ភ្នំពេញ៖ កម្លាំងនគរបាលនៃអគ្គនាយកដ្ឋានអន្តោប្រវេសន៍ បានចុះឃាត់ខ្លួនជនជាតិចិន ប្រុសស្រីចំនួន៤៦ម្នាក់ សង្ស័យរស់នៅខុសច្បាប់ និងពាក់ព័ន្ធជំរិតតាមប្រព័ន្ធអីុនធើណែត ហើយសង្ងំនៅក្នុងផ្ទះ ល្វែង១កន្លែង កាលវេលាម៉ោង៣និង៣០នាទីរសៀលថ្ងៃទី៣០ ខែ សីហា ឆ្នាំ ២០១៦ នៅចំណុចផ្ទះគ្មានលេខផ្លូវបេតុង ស្ថិតនៅសង្កាត់វាលស្បូវ ខណ្ឌច្បារអំពៅ ។
ដោយមានការដឹកនាំលោក អ៊ុក ហៃសីឡាជាប្រធានអគ្គនាយកដ្ឋានអន្តោប្រវេសន៍សើុបអង្កេតនិងអនុវត្តនីតិវិធីនិងមានការសំរបសំរួលពីលោក សៀង សុខ ព្រះរាជអាជ្ញារងអមសាលាដំបូងរាជធានីផង និងសហការជាមួយអាជ្ញាធរមូលដ្ឋាននិងមានលារចូលរួមពីលោក អធិការនគរបាលខណ្ឌច្បារអំពៅ បានចុះត្រួតពិនិត្យផ្ទះល្វែងដោយពាក់ព័ន្ធប្រព័ន្ធអីុនធើណែត និងសង្ស័យរស់នៅមិនស្របច្បាប់ និងអាចជាប់ពាក់ព័ន្ធអំពើខុសច្បាប់ផ្សេងទៀត ទើបនាំខ្លួនយកទៅសាកសួរនាំនៅអគ្គនាយកដ្ឋានអន្តោប្រវេសន៍ ដើម្បីសាកសួរនាំ ។
លោកប្រធាននាយកដ្ឋានបន្តទៀតថាករណីចុះបង្រ្កោបនៅផ្ទះល្វើងជួលនេះដោយមានការចុះសើុបអង្កេតជាយូរមកហើយ ទើបបានប្រមូលកម្លាំងនិងឆ្មក់ចូលឃាត់បានមនុស្សសរុប ចំនួន២៦ម្នាក់ មានស្រី៥ ហើយនិងយកទៅសាកសួរនាំ ហើយចំណែកផ្ទះល្វើងដែលជួលនេះត្រូវបិទជាបណ្ដោះអាសន្នសិន រងចាំម្ចាស់ផ្ទះយកឯកសារជួលទើបបើកឲ្យម្ចាស់វិញ តែបើម្ចាស់ផ្ទះជួលឲ្យជនជាតិចិនមិនមានលិខិតស្នាម និងអាចប្រឈមមុខផ្លូវច្បាប់ ដោយប្រើពាក្យថា ឃុបឃិនជាមួយជនជាតិចិនប្រព្រឹត្តបទល្មើស ៕
