កណ្ដាល៖ការប្រកួតប្រដាល់គុនខ្មែរ លក្ខណៈអន្ដរជាតិស្ថានីយ៍ទូរទស្សន៍កងយោធពលខេមរៈភូមិន្ទប៉ុស្ដិ៍លេខ៥ (Tv5) សហការជាមួយសហព័ន្ធកីឡាប្រដាល់គុនខ្មែរ រដូវកាលថ្មី បានឈានចូលសប្ដាហ៍ទី១៥ហើយ ដែលអា ទិត្យនេះកាន់តែពិសេសថែមទៀតដោយសារតែទាំងកីឡាករជាតិ និងអន្ដរជាតិវាយគ្នាអស់ពីសម្ថភាព នាំឲ្យ ទស្សនិកជកជក់ចិត្ដខ្លាំង និងហ៊ោពេញសែង្វៀន ព្រោះអ្នករៀបចំកម្មវិធីមានការសម្រិតសម្រាំងយកកីឡាករបរទេសមកសុទ្ធតែខ្លាំងៗទើបធ្វើឲ្យអ្នកស្នេហាវិស័យប្រដាល់គុនខ្មែរមានចំនួនកាន់តែកើនឡើង ពិសេសគឺនៅ ឆ្នាំថ្មី ២០២៤ ។
លទ្ធផលប្រដាល់គុនខ្មែរ ប៉ុស្ដិ៍លេខ៥ នៅថ្ងៃទី១៣ ខែមករា ឆ្នាំ២០២៤ គឺ៖
-គូពិសេសទី១៖កីឡាករបង្គោលក្រហមខាំ សូរិយា មកពីក្លិបមហិទ្ធិរិទ្ធមេសថ្ញក ខេត្តស្វាយរៀង សមាគម កីឡាកងយោធពលខេមរភូមិន្ទប្រភទទម្ងន់៦០គ.ក្រ បានចាញ់ពិន្ទុ កីឡាករបង្គោលខៀវជិន ចាង មកពីក្លិប ឃ្លាំងមឿងកីឡាខេត្តពោធិសាត់ សមាគមកីឡាប្រដាល់ក្រសួងមហាផ្ទៃ ។
-គូពិសេសទី២៖ បង្គោលក្រហមកីឡាករនួន រ៉ាថេន មកពីក្លិបប្រដាល់តាឯកដំបងដែកមានរិទ្ធ សមាគមកីឡា ប្រដាល់ខេត្ត ព្រៃវែង ប្រភេទទម្ងន់៦៣,៥គ.ក្រ បានផ្ដួលនៅទឹកទី៣ទៅលើកីឡាករបង្គោលខៀវរឿម វណ្ណះ មកពីក្លិបនាគនាំសំណាងនរាយណ៍តេជះគុនខ្មែរ សមាគមកីឡាប្រដាល់ក្រសួងមហាផ្ទៃ ។
-គូអន្ដរជាតិទី៣៖កីឡាកបង្គោលក្រហមហ៊ុន ឈុនហេង មកពីក្លិបជ្រៃសែនជ័យ ខេត្តកំពង់ស្ពឺប្រភេទ ទម្ងន់ ៥៤គ.ក្រ បានយកឈ្នះដោយពិន្ទុលើកីឡាករ បង្គោលខៀវPhat Youphin (Thailand។។
-គូអន្ដរជាតិទី៤៖កីឡាបង្គោលក្រហមសូត្រ វាសនា មកពីក្លិបបក្សីស្លាបដែក សមា គមកីឡាប្រដាល់ក្រសួង មហាផ្ទៃ ប្រភេទទម្ងន់៦៣,៥ គ.ក្រ ត្រូវបានអាជ្ញាកណ្ដាល កាត់ សេចក្ដីដោយឲ្យឈ្នះដោយពិន្ទុ លើកីឡា ករបង្គោលខៀវ កីឡាករបង្គោលខៀវSing Thang (Thailand) ។គូនេះកីឡាករ Sing Thang ហាក់មិនអស់ចិត្តចំពោះលទ្ធផលទេ ព្រោះរូបគេមានជំនឿរចិត្តថាបានវាយទៅលើគូប្រកួតច្រើនជាង ប៉ុន្ដែអ្វីៗគឺនៅលើអាជ្ញាកណ្ដាលជាអ្នកសម្រេច។
-គូអន្ដរជាតិទី៥៖ កីឡាករបង្គោលក្រហមយ៉េន ឌីណា មកពីក្លិបហ្គាឡាក់ស៊ីណាវ៉ាត្រាអេភូថងគុនខ្មែរ សមាគមកីឡាកងយោធពលខេមរភូមិន្ទ ប្រភេទទម្ងន់ ៦៥គ.ក្រ ដែលជាគូឯកប្រចាំសប្ដាហ៍បានចាញ់ពិន្ទុពិន្ទុកីឡាករបង្គោលខៀវEtra (Thailand) ។
គូរបញ្ជាក់ថាប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ បានធ្វើឲ្យទស្សនិកជនគាំទ្រច្រើន ព្រោះតែមានការជ្រើសរើសគូពិសេសៗជារៀងរាល់សប្ដាហ៍ទាំងកីឡាករជាតិ និងអន្ដរជាតិដើម្បីបម្រើអារម្មណ៍បងប្អូនក៍ដូចជាបំផុសកីឡាប្រដាល់គុនខ្មែរឲ្យកាន់តែល្បីល្បាញទាំងនៅលើឆាកជាតិ និងអន្ដរជាតិ។ទស្សនិកជនអាចមកទស្សនាដោយផ្ទាល់ឬតាមAp Tv5 Cambodia Facebook និងតាមយូធូបរៀងរាល់ល្ងាចថ្ងៃសៅរិ៍ចាប់ពីម៉ោង៦ល្ងាចតទៅនៅស្ទូឌីយោ ប៉ុស្ដិ៍លេខ៥ ព្រែកកំពឹស។ ប្រដាល់គុនខ្មែរ លក្ខណៈអន្ដរជាតិប៉ុស្ដិ៍លេខ៥ តំណើរការបាន ដោយសារតែមានការឧបត្ថម្ភធំពីទឹកបរិសុទ្ធលីយ៉ង និងក្រុមហ៊ុនទឹកកកអនាម័យPremium ៕
