មេទ័ពអាមេរិក ចុះត្រួតពិនិត្យកន្លែងហ្វឹកហ្វឺន ទាហាន អ៊ុយក្រែន

យោងតាមប្រភពព័ត៌មានAP ចេញផ្សាយកាលពីថ្ងៃអង្គារទី ១៧ ខែមករា ឆ្នាំ ២០២៣ បានអោយដឹងថាមេទ័ព កំពូលអាមេរិកបានទៅត្រួតពិនិត្យកម្មវិធីហ្វឹកហ្វឺនថ្មីរបស់យោធាអាមេរិក សម្រាប់ទាហានអ៊ុយក្រែន។ ការហ្វឹក ហ្វឺនបានធ្វេីឡេីងនៅមូលដ្ឋានទ័ព Grafenwoehr ក្នុងប្រទេសអាល្លឺម៉ង់ ដឹកនាំដោយមេបញ្ជាការហ្វឹកហ្វឺនកង ទ័ពទី ៧។

ទាហានអ៊ុយក្រែនជាង៦០០នាក់បានចាប់ផ្តើមកម្មវិធីហ្វឹកហ្វឺនដែលបានពង្រីកនៅជំរុំមួយថ្ងៃមុនពេលលោក ឧត្តមសេនីយ៍ Mark Milley មកដល់។

មេរៀនដែលទាហានអ៊ុយក្រែននឹងទទួលបានក្នុងរយៈពេល ៥សប្តាហ៍ខាងមុខគឺផ្តោតអារម្មណ៍ទៅលើអាវុធធុន ធ្ងន់ រថពាសដែកនិងបច្ចេកទេសប្រយុទ្ធដ៏ទំនើបដែលមានសារៈសំខាន់នៅពេល ពួកគេរៀបចំដើម្បីការពារប្រ ទេសរបស់ពួកគេប្រឆាំងនឹងការឈ្លានពានរបស់រុស្ស៊ី។

លោកឧត្តមសេនីយ៍ Mark Milley ប្រធានអគ្គសេនាធិការចម្រុះបាននិយាយនៅរសៀលថ្ងៃចន្ទថាការហ្វឹកហាត់ នេះគឺសំខាន់ណាស់សម្រាប់ការការពារប្រទេសរបស់ខ្លួន។ កាលពីថ្ងៃច័ន្ទ នៅពេលលោកដើរកាត់តំបន់ហ្វឹកហ្វឺន លោកបាននិយាយលេងជាមួយកងទ័ព ដោយសួរពួកគេអំពីបទពិសោធន៍ប្រយុទ្ធនិងបេសកកម្មរបស់ពួកគេ ។លោក Col. Dave Butler អ្នកនាំពាក្យរបស់លោក Milley បាននិយាយថាភាពបន្ទាន់គឺច្បាស់ណាស់។ ទាហាន ទាំងនេះនឹងចេញទៅការពារប្រទេសរបស់ពួកគេក្នុងជាមួយនឹងស្មារតីប្រយុទ្ធ។

សហរដ្ឋអាមេរិកបានធ្វើការហ្វឹកហ្វឺននៅ Grafenwoehr អស់ជាច្រើនឆ្នាំ រួមទាំងកងកម្លាំង សម្ព័ន្ធមិត្តនៅអឺរ៉ុបផង ដែរ។ ប៉ុន្តែការហ្វឹកហាត់សម្រាប់កងកម្លាំងអ៊ុយក្រែនបានចាប់ផ្តើមកាលពីឆ្នាំមុន ភ្លាមៗបន្ទាប់ពីការលុកលុយ របស់រុស្ស៊ី។ នៅពេលនោះវាត្រូវបានផ្តោតជាពិសេសទៅលើប្រព័ន្ធសព្វាវុធផ្សេងៗដែលត្រូវបានផ្គត់ផ្គង់ដោយ សហរដ្ឋអាមេរិក ដូចជាម៉ាស៊ីនបាញ់កាំភ្លើង៕