ក្លឹបអាល្លឺម៉ង់ Leipzig បាននិយាយនៅថ្ងៃនេះថា ខ្សែបម្រើ Konrad Laimer នឹងអវត្តមានជាច្រើនសប្តាហ៍ដោយសាររបួសកជើង។
កីឡាករអន្តរជាតិអូទ្រីសដែលជិតឈានដល់កិច្ចព្រមព្រៀងជាមួយ Bayern កាលពីប៉ុន្មានសប្តាហ៍មុន ហើយត្រូវបានផ្សារភ្ជាប់ជាមួយនឹងការផ្ទេរទៅកាន់ Liverpool បានរងរបួសនៅក្នុងអំឡុងពេលប្រកួតឈ្នះ 3-0 លើក្រុម Dortmund កាលពីថ្ងៃសៅរ៍។
ក្លឹបបាននិយាយនៅក្នុងសេចក្តីថ្លែងការណ៍មួយថាKonrad Laimerបានរងរបួសសរសៃពួរខាងឆ្វេង ហើយអាចនឹងត្រូវអវត្តមានពីសមរភូមិវាលស្មៅជាច្រើនសប្តាហ៍ ។
Leipzig ដែលបានប្រកួតឆេមពានលីកជាមួយ Real Madrid កាលពីរាត្រីថ្ងៃពុធបាននាំយកគ្រូបង្វឹកថ្មីគឺលោក Marco Rose កាលពីសប្តាហ៍មុន។លោកបានជំនួសតំណែងលោកDomenico Tedesco ដែលត្រូវបានបណ្តេញចេញបន្ទាប់ពីការចាប់ផ្តើមបើកការប្រកួក្នុងលីគមិនល្អនិងការចាញ់ក្នុងផ្ទះ 4-1 របស់ពួកគេក្រោមថ្វីជើងក្រុម Shakhtar ក្នុងក្របខ័ណ្ឌ យូហ្វាឆេមពានលី កាលពីសប្តាហ៍មុន៕