ប្រមុខយោធាសហរដ្ឋអាមេរិកនិងកូរ៉េខាងត្បូងបាននិយាយនៅថ្ងៃព្រហស្បតិ៍ទី២ខែធ្នូថាពួកគេមានគម្រោងធ្វើបច្ចុប្បន្នភាពផែនការសង្គ្រាមដែលប្រឈមមុខនិងពិនិត្យមើលឡើងវិញនូវបញ្ជាការយោធារួមបញ្ចូលគ្នា របស់ពួកគេ ហើយនៅក្នុងកិច្ចប្រជុំ នោះ ដែរភាគីទាំងពីរក៏បានជំរុញឱ្យកូរ៉េខាងជើងវិលត្រឡប់ទៅរកការទូតវិញ។នេះបើយោងតាមការចេញផ្សាយ របស់សារព័ត៌ មានរ៉យទ័រ។រដ្ឋមន្ត្រីការពារជាតិអាមេរិកលោក Lloyd Austin បាននិយាយបន្ទាប់ពីកិច្ចពិភាក្សាជាមួយសមភាគីកូរ៉េខាងត្បូង លោកSuhWookថាការអភិវឌ្ឍន៍កាំជ្រួចនិងអាវុធរបស់កូរ៉េខាងជើង កំពុងធ្វើឱ្យមានអស្ថិរភាពសម្រាប់សន្តិសុខក្នុងតំបន់។ប្រទេសកូរ៉េខាងជើងបានបន្តបដិសេធចំពោះការអំពាវនាវរបស់សហរដ្ឋអាមេរិកសម្រាប់ការទូតនិងវិលត្រឡប់ចូលតុចរចាចាប់តាំងពីលោកប្រធានាធិបតីលោកចូបៃឌិនចូលកាន់តំណែងកាលពីដើមឆ្នាំ ផ្ទុយពីអតីតប្រធានាធិបតីដូណាល់ត្រាំដែលធ្លាប់ មានកិច្ចប្រជុំកំពូលចំនួនបីជាមួយមេដឹកនាំកូរ៉េខាងជើង គីម ជុងអ៊ុន ។ លោក Austin បានប្រាប់សន្និសីទសារព័ត៌មានថា សហ រដ្ឋអាមេរិកអំពាវនាវឱ្យកូរ៉េខាងជើងចូលរួមក្នុងកិច្ច សន្ទនាដោយ និយាយថាទំនាក់ទំនងការទូតគឺជាវិធីសាស្រ្តដ៏ល្អបំផុត ក្នុងការបន្តជាមួយកូរ៉េខាងជើង ។
លោកSuhបាននិយាយថាការផ្លាស់ប្តូរបរិយាកាសសន្តិសុខបានជំរុញ ឱ្យសហរដ្ឋអាមេរិកនិងកូរ៉េខាងត្បូងយល់ព្រមធ្វើបច្ចុ ប្បន្នភាពផែនការប្រតិបត្តិការយូរអង្វែងសម្រាប់ជម្លោះដែលអាចកើតមានជាមួយកូរ៉េខាងជើងក៏ដូចជាការពិនិត្យឡើងវិញនូវបញ្ជាការយោធារួមបញ្ចូលគ្នារបស់ពួកគេ។សហរដ្ឋអាមេរិកបានដាក់ពង្រាយទាហានប្រហែល 28500 នាក់នៅក្នុងប្រទេសកូរ៉េខាងត្បូងជាកេរ្តិ៍ដំណែលនៃសង្រ្គាមកូរ៉េឆ្នាំ 1950 ដល់ឆ្នាំ 1953ដែលបានបញ្ចប់ដោយបទឈប់បាញ់ ប៉ុន្តែមិនមែនជាសន្ធិសញ្ញាសន្តិភាពទេ។
បច្ចុប្បន្ននេះសហរដ្ឋអាមេរិកនឹងបញ្ជាកងទ័ពទាំងនោះនៅក្នុងព្រឹត្តិការណ៍នៃសង្រ្គាមប៉ុន្តែកូរ៉េខាងត្បូងបាននិងកំពុងស្វែងរកដើម្បីទទួលបានការគ្រប់គ្រងប្រតិបត្តិការ (OPCON)នេះដែរ ។លោកSuhបាននិយាយថាភាគីទាំងពីរបាន ធ្វើឱ្យមានវឌ្ឍនភាព លើលក្ខខណ្ឌនៃកិច្ចប្រជុំសម្រាប់ការផ្ទេរ OPCON ទៅអោយកូរ៉េខាងត្បូង។លោកបានបន្ថែមថាសហរដ្ឋអាមេរិកបានសន្យា រក្សារកម្រិតបច្ចុប្បន្ននៃកងទ័ពអាមេរិកនៅក្នុងប្រទេសកូរ៉េខាងត្បូង៕
