ភ្នំពេញ ៖ ស្ត្រីម្នាក់ទើបតែចេញពីហូបការផ្ទះស្ទះចរាចរណ៍ចេះតែបើករថយន្តរុលទៅ មុខជ្រុលទៅបុកគូទរថយន្តស្ថានទូតអាមេរិកខូចខាតតិចតួច ប៉ុន្តែភាគីទាំងពីរចរចាគ្នា៣ ម៉ោងធ្វើឲ្យកកស្ទះចរាចរណ៍នៅត្រូវដោះស្រាយគ្នាមិនចប់ បង្កឲ្យមានការភ្ញាក់ផ្អើលកាល ពីវេលាម៉ោង៨និង៣០នាទីយប់ថ្ងៃទី៩ខែកុម្ភះឆ្នាំ២០១៧តាមបណ្តោយផ្លូវ សុរាម្រិតកែងផ្លូវសុធារសស្ថិតនៅក្នុងសង្កាត់ចតុមុខខណ្ឌដូនពេញ។
សាក្សីដែលឃើញហេតុការណ៍បានអោយដឹងថាមុនពេលកើតហេតុគេបានឃើញស្ត្រីម្នាក់ទើបតែចេញមកពីការនៅកោះពេជ្រត្រឡប់ទៅផ្ទះវិញបើករថយន្តម៉ាកកាមរីបាឡែន ពណ៌ស ពាក់ស្លាកលេខភ្នំពេញ2AK4350បើករតាមបណ្តោយផ្លូវសុរាម្រិត ក្នុងទិសដៅពីកើតទៅលិចខណៈពេលមកដល់ចំណុចកើតហេតុផ្លូវកំពុងតែស្ទះចរាចរណ៍ចេះតែបើករំកិលទៅមុខម្តងបន្តិចៗក៏ជ្រុលទៅបុកគូទរថយន្តMONTERO SPORT ពណ៌ខ្មៅពាក់ស្លាកលេខភ្នំពេញ2H2147ជារថយន្តរបស់ស្ថានទូតអាមេរិក បើកបរតាមបណ្តោយផ្លូវសុរាម្រិតស្របទិសគ្នារងការខូចខាតបន្តិចបន្តួច ប៉ុន្តែភាគីទាំងសងខាងចរចាគ្នា៣ម៉ោងនៅមិនត្រូវគ្នាបង្កឲ្យកកស្ទះចរាចរណ៍ត្រូវ សមត្ថកិច្ចចុះទៅជួយសម្រួលចរាចរណ៍ ។
ក្រោយពេលកើតហេតុខាងភាគីរថយន្តបង្កបានទូរស័ព្ទហៅប្តីមកជួយដោះស្រាយនៅតែមិនត្រូវគ្នា ដោយខាងរថយន្តស្ថានទូតអាមេរិកទាមទារសំណងចំនួន50$ ប៉ុន្តែខាង រថយន្តបង្កមានតែ២០ដុល្លារ ខាងរថយន្តរងគ្រោះមិនព្រម នៅចរចាគ្នា៣ម៉ោងនៅតែមិន ត្រូវ គ្នាទើបសមត្ថកិច្ចវាស់វែងយកទៅរក្សាទុកនៅការិយាល័យចរាចរណ៍ជើង គោករងចាំដោះស្រាយគ្នានៅពេលក្រោយទៀត៕
ឥន សាន់ស៊ីដេត