សេដ្ឋកិច្ចចិន កើនឡើង៣ភាគរយ ខណៈចំនួនប្រជា ជនធ្លាក់ចុះលើកដំបូងក្នុងរយៈពេលជាង ៦០ ឆ្នាំ

ទិន្នន័យផ្លូវការរបស់រដ្ឋាភិបាលចិនបានបង្ហាញកាលពីថ្ងៃអង្គារថា សេដ្ឋកិច្ចរបស់ខ្លួនបានកើនឡើង ៣ភាគ រយក្នុងឆ្នាំ ២០២២ដែលជាអត្រាទាបបំផុតមួយក្នុងរយៈពេល ៤០ ឆ្នាំដោយសារជំងឺរាតត្បាតកូវីដ-១៩ និងវិបត្តិ អចលនទ្រព្យ។

ទីក្រុងប៉េកាំងបានកំណត់គោលដៅរបស់ខ្លួន ៥,៥ ភាគរយ ដែលជាអត្រាទាបជាងការអនុវត្តនៅឆ្នាំ ២០២១ នៅ ពេលដែលផលិតផលក្នុងស្រុកសរុបកើនឡើងជាងប្រាំបីភាគរយ។

ការិយាល័យស្ថិតិជាតិ (NBS) បាននិយាយថា នៅក្នុងត្រីមាសទី 4 សេដ្ឋកិច្ចរបស់ប្រទេសចិនបានកើនឡើង ២,៩ ភាគរយពីមួយឆ្នាំទៅមួយឆ្នាំ ធៀបនឹង ៣,៩ភាគរយនៅក្នុងត្រីមាសទី៣ ។

សេដ្ឋកិច្ចធំទីពីររបស់ពិភពលោកប្រឈមមុខនឹងបញ្ហាជាប្រវត្តិសាស្ត្រខណៈដែលឆ្នាំ២០២២ការនាំចេញបានធ្លាក់ចុះកាលពីខែមុន ដោយសារតែការធ្លាក់ចុះនៃតម្រូវការពិភពលោក និងការរឹតបន្តឹងផ្នែកសុខភាពដ៏តឹងរ៉ឹង ដែល រារាំងសកម្មភាពសេដ្ឋកិច្ច។

ចំនួនប្រជាជនចិនធ្លាក់ចុះលើកដំបូងក្នុងរយៈពេលជាង ៦១ ឆ្នាំ

យោងតាមទិន្នន័យរបស់រដ្ឋាភិបាលបានបង្ហាញកាលពីថ្ងៃអង្គារថាចំនួនប្រជាជននៃប្រទេសចិនដីគោកបានធ្លាក់ចុះជាលើកដំបូងក្នុងរយៈពេល៦១ឆ្នាំខណៈប្រទេសអាស៊ីបូព៌ាត្រូវបានគេប៉ាន់ស្មានថាត្រូវបាននាំមុខប្រទេសឥណ្ឌាដែលមានប្រជាជនច្រើនជាងគេលំដាប់លេខ២លើពិភពលោក ។

តួលេខនេះប្រៀបធៀបជាមួយនឹងប្រជាជនឥណ្ឌាចំនួន ១,៣ពាន់លាននាក់ក្នុងឆ្នាំ២០២២ដែល ប៉ាន់ស្មានដោយ អង្គការសហប្រជាជាតិ។

រដ្ឋាភិបាលបាននិយាយថា ចំនួនប្រជាជននៃប្រទេសចិន ដោយមិនរាប់បញ្ចូលតៃវ៉ាន់ ហុងកុង និងម៉ាកាវ បាន កើនឡើងដល់ជាង១,៤១១លាននាក់នៅដំណាច់ឆ្នាំ២០២២ ពោលគឺធ្លាក់ចុះ ៨៥ម៉ឺននាក់បើប្រៀបធៀបទៅនឹង ឆ្នាំមុន។

អត្រាកំណើតក៏បានធ្លាក់ចុះដល់កម្រិតទាបបំផុតគឺ ៦,៧៧កំណើតក្នុងមនុស្ស១០០០នាក់ ធ្លាក់ចុះពី ៧,៥២ កាលពី ឆ្នាំមុននិងជាកម្រិតទាបបំផុតចាប់តាំងពីការបង្កើតកុម្មុយនិស្តចិនក្នុងឆ្នាំ ១៩៤៩។ ទារកប្រហែល ៩,៥៦ លាននាក់ បានកើត បើធៀបនឹង១០,៦២ លាននាក់ក្នុងឆ្នាំ២០២១ ទោះបីជាមាន ជំរុញពីរដ្ឋាភិបាលដើម្បីលើក ទឹកចិត្តគូស្វាមី ភរិយាបន្ថែមទៀតឲ្យមានកូន។

គួររំឭកថាចំនួនប្រជាជនរបស់ប្រទេសចិនស្ថិតក្នុងពណ៌ប្រផេះ ដោយសារគោលនយោបាយកូនតែមួយដែល ត្រូវបានណែនាំក្នុងឆ្នាំ ១៩៧៩ប៉ុន្តែគោលនយោបាយនេះត្រូវបានលុបចោល ក្រោមរដ្ឋាភិបាល របស់ប្រធានា ធិបតីលោកស៊ីជីនពីងក្នុងឆ្នាំ ២០១៦ដោយសារការព្រួយបារម្ភបានកើនឡើង ថាចំនួនប្រជាជនដែលមានវ័យ ចំ ណាស់យ៉ាងឆាប់រហ័សនឹងរារាំងដល់ការពង្រីកសេដ្ឋកិច្ចរបស់ប្រទេស៕