កាលពីសប្តាហ៍មុន គ្រូបង្វឹកក្លឹប Man City លោក Pep Guardiola បានប្រកាសថា កីឡាករខ្សែការពារ Aymeric Laporte នឹងអវត្តមានយ៉ាងហោចណាស់ក៏៦សប្តាហ៍ដែរ ដោយសារវះកាត់របួសក្បាលជង្គង់ខាងស្តាំ។
ខ្សែការពារសញ្ជាតិបារាំង បានរងរបួសក្បាលជង្គង់ ក្នុងអំឡុងពេលប្រកួតឈ្នះក្លឹប Brighton ដោយលទ្ធផល ៤-០ កាលពីខែសីហា កន្លងទៅ។
នៅពេលដែលអ្នកកាសែតសួរថា ពេលណាទើបកីឡាករ Aymeric Laporte ចូលទីលានប្រកួតបាន គ្រូបង្វឹកក្លឹប Man City រូបនេះ បាននិយាយថា ចន្លោះពី៥ទៅ ៦ខែ មានន័យថា គេអាចនឹងវិលត្រឡប់មកវិញនៅខែមករា ឬកុម្ភៈ ឆ្នាំ២០១៩។
កាលពីរដូវកាលកន្លងទៅ កីឡាករវ័យ២៥ឆ្នាំរូបនេះ បង្ហាញវត្តមានបាន៣៥ប្រកួត។
របួសរបស់កីឡាកររូបនេះ និងការចាកចេញរបស់ Vincent Kompanyទៅក្លឹបAlderlecht ធ្វើឲ្យក្លឹប Man City បង្ខំចិត្តដាក់កីឡាករ Nicolas Otamendi និង John Stones លេងនៅតំបន់ការពារកណ្តាល។
ប្រកួតចុងក្រោយ ក្លឹប Man City ប្រកួតចាញ់ម្ចាស់ផ្ទះ Norwich ដោយលទ្ធផល៣-២៕
កែសម្រួលអត្ថបទ ៖ ដេត
រូបថត ៖ Sky Sport
