ខេមរៈ សិរីមន្ដ បានធ្វើឲ្យភរិយាលោកអ្នកនាងគួយ ផល្លី មានក្ដីសុខបំផុតតាមរយៈការទៅណាក៍ពួកគេបណ្ដើរគ្នាដូចលលកញីឈ្មោលដែរ ទើបធ្វើឲ្យគូស្នេហ៍តារាជាច្រើនកាន់តែចាប់អារម្មណ៍និងដើរតាមគន្លងលោកប៊ុនថៃ ដែរក្នុងនោះមានដូចជាលោកឆាយ ចាន់ឆោម ហៅឆាយ វីរៈយុទ្ធ និងខាន់ ជេមស៍ ជាដើមដែលពួកគេលែងញញើតក្នុងការកៀកកើយប្រពន្ធដូចមុនទៀតហើយ។ប៉ុន្ដែទោះជាលោកសិរីមន្ដ ស្អិតល្មូតជាមួយភរិយាយ៉ាងណាក៍មហាជនមើលឃើញថាពេលនេះលោកប៊ុនថៃ នៅតែមិនទាន់អាចធ្វើបានដូចព្រាប សុវត្ថិ ឡើយ។
ការដែលគេសម្អាងថាទោះជាលោកប៊ុនថៃ ផ្អែមស្នេហ៍ជាមួយភរិយានិងស្អិតល្មូតដូចស្កតាំងម៉ែក៍មិនទាន់ដូចលោកព្រាប សុវត្ថិ នោះដោយសារតែអតីតតារាចម្រៀងហង្សមាសរូបនោះធ្លាប់ដឹកដៃភរិយារបស់លោកចូលថតMVបទចម្រៀងនៅហង្សមាសរបស់ខ្លួនហើយលោកតែងតែបង្ហាញរូបថតអាពាហ៍ពិពាហ៍កាលពីឆ្នាំ១៩៩៧ទៅអ្នកគាំទ្រជាញឹកញាប់ ចំណែកខេមរៈ សិរីមន្ដ នៅមិនទាន់ឲ្យប្រពន្ធចូលថតMVនិងមិនទាន់បញ្ចេញរូបភាពថ្ងៃមង្គលការនោះទេបើទោះជាលោកធ្លាប់អះអាងថាបានរៀបការជាមួយគ្នាតាំងពីឆ្នាំ២០០៩ក្ដី។
ទោះជាយ៉ាងណាគេចាប់អារម្មណ៍ថាមានចំណុចខ្លះដែលខេមរៈ សិរីមន្ដ ធ្វើបានតែលោកព្រាប សុវត្ថិ នៅមិនទាន់អាចធ្វើដែរគឺដូចជាពេលនេះលោកប៊ុនថៃ បានលើកភរិយាឲ្យក្លាយទៅជាអ្នកដឹកនាំMV និងជាជំនួយការរបស់ខ្លួនដែរ តែព្រាប សុវត្ថិ មិនដែលឲ្យអ្នកស្រីឡុង ស្រីមុំ មកដឹកនាំសម្ដែងMVរបស់លោកឡើយ។
ខេមរៈ សិរីមន្ដ បានព្យាយាមលាក់បាំងរឿងមានប្រពន្ធកូនរយៈពេល១៤ឆ្នាំពោលគឺលោកបានបភ្ជាប់ស្នេហ៍ជាមួយអ្នកនាងគួយ ផល្លី តាំងពីឆ្នាំ២០០៤ ប៉ុន្ដែទើបសារភាពថាលោមានប្រពន្ធនិងកូន៣នាក់កាលពីឆ្នាំ២០១៨។ការអះអាងថាលោកមិនមែនជាបុរសនៅកំលោះនេះធ្វើឲ្យក្រមុំៗមិនតិចនាក់ទេដែលធ្លាប់តែលង់ស្នេហ៍សិរីមន្ដ និងតាមចាប់អោបថើបតាមឆាកតន្រ្ដីនោះខកចិត្តគ្រប់គ្នា ខណៈដែលពេលនេះលោកប៊ុនថៃ ក្លាយទៅជាតារាដែលមានទ្រព្យស្ដុកនិងរស់នៅជាមួយប្រពន្ធកូនយ៉ាងមានក្ដីសុខលើផ្ទះវីឡាធំស្កឹមស្កៃនិងជិះរថយន្ដទំនើបៗ៤គ្រឿងឆ្លាស់គ្នាគឺRolls Royce Ghost ,Lexus Lx570 ,Mazda និងVolkswagen ។ទស្សនិកជនលើកឡើងថាបើសិរីមន្ដ និងភរិយាល្អូកល្អិនគ្នាយ៉ាងនេះតើប្ដីប្រពន្ធនេះនឹងតាមយកកូនទី៤ទៀតដែរទេ?
