីរងគ្រោះ ស្ថិតក្នុងភូមិក្បាលស្ពាន ឃុំភ្នំបាត ស្រុកពញាឮ។
ក្មេងស្រីរងគ្រោះដែលត្រូវប្រុសព្រានចាប់រំលោភរហូតដល់បានសម្រេច ទើបនឹងមានវ័យ១៥ឆ្នាំប៉ុណ្ណោះ និងជាមនុស្សមានសតិមិន ប្រក្រតីនោះទេ មានលំនៅផ្ទះកើតហេតុខាងលើ។ ចំណែកប្រុសព្រានល្មោភកាម មានឈ្មោះជន់ ខួច អាយុ២៨ឆ្នាំ មុខរបរនៅផ្ទះ មានលំនៅក្នុង ភូមិជាមួយគ្នា។
តាមសម្តីស្ត្រីជាម្តាយរបស់ក្មេងស្រីរងគ្រោះ បានរៀបរាប់ប្រាប់ថា នៅមុនពេលកើតហេតុ ប្តីរបស់គាត់បានចេញទៅធ្វើការងារសំណង់ ចំណែកគាត់បានដើរចេញពីផ្ទះ ទៅរកទិញសាប៊ូនៅផ្ទះលក់ចាប់ហ៊ួយនៅក្នុងភូមិមួយភ្លែត ដោយទុកឱ្យកូនស្រីដែលមានសតិមិនប្រក្រតី (ក្មេងស្រីរងគ្រោះ) នៅចាំផ្ទះតែម្នាក់ឯង។ លុះមួយសន្ទុះក្រោយមក ក្រោយពេលទិញសាប៊ូបានហើយ គាត់ក៏បានត្រឡប់មកដល់ផ្ទះវិញ ស្រាប់តែមកដល់ក៏ប្រទះឃើញកូនស្រី បានដើរចេញពីបន្ទប់ក្នុងផ្ទះ ដោយលើកខោរបស់នាងដែលនៅត្រឹមភ្លៅ មកត្រឹមចង្កេះ រួចមកអង្គុយនៅលើគ្រែខាងមុខផ្ទះ បន្ទាប់មកក៏ឃើញជនសង្ស័យឈ្មោះជន់ ខួច ដើរចេញពីបន្ទប់ក្នុងផ្ទះគាត់ដែរ ដោយដើរបិទឡេវខោ តែពុំរូតខោទេ។ ឃើញបែបនេះ គាត់ជាម្តាយ ក្មេងស្រីរងគ្រោះ ក៏បានឃាត់ឱ្យជនសង្ស័យនៅអង្គុយលើគ្រែមុខផ្ទះក្បែរកូនស្រីគាត់សិន និងបានសួរនាំកូណស្រីថា តើនៅក្នុងបន្ទប់ ជនសង្ស័យ ឈ្មោះជន់ ខួច បានធ្វើអីកូនខ្លះ? ពេលនោះ កូនស្រីរបស់គាត់ ក៏ឆ្លើយប្រាប់ថា វាចាប់រំលោភខ្ញុំ៕