គ្រូពេទ្យធ្វើកូដកម្មពេញចក្រភពអង់គ្លេស

គិលានុបដ្ឋាយិកាប្រមាណជាង១០ម៉ឺននាក់ទូទាំងចក្រភពអង់គ្លេសបាននាំគ្នាធ្វើកូដកម្មជាប្រវត្តិសាស្ត្រប្រឆាំងទៅនឹងរដ្ឋាភិបាលកាលពីថ្ងៃព្រហស្បតិ៍ដើម្បីទាមទារការដំឡើងប្រាក់ខែសមរម្យនិងលក្ខខណ្ឌការងារល្អប្រសើរជាងមុន។

គ្រូពេទ្យប្រមាណជាង១០ម៉ឺននាក់មកពីសហជីពRoyal College of Nursing(RCN)បានចាប់ផ្តើមធ្វើកូដកម្មនៅមន្ទី រពេទ្យ និងមណ្ឌលសុខភាពចំនួន៧៦ នៅថ្ងៃព្រហស្បតិ៍ ដោយលុបចោលប្រតិបត្តិការដែលមិនបន្ទាន់រាប់ពាន់ ដូចជាការផ្លាស់ប្តូរត្រគាកនិងការណាត់ជួបអ្នកជំងឺក្រៅរាប់ម៉ឺននាក់នៅក្នុងNHSដែលផ្តល់មូលនិធិដោយរដ្ឋរបស់ចក្រភពអង់គ្លេស។វានឹងក្លាយជាកូដកម្មដ៏ធំបំផុតនៅក្នុងប្រវត្តិសាស្ត្រ ១០៦ឆ្នាំរបស់ RCN ។

គិលានុបដ្ឋាយិកាចង់បានការដំឡើងប្រាក់បៀវត្សរ៍ ១៩% ដោយលើកហេតុផល ថាប្រាក់ឈ្នួលទាបមានន័យថា កង្វះបុគ្គលិក និងការថែទាំដែលមិនមានសុវត្ថិភាពសម្រាប់អ្នកជំងឺ។ រដ្ឋាភិបាលបានបដិសេធមិន ពិភាក្សាអំពី ប្រាក់ឈ្នួល។

រដ្ឋាភិបាលបាននិយាយថាខ្លួនមិនអាចមានលទ្ធភាពបង់ប្រាក់លើសពី ៤-៥%ដល់គិលានុបដ្ឋាយិកាដែលត្រូវបាន ណែនាំដោយស្ថាប័នឯករាជ្យ ហើយការដំឡើងប្រាក់បៀវត្សរ៍បន្ថែមទៀតនឹងមានន័យថាការដកប្រាក់ចេញពី សេ វាជួរមុខ៕