កណ្ដាល៖ការប្រកួតប្រដាល់គុនខ្មែរលក្ខណៈអន្ដរជាតិស្ថានីយ៍ទូរទស្សន៍កងយោធពលខេមរៈភូមិន្ទប៉ុស្ដិ៍លេខ៥ សហការជាមួយសហព័ន្ធកីឡាប្រដាល់គុនខ្មែរ កាន់តែកក្រើកសែង្វៀន កាលពីថ្ងៃទី២៩ ខែមិថុនា ឆ្នាំ២០២៤ ដែលការប្រកួតមានដល់ទៅ៧គូ ហើយក្នុងនោះទាំងកីឡាករជាតិ និងអន្ដរជាតិ សុទ្ធតែកីឡាការខ្លាំងៗ នាំឲ្យទស្សនិកជកជក់ចិត្ដ និង ស្រែកហ៊ោ ពេញសែង្វៀនព្រែកកំពឹស។
លទ្ធផលប្រដាល់គុនខ្មែរTv5 នៅថ្ងៃទី២៩ ខែឧមិថុនា ឆ្នាំ២០២៤ គឺ៖
-គូមិត្តភាពទី១(ហ្គង់ធម្មតា)៖កីឡាករបង្គោលក្រហមលុយ ថៃណា អាយុ១៣ឆ្នាំ មកពីក្លិប ចក្រវាឡគុនខ្មែរ8k សមាគមកីឡាកងយោពលខេមរភូមិន្ទ ធ្លាប់ប្រកួតបានចំនួន១២ដង ឈ្នះ១១ដង,មិនធ្លាប់ចាញ់, មិនធ្លាប់ស្មើ និងធ្លាប់ផ្ដួលគូប្រកួតឲ្យសម្លប់ចំនួន៣ដង ប្រកួតទម្ងន់ ៣១ គ.ក្រ បានឈ្នះដោយពិន្ទុ លើកីឡាករបង្គោលខៀវរិទ្ធី លីហួ មកពីក្លិបប្រដាល់គុនខ្មែរ Super Fight &GYM សមាគមកីឡាកងយោធពលខេមភូមិន្ទ អាយុ១៣ឆ្នាំ ធ្លាប់ប្រកួត៩ដង, ឈ្នះ៦ដង,មិនធ្លាប់ស្មើ , ចាញ់៣ដង និងមិនធ្លាប់ផ្ដួលគូប្រកួតឲ្យសម្លប់ ។
-គូមិត្តភាពទី២(ហ្គង់ចេញម្រាម)៖ កីឡាការិនីបង្គោលក្រហមវណ្ណា ស៊ែល អាយុ២១ឆ្នាំ មកពីក្លិបដាវគុនខ្មែរ ភ្នំសន្ទុក សមាគមកីឡាកងយោពលខេមរភូមិន្ទ ធ្លាប់ប្រកួតចំនួន៥ដង ,ឈ្នះ៤ដង ,ចាញ់១ដង ,មិនធ្លាប់ស្មើ និងធ្លាប់ផ្ដួលគូប្រកួតឲ្យសម្លប់ចំនួន៣ដង ប្រភេទទម្ងន់៥៤ គ.ក្រ បានចាញ់ពិន្ទុ កីឡាករបង្គោលខៀវសុភាព ចេស្ដា មកពីក្លិបសុភាពគុនខ្មែរ សមាគមកីឡាកងយោពលខេមរភូមិន្ទ អាយុ១៧ឆ្នាំ ធ្លាប់ប្រកួតចំនួន៣ដង ,ឈ្នះ២ ដង ,មិនធ្លាប់ចាញ់ ,មិនធ្លាប់ស្មើ និងមិនធ្លាប់ផ្ដួលគូប្រកួតឲ្យសម្លប់ ។
-គូមិត្តភាពទី៣(ហ្គង់ចេញម្រាម)៖កីឡាករបង្គោលក្រហមរិទ្ធី សារៈ មកពីក្លិបប្រដាល់គុនខ្មែរ Super Fight &GYM សមគមកីឡាកងយោធពលខេមរភូមិន្ទ អាយុ២៧ឆ្នាំ ធ្លាប់ប្រកួត៦ដង ,ឈះ៣ដង,ចាញ់៣ដង ,មិនធ្លាប់ស្មើ និងធ្លាប់ផ្ដួលគូប្រកួតឲ្យសម្លប់ចំនួន២ដង ប្រភេទទម្ងន់៦៩ គ.ក្រ បានចាញ់នៅទឹកទី២ ក្រោមកណ្ដាប់ដៃកីឡាករបង្គោលខៀវសំណាង ចុងក្រោយ មកពីក្លិបមហិទ្ធិរិទ្ធមេសថ្ញក ខេត្តស្វាយរៀង សមាគមកីឡាកងយោធពលខេមរភូមិន្ទ អាយុ២៧ឆ្នាំ ធ្លាប់ប្រកួត២៨ដង ,ឈះ២០ដង,ចាញ់៨ដង ,មិនធ្លាប់ស្មើ និងធ្លាប់ផ្ដួលគូប្រកួតឲ្យសម្លប់ចំនួន២០ដង ។
-គូមិត្តភាពទី៤ (អំបោះឆៅ)៖ កីឡាករបង្គោលក្រហមកំពែង ខ្មៅ អាយុ២៣ឆ្នាំ មកពីក្លិប អេភូថង កីឡា សមគមកីឡាកងយោធពលខេមរភូមិន្ទ ធ្លាប់ប្រកួត៨៦ដង,ឈ្នះ៦៥ដង,ចាញ់១៥ដង,ស្មើ៦ដង និងធ្លាប់ផ្ដួលគូប្រកួតឲ្យសម្លប់ចំនួន១៤ដង ប្រកួតប្រភេទទម្ងន់៦៣,៥គ.ក្រ បានចាញ់ពិន្ទុកីឡាករបង្គោលខៀវលីន ជី មកពីក្លិបបុរីរាជសីហ៍មានរិទ្ធ សមាគមកីឡាកងយោពលខេមរភូមិន្ទ អាយុ២២ឆ្នាំ ធ្លាប់ប្រកួតចំនួន៤៨ដង,ឈ្នះ៣៤ដង,ចាញ់១២ដង ,ស្មើ២ដង និង ធ្លាប់ផ្ដួលគូប្រកួតឲ្យសម្លប់ចំនួន៦ដង ។
-គូមិត្តភាពអន្ដរជាតិទី៥(ហ្គង់ចេញម្រាម)៖ កីឡាករបង្គោលក្រហមជ័យ ស៊ីនេត មកពីក្លិបឃ្លាំងមឿងកីឡាខេត្ត ពោធិសាត់ សមាគមកីឡាក្រសួងមហាផ្ទៃ អាយុ៣៣ឆ្នាំ ធ្លាប់ប្រកួត៨៣ដង ,ឈ្នះ៥៨ដង, ចាញ់២២ដង ស្មើ៣ដង និងធ្លាប់ផ្ដួលគូប្រកួតឲ្យសម្លប់ចំនួន១១ដង ប្រភេទទម្ងន់ ៦០គ.ក្រ បានត្រឹមស្មើគ្នាជាមួយកីឡាករបង្គោលខៀវខាវ សៀនវ័ង
(CAO XIANANG) មកពីចិន អាយុ២២ឆ្នាំ ធ្លាប់ប្រកួត២៤ដង ,ឈ្នះ២០ដង, ចាញ់៤ដង មិនធ្លាប់ស្មើ និងធ្លាប់ផ្ដួលគូប្រកួតឲ្យសម្លប់ចំនួន៩ដង។
-គូមិត្តភាពអន្ដរជាតិទី៦(ហ្គង់លេខ៨)៖ កីឡាករបង្គោលក្រហមសុភាព រុងរឿង អាយុ២៣ឆ្នាំមកពីក្លិបសុភាពគុនខ្មែរ សមគមកីឡាកងយោធពលខេមរភូមិន្ទ ធ្លាប់ប្រកួតចំនួន៣៣ដង ,ឈ្នះ២៥ដង, ចាញ់៦ដង ស្មើ២ដង និងធ្លាប់ផ្ដួលគូប្រកួតឲ្យសម្លប់ចំនួន៨ដង ប្រភេទ ទម្ងន់៦៣,៥គ.ក្រ បានឈ្នះនៅទឹកទី៣ លើកីឡាករបង្គោលខៀវ ផេត ប៊ុនឈូ (PHET BUNCHU) មកពីឡាវ អាយុ២៧ឆ្នាំ ធ្លាប់ប្រកួត៨៨ដង,ឈ្នះ៦០ដង ,ចាញ់២៤ដង ,ស្មើ៤ដង និងធ្លាប់ផ្ដួលគូប្រកួតឲ្យសម្លប់ចំនួន១១ដង ។
-គូមិត្តភាពអន្ដរជាតិទី៧(ហ្គង់ចេញម្រាម)៖ កីឡាករបង្គោលក្រហមខាំ កូនខ្លា មកពីក្លិបហិទ្ធិរិទ្ធមេសថ្ញក ខេត្តស្វាយរៀង សមាគមកីឡាកងយោធពលខេរភូមិន្ទ អាយុ២០ឆ្នាំ ធ្លាប់ប្រកួត៩៥ដង ,ឈ្នះ៨៥ដង, ចាញ់៨ដង ស្មើ២ដង និងធ្លាប់ផ្ដួលគូប្រកួតឲ្យសម្លប់ចំនួន១៩ដង ប្រភេទទម្ងន់ ៦០គ.ក្រ បានផ្ដួលត្រឹមទឹកទី២លើកីឡាករបង្គោលខៀវផេត ចំប៉ា (PHET CHAMPA) មកពីឡាវ អាយុ២២១ឆ្នាំ ធ្លាប់ប្រកួត៨២ដង ,ឈ្នះ៥៨ដង, ចាញ់២២ដង, ស្មើ២ដង និងធ្លាប់ផ្ដួលគូប្រកួតឲ្យសម្លប់ចំនួន១៤ដង ។
គួរបញ្ជាក់ថាប្រដាល់គុនខ្មែរលក្ខណៈអន្ដរជាតិប៉ុស្ដិ៍លេខ៥បានធ្វើឲ្យទស្សនិកជនគាំទ្រច្រើន ដោយសារតែមានការសម្រិតសម្រាំងគូពិសេសៗជារៀង រាល់សប្ដាហ៍ទាំង កីឡាករ ជាតិ និងអន្ដរជាតិដើម្បីបម្រើអារម្មណ៍បងប្អូនក៍ដូចជាបំផុស កីឡាប្រដាល់គុនខ្មែរឲ្យកាន់តែ ល្បីល្បាញទាំងនៅលើឆាកជាតិ និងអន្ដរជាតិ ។ទស្សនិកជនអាចមកទស្សនាដោយផ្ទាល់នៅស្ទូឌីយោ ប៉ុស្ដិ៍លេខ ៥ ព្រែកកំពឹសឬតាមAp Tv5 Cambodia Facebook និងតាមយូធូបរៀងរាល់ល្ងាច ថ្ងៃសៅរិ៍ ចាប់ពីម៉ោង៦ល្ងាចតទៅ ។ប្រដាល់គុនខ្មែរ លក្ខណៈអន្ដរជាតិប៉ុស្ដិ៍ លេខ៥ តំណើរការបាន ដោយសារតែមានការឧបត្ថម្ភធំពីទឹកបរិសុទ្ធលីយ៉ង និងក្រុមហ៊ុន ទឹកកកអនាម័យPremium ៕
