David ​Luiz ​វិល​មក​ទ្រនំ​ចាស់​

តាមប្រភពព័ត៌មាន BBC បានឲ្យដឹងថា ក្លឹបតោខៀវ Chelsea បាននាំយកកីឡាករ David Luiz ត្រឡប់មក វិញហើយ ក្នុងតម្លៃជាង៤៤លានដុល្លារ ខណៈដែលក្លឹបនេះ លក់ទៅឲ្យ Paris SG ក្នុងតម្លៃ ជាង៥២លានដុល្លារ កាលពីឆ្នាំ២០១៤។

David-Luiz

កីឡាករវ័យ២៩រូបនេះ នឹងមកកាន់ទីក្រុងឡុង ដើម្បិពិនិត្យសុខភាពឲ្យបានរួចរាល់ មុនថ្ងៃបិទបពា្ចប់រដូវកាលដោះ ដូរ។ ប្រភពព័ត៌មានដដែលនោះបានឲ្យដឹងទៀតថា កីឡាកររូបនេះបានយល់ព្រម ចុះហត្ថលេខាជាមួយក្លឹប Chelsea រយៈពេល៣ឆ្នាំ។

គួររំលឹកថា កីឡាកររូបនេះធ្លាប់បានមករួមរស់ជាមួយក្លឹប Chelsea កាលពីឆ្នាំ២០១១ ក្រោយពីផ្ទេរមកពីក្លឹប Benfica ។ នៅជាមួយក្លឹបនេះ កីឡាករសញ្ជាតិប្រេសីុល ធ្លាប់រកគ្រាប់បាល់បាន៣គ្រាប់ ក្នុងការបង្ហាញវត្តមាន ៥៦លើក។ ជាងនេះទៅទៀត គេធ្លាប់បានជួយឲ្យក្លឹបឈ្នះពានរង្វាន់ FA Cup ឆ្នាំ២០១១-២០១២ ឈ្នះពាន រង្វាន់ ឆេមពានលីក ឆ្នាំ២០១១-២០១២ និងពានរង្វាន់យូរ៉ូប៉ាលីក ឆ្នាំ២០១១-២០១២៕

David-L

ដោយ៖ ហេង ដេត