ប្រធានមូលនិធិរូបិយវត្ថុអន្តរជាតិ (IMF) លោកស្រី Kristalina Georgieva បានព្រមានថា មួយភាគបីនៃសេដ្ឋកិច្ចពិភពលោកនឹងស្ថិតក្នុងវិបត្តិសេដ្ឋកិច្ចនៅឆ្នាំ២០២៣។នេះបើយោងតាមចេញផ្សាយរបស់បណ្តាញសារព័ត៌មានប៊ីប៊ីស៊ីកាលពីថ្ងៃចន្ទ ទី ២ ខែធ្នូ ឆ្នាំ ២០២៣។
លោកស្រីបាននិយាយថាឆ្នាំ២០២៣នឹងមានភាពតឹងតែងជាងឆ្នាំមុន ដោយសារសហរដ្ឋអាមេរិក សហភាពអឺរ៉ុប និងចិនមើលឃើញថាសេដ្ឋកិច្ចរបស់ពួកគេមានភាពយឺតយ៉ាវ។វាក៏បណ្តាលមកពីសង្រ្គាមនៅអ៊ុយក្រែន ការកើនឡើងតម្លៃ អត្រាការប្រាក់កាន់តែខ្ពស់ និងការរីករាលដាលនៃកូវីដ-១៩ នៅក្នុងប្រទេសចិន ធ្វើឱ្យប៉ះពាល់ដល់សេដ្ឋកិច្ចពិភពលោក។
កាលពីខែតុលា IMF បានកាត់បន្ថយការព្យាករណ៍កំណើនសេដ្ឋកិច្ចសកលរបស់ខ្លួនសម្រាប់ឆ្នាំ ២០២៣ ។
IMFបានកាត់បន្ថយទស្សនវិស័យរបស់ខ្លួនសម្រាប់កំណើនសេដ្ឋកិច្ចពិភពលោកក្នុងឆ្នាំ ២០២៣ ក្នុងខែតុលា ដោយសារតែសង្គ្រាមនៅអ៊ុយក្រែនក៏ដូចជាអត្រាការប្រាក់កាន់តែខ្ពស់ខណៈដែលធនាគារកណ្តាលជុំវិញពិភពលោកព្យាយាមរក្សាតម្លៃកើនឡើង។
លោកស្រី Georgieva បានព្រមានថា ប្រទេសចិន ដែលជាមហាអំណាចសេដ្ឋកិច្ចទីពីររបស់ពិភពលោកនឹងប្រឈមមុខនឹងការចាប់ផ្តើមដ៏លំបាកដល់ឆ្នាំ២០២៣។
លោកស្រីបានបន្តថាសម្រាប់ពីរ-បីខែខាងមុខ វានឹងមានភាពលំបាកសម្រាប់ប្រទេសចិន ហើយឥទ្ធិពលលើកំណើនរបស់ចិននឹងមានអវិជ្ជមាន ផលប៉ះពាល់ក្នុងតំបន់នឹងអវិជ្ជមាន ផលប៉ះពាល់លើកំណើនពិភពលោកក៏នឹងអវិជ្ជមានដែរ៕