មានកុប្បកម្មមួយបានកើតឡើងដែលបដិសេធដោយផ្ទាល់នូវសេរីភាពខាងសាសនាដែលធានាដោយរដ្ឋធម្មនុ ញ្ញនៃសាធារណរដ្ឋកូរ៉េ។ រដ្ឋបាលខេត្ត Gyeonggi-do និងអង្គការទេសចរណ៍ Gyeonggi បានប្រព្រឹត្តទង្វើខុស ពីរដ្ឋធម្មនុញ្ញ និងខុសច្បាប់ ដែលមិនអាចរាប់បានដោយហេតុផលណាមួយឡើយ។ តើការគាបសង្កត់សាសនាមានន័យដូចម្តេច?
តើរដ្ឋបាលខេត្ត Gyeonggi-do និងអង្គការទេសចរណ៍ Gyeonggi មានបំណងដឹកនាំប្រទេសនេះទៅឯណា? តើពួកគេខ្វាក់ភ្នែកដោយសារផលប្រយោជន៍នយោបាយផ្ទាល់ខ្លួន ហើយព្យាយាមបំបែកប្រជាជនជាពីរ បែងចែកសាសនាជាពីរ ហើយចុងក្រោយជំរុញឱ្យសាធារណរដ្ឋកូរ៉េត្រូវវិនាសមែនទេ?
ព្រះវិហារគ្រីស្ទស៊ីនឆន់ជីរបស់យើងបានជួល Imjingak Pyeonghwa-Nuri នៅទីក្រុងផាជូ, ខេត្តGyeonggi-do ពីថ្ងៃទី២៩ ដល់ថ្ងៃទី៣១ ខែតុលា ហើយគ្រោងនឹងរៀបចំ <វេទិកាថ្នាក់ដឹកនាំសាសនា និងពិធីបញ្ចប់ការសិក្សា> នៅថ្ងៃទី៣០។ និស្សិតបញ្ចប់ការសិក្សា និងថ្នាក់ដឹកនាំសាសនាទាំងក្នុង និងក្រៅប្រទេសរាប់ម៉ឺននាក់បានចូលក្នុងប្រទេសរួចហើយ ហើយត្រៀមខ្លួនចូលរួមក្នុងព្រឹត្តិការណ៍នេះជាព្រឹត្តិការណ៍អន្តរជាតិដ៏ធំដែលមានថវិការាប់សិបពាន់លានវ៉ុន។ ទោះជាយ៉ាងណា អង្គការទេសចរណ៍ Gyeonggi បានឲ្យដឹងនៅព្រឹកថ្ងៃទី២៩ ខែ តុលា ដែលជាថ្ងៃនៃការជួលនេះថា ការជួលត្រូវបានលុបចោលជាឯកតោភាគី ដោយគ្មានការពិគ្រោះយោបល់ជាមួយយើងមួយម៉ាត់។ នេះមិនមែនជាការប្រព្រឹត្តស្របច្បាប់របស់ប្រជាជនអធិបតេយ្យភាពទេ ហើយជាសក mម្មភាពដែលធ្វើឱ្យខូចកិត្តិយសជាតិនៃសាធារណរដ្ឋកូរ៉េយ៉ាងធ្ងន់ធ្ងរ។ តើយើងត្រូវពន្យល់អ្វីខ្លះដល់អស់ ទាំង ថ្នាក់ដឹកនាំសាសនា និងអស់ទាំងនិស្សិតបញ្ចប់ការសិក្សាពីប្រទេសនីមួយៗដែលបានចូលប្រទេសរួចហើយ? សាធារណរដ្ឋកូរ៉េ ដែលបានសង្កត់ធ្ងន់លើសកលភាវូបនីយកម្ម និងអំពាវនាវឱ្យមាន K-wave កំពុងនាំមកនូវ ភាពអាម៉ាស់ជាអន្តរជាតិ ដោយសារតែការគៀបសង្កត់សាសនា។ តើចង់ធ្វើបាតុកម្មពីព្រះវិហារគ្រីស្ទស៊ីនឆន់ជីឬ?
ពួកយើងបានអនុវត្តតាមនីតិវិធីរដ្ឋបាលទាំងអស់ស្របតាមផ្លូវច្បាប់។ បន្ទាប់ពីត្រូវបានជូនដំណឹងអំពីការយល់ ព្រមជួលនៅថ្ងៃទី២២ ខែកក្កដា ថ្លៃជួលត្រូវបានបង់ពេញនៅថ្ងៃទី២ ខែតុលា។ នៅថ្ងៃទី១៦ ខែតុលា កិច្ចប្រជុំការងារមួយត្រូវបានធ្វើឡើងទាក់ទងនឹងមាត្រដ្ឋានព្រឹត្តិការណ៍ ប្លង់ ផែនការសុវត្ថិភាព ការប្រើប្រាស់កាំជ្រួចបែបផែនពិសេស។ល។ ហើយអង្គការទេសចរណ៍ Gyeonggi បានពិនិត្យព័ត៌មានលម្អិតទាំងអស់នៃព្រឹត្តិការណ៍នេះ និងបានបញ្ចប់ការពិភាក្សាអំពីការត្រួតពិនិត្យសុវត្ថិភាព។ ជាពិសេស នៅថ្ងៃដដែលនោះ មានព័ត៌ មានថា ខេត្ត Gyeonggi-do បានកំណត់ទីក្រុងផាជូទាំងមូលជាតំបន់ហានិភ័យ ប៉ុន្តែយើងបានទទួលការឆ្លើយ តបថា នេះជាវិធានការទប់ស្កាត់ការចែកចាយខិត្តប័ណ្ណប្រឆាំងកូរ៉េខាងជើង ហើយមិនមានពាក់ព័ន្ធនឹងព្រឹត្តិការណ៍របស់យើង ហើយមិនមានការជូនដំណឹងជាមុន ឬការដាក់ទណ្ឌកម្មក្នុងរឿងនេះទេ។ ជាងនេះទៅ ទៀត នៅថ្ងៃទី២៣ និងថ្ងៃទី២៨ ខែតុលា អ្នកទទួលខុសត្រូវបានបញ្ជាក់ជាផ្លូវការពីរដងថា “មិនមានគម្រោងលុបចោលការជួលនោះទេ”។
ការលុបចោលព្រឹត្តិការណ៍ដែលបានបញ្ចប់ការត្រួតពិនិត្យសុវត្ថិភាពនៅថ្ងៃតែមួយ ដោយសារតែការប្រឆាំងពីក្រុមសាសនាជាក់លាក់ បានបំផ្លាញភាពជឿជាក់របស់រដ្ឋបាល, វាជាទង្វើនៃការបែងចែកប្រទេសដោយបែងចែកប្រជាជនជាពីរ។ ជាងនេះទៅទៀត អភិបាលខេត្ត Gyeonggi-do លោក Kim Dong-yeon បានបញ្ជាឱ្យលុបចោលការជួលនេះ ដោយលើកឡើងពីលេសដ៏ខ្លីថា “ការញុះញង់កូរ៉េខាងជើង” ។ យ៉ាងណាមិញ ព្រឹត្តិការណ៍ផ្សេងទៀតដែលធ្វើនៅទីតាំងដដែលមិនបានបង្កបញ្ហាអ្វីឡើយ។ សកម្មភាពរដ្ឋបាលដែលផ្អែកលើការប្រឆាំងពីក្រុមសាសនាជាក់លាក់មួយ គឺជាការបំពានដោយផ្ទាល់លើគោលការណ៍បំបែកព្រះវិហារ និងរដ្ឋដែលធានាដោយរដ្ឋធម្មនុញ្ញ ហើយជាអាកប្បកិរិយាមិនស្របតាមរដ្ឋធម្មនុញ្ញដែលមិនអាចអត់ឱនបាននៅក្នុងប្រទេសប្រជាធិបតេយ្យ។
តើរដ្ឋបាលខេត្ត Gyeonggi-do និងអង្គការទេសចរណ៍ Gyeonggi កំពុងព្យាយាមបណ្តេញព្រះវិហារគ្រីស្ទស៊ីន ឆន់ជីចេញពីទឹកដីនេះឬ? ការអនុញ្ញាតត្រូវបានផ្តល់ឱ្យហើយ បន្ទាប់មកលុបចោលតាមពាក្យសំដីនៃក្រុមសាស នាជាក់លាក់មួយ តើនេះជាការគ្រប់គ្រងបែបណា? យើងមានមោទនភាពជាពលរដ្ឋនៃប្រទេសនេះ។ ហេតុអ្វីបានជាយើងត្រូវបានគេរើសអើងពេលប្រើប្រាស់មធ្យោបាយសាធារណៈដែលដំណើរការដោយពន្ធរបស់យើង?
យើងមិនអាចទ្រាំបានដូចនេះទៀតទេ។ តើសមាជិករាប់សិបម៉ឺននាក់នៃព្រះវិហារគ្រីស្ទចង់ដើរតាមដងផ្លូវឬ? ព្រះវិហារគ្រីស្ទស៊ីនឆន់ជី បានខិតខំប្រឹងប្រែងជាច្រើន ដើម្បីដោះស្រាយបញ្ហាដោយសន្តិវិធី ប៉ុន្តែប្រសិនបើនេះជាលទ្ធផល យើងនឹងដើរតាមផ្លូវ ដើម្បីសិទ្ធិ និងយុត្តិធម៌របស់យើង។
ព្រះវិហារគ្រីស្ទស៊ីនឆន់ជី មិនមែនជាពលរដ្ឋលំដាប់ទីពីរ ដែលអាចត្រូវបានគេអើពើ និងរើសអើងទេ ហើយក៏គ្មានពលរដ្ឋថ្នាក់ទីពីរគួរមាននៅក្នុងទឹកដីនេះដែរ។ តើអ្នកគិតថា ការរើសអើង និងការជិះជាន់បែបនេះនឹងនាំមកនូវសន្តិភាពដល់ប្រទេសនេះឬ? កុំភាន់ច្រឡំឱ្យសោះ។
ពួកយើងសូមធ្វើការព្រមានយ៉ាងតឹងរ៉ឹង។ រដ្ឋបាលខេត្ត Gyeonggi-do និងអង្គការទេសចរណ៍ Gyeonggi ត្រូវតែបង្ហាញយ៉ាងច្បាស់អំពីមូលដ្ឋាន សម្រាប់ការសម្រេចចិត្តលុបចោលការជួលដែលអាចយល់បាន ចំពោះសាធារណជន និងធ្វើការសុំទោសជាផ្លូវការចំពោះសមាជិកទាំងអស់នៃព្រះវិហារគ្រីស្ទស៊ីនឆន់ជី និងបានអញ្ជើញភ្ញៀវក្នុងស្រុក និងបរទេស។ ចូរបញ្ឈប់ជាបន្ទាន់នូវការគ្រប់គ្រងការរើសអើងសាសនា។ ប្រសិនបើអ្នកមិនទទួលយករឿងនេះទេ យើងនឹងប្រមូលគ្រប់មធ្យោបាយផ្លូវច្បាប់ ហើយដើរតាមផ្លូវដោយមានអ្នកជឿរាប់សិបម៉ឺននាក់។ យើងនឹងរាយការណ៍អំពីស្ថានភាពនៃការគៀបសង្កត់ខាងសាសនានៅក្នុងប្រទេសកូរ៉េទៅកាន់អង្គការសិទ្ធិមនុស្សអន្តរជាតិឱ្យបានលម្អិត និងចាត់វិធានការផ្លូវច្បាប់ដែលអាចធ្វើទៅបាន ទាំងរដ្ឋប្បវេណី និងព្រហ្មទណ្ឌ។
ប្រជាពលរដ្ឋទាំងអស់នៅទឹកដីនេះ គឺស្មើគ្នា។ សេរីភាពខាងសាសនា គឺមិនអាចចរចាបានទេ។ ព្រះវិហារគ្រីស្ទ ស៊ីនឆន់ជី និងអ្នកជឿទាំងអស់នឹងតស៊ូរហូតដល់ទីបញ្ចប់ រហូតដល់ថ្ងៃដែលមនុស្សអាចអនុវត្តជំនឿរបស់ពួក គេដោយសេរីដោយគ្មានការរើសអើងនៅលើផែនដីនេះ ៕