ខ្សែប្រយុទ្ធវ័យក្មេង Kylian Mbappe បានបរិច្ចាគថវិកាចំនួន៣៤០០០ដុល្លារ សម្រាប់មូលនិធិស្វែងរកកីឡាករខ្សែប្រយុទ្ធ Emiliano Sala របស់ក្លឹប Cardiff ដែលបានធ្លាក់យន្តហោះនៅក្នុងសមុទ្រអង់គ្លេស កាលពីសប្តាហ៍មុន។ នេះបើយោងតាមប្រភពព័ត៌មាន CNN ចេញផ្សាយកាលពីថ្ងៃចន្ទ ទី២៨ ខែមករា ឆ្នាំ២០១៩។
កីឡាករ Mbappe ម្ចាស់មេដាយមាសបាល់ទាត់ពិភពលោក ២០១៨ រួមជាមួយនឹងមិត្តរួមក្រុម Adrien Rabiot និងកីឡាករ Dmitri Payet របស់ក្លឹបMarseille រួមនឹងកីឡាករល្បីៗមួយចំនួនទៀត នៅក្នុងតំបន់អឺរ៉ុប បានបង្កើតមូលនិធិរៃអង្គាសថវិកាសម្រាប់ស្វែងរកកីឡាករ Sala។
រហូតមកទល់ពេលនេះ គេប្រមូលបានមូលនិធិ៤០ម៉ឺនដុល្លារ ដើម្បីបន្តស្វែងការធ្លាក់យន្តហោះរបស់ Sala ដែលជាការឆ្លើយតបទៅនឹងអាជ្ញាធរអង់គ្លេស សម្រេចបោះបង់ការស្វែងរក។
ខ្សែប្រយុទ្ធ Emiliano Sala ដែលទើបតែបានចុះហត្ថលេខាជាមួយក្លឹប Cardiff ជាមួយនឹងតម្លៃខ្លួនជាង១៩លានដុល្លារ បានធ្វើដំណើរពីទីក្រុង Nantes ប្រទេសបារាំង ឆ្ពោះទៅកាន់ប្រទេសវែលល៍ ហើយក៏បានជួបឧបទ្ទហេតុធ្លាក់យន្តហោះ បាត់ខ្លួន កាលពីសប្តាហ៍មុន រហូតមកមកដល់ថ្ងៃនេះ៕