ម៉ានីលបាននិយាយកាលពីថ្ងៃព្រហស្បតិ៍ទី២៩ ខែធ្នូ ថា ហ្វីលីពីននិងចិននឹងបង្កើតទំនាក់ទំនងផ្ទាល់រវាងក្រសួង ការបរទេសទាំងពីរ ដើម្បីជៀសវាង ការគណនាខុស និងទំនាក់ទំនងខុសនៅក្នុងសមុទ្រចិនខាងត្បូងដែលកំពុង មានជម្លោះក្តៅ។
កិច្ចព្រមព្រៀងនេះនឹងត្រូវបានចុះហត្ថលេខានៅសប្តាហ៍ក្រោយក្នុងអំឡុងពេលដំណើរទស្សនកិច្ចរបស់ប្រធានាធិបតីហ្វីលីពីនហ្វីឌីណាន់ម៉ាកូស Ferdinand Marcos ទៅកាន់ទីក្រុងប៉េកាំងជាកន្លែងដែលលោកនឹងជួបជាមួយ សមភាគីចិនលោកស៊ីជីនពីន។នេះបើយោងតាមមន្ត្រីក្រសួងការបរទេសបានប្រាប់អ្នកយកព័ត៌មាន។
លោកNealImperialជំនួយការលេខាធិការហ្វីលីពីនទទួលបន្ទុកកិច្ចការអាស៊ី និងប៉ាស៊ីហ្វិក បាននិយាយថា ដើម្បីជៀសវាងការគណនាខុសនិងការប្រាស្រ័យទាក់ទងមិនត្រឹមត្រូវនៅសមុទ្រហ្វីលីពីនខាងលិចភាគីទាំង ពីរបានយល់ព្រមចុះហត្ថលេខាលើកិច្ចព្រមព្រៀងបង្កើតការទំនាក់ទំនងដោយផ្ទាល់រវាងក្រសួងការបរទេសនៃប្រទេសទាំងពីរក្នុងកម្រិតផ្សេងៗ។ .
លោកម៉ាកូសបានទទូចថាលោកនឹងមិនអនុញ្ញាតឱ្យចិនជាន់ឈ្លីលើសិទ្ធិដែនសមុទ្ររបស់ហ្វីលីពីននោះទេផ្ទុយ ទៅនឹងអ្នកកាន់តំណែងមុនរបស់លោក ឌូតើតេដែលស្ទាក់ស្ទើរក្នុងការរិះគន់មហាអំណាច។ ប្រទេសហ្វីលីពីន កាលពីសប្តាហ៍មុនបានបញ្ជាឱ្យយោធារបស់ខ្លួនបង្កើនវត្តមានរបស់ពួកគេនៅក្នុងដែនទឹកដែលមានការប្រកួតប្រជែងបន្ទាប់ពីមានរបាយការណ៍ថាប្រទេសចិនបានចាប់ផ្តើមដណ្តើមយកមកវិញនូវលក្ខណៈដីដែលមិនទាន់បានកាន់កាប់ជាច្រើននៅជុំវិញកោះស្ព្រាតលី៕