រយៈ១០ថ្ងៃ ក្រោយបញ្ចប់ប្រកួតបាល់ទាត់ពិភពលោក ខ្សែការពារបារាំង Benjamin Pavard ត្រូវបានជាប់ឆ្នោតជាកីឡាករស៊ុតបាល់បញ្ចូលទីបានល្អជាងគេបំផុត ក្នុងព្រឹត្តិការណ៍ World Cup ២០១៨ នៅប្រទេសរុស្សី។ គ្រាប់បាល់ដ៏ល្អរបស់
Pavard ធ្វើបានក្នុងអំឡុងពេលប្រកួតឈ្នះក្រុមអាហ្សង់ទីន នៅវគ្គ១៦ក្រុមចុងក្រោយ។
យុវជនវ័យ២២ឆ្នាំ បានប្រើបច្ចេកទេសស៊ុតបាល់ហោះចូលជ្រុងមុំកែងខាងលើ ទទួលបានសំឡេងបោះឆ្នោតគាំទ្រច្រើនជាងគេ មានចំនួន៣លាននាក់ លើគេហទំព័ររបស់ FIFA។
ចំណែកឯគ្រាប់បាល់ល្អទី២ បានទៅលើកីឡាករ Juan Quintero របស់ជម្រើសជាតិកូឡុំប៊ី ទាត់បញ្ចូលទីលើក្រុមជប៉ុន។ ឯលេខ៣ បានទៅលើគ្រាប់របស់ Luka Modric បំប៉ោងសំណាញ់ទីអាហ្សង់ទីន នៅវគ្គក្នុងពូល៕
គួររំឭកដល់គ្រាប់បាល់នោះ Pavard ធ្លាប់និយាយថា គេក៏មិននឹងស្មានដល់ គ្រាន់តែចង់ព្យាយាមទាត់បាល់នោះ ឲ្យផុតដៃ និងគួចចុះក្រោម។ មួយគ្រាប់របស់ Pavard នេះបានជួយបារាំងយកឈ្នះអាហ្សង់ទីន ៤-៣ បានឡើងទៅវគ្គ៨ក្រុមចុងក្រោយ៕