ភ្នំពេញ៖ តារាចម្រៀងសាន់ដេលោកលោកសាន្ដ ពេជ្រសុភារិទ្ធិ ហៅអ៊ីណូ (Eno)បានលេងព័ណម៉ូដសក់ក្រងកាន់តែចម្លែកជាងមុនហើយចាប់ដៃគូជាមួយតារាចម្រៀងរៀមច្បងដែលគ្មានសក់១សរសៃលោកសាន្ដ ផានិត តាមរយៈការច្រៀងនិងសម្ដែងរួមគ្នានូវMVថ្មីលើកដំបូងបំផុតរបស់ពួកគេ។លោកសាន្ដ ផានិត បានបញ្ចេញសារថាអ៊ីណូ ចង់ចាប់ដៃជាមួយលោកហើយមិនបង្អង់យូលោកឆ្លើយថាOK។
នេះមិនមែនជាលើកទី១នោះទេដែលលោកអ៊ីណូ តែងតែមានការច្នៃប្រឌិតMVរបស់ខ្លួនឲ្យប្លែកៗដើម្បីឲ្យទទួលបានការចាប់អារម្មណ៍ពីទស្សនិកជនព្រោះមុននេះលោកបានហៅលោកហួ ឡាវី មកថតសម្ដែងរួមគ្នាជាមួយលោកតាមរយៈបទ”Talk Shit” ផងដែរ។ដោយឡែកការដែលលោកពេជ្រសុភារិទ្ធិ ច្រៀងដៃគូជាមួយលោកផានិត នៅពេលនេះត្រូវបានគេលើកឡើងថាគឺជាការជួបគ្នារវាងអ្នកលេងម៉ូសសក់ ប៉ៈអ្នកគ្មានសក់តែម្ដងអីចឹងបើបទនោះមិនផ្ទុះទេទើបជារឿងចម្លែក។
សូមរំលឹកថាតារាចម្រៀងអ៊ីណូ រហ័សនាមអ្នកចម្រៀងឈ្នះអស់មារសត្រូវបានបាក់មុខមាត់ជាខ្លាំងព្រោះតែកាលពីថ្ងៃទី៧ខែមិថុនា ថៅកែហ្គារ៉ាស់ឡានEno Auto Care ដែលមានទីតាំងនៅខណ្ឌសែនសុខ រូបនេះត្រូវប្ដីប្រពន្ធ១គូតាមទារលុយផ្អើលពេញហ្គារ៉ាសឡានតែម្ដងដោយចោទអ៊ីណូ ថាជំពាក់លុយគាត់ចំនួន១ម៉ឺនដុល្លារបង់ការប្រាក់បានតែ១ខែសល់៩ខែទៀតមិនដែលឃើញបង់ហើយថែមទាំងចេញសែកស្អុយឲ្យគាត់ទៅបើកលុយមិនបានទៀតផង។
ម្ចាស់បំណុលរូបនោះថែមទាំងដាក់ជាចម្ងល់ទៀតថាអ៊ីណូ ដាក់ទុនរកស៊ីលក់ឡានឮថាចំណាយលុយដល់ទៅខ្ទង់លានដុល្លារចុះហេតុអ្វីខ្ចីលុយ១០ខែបង់ការឲ្យគាត់បានតែ១ខែ?ដោយមិនចង់វែងឆ្ងាយអ៊ីណូ បានបាញ់លុយតាមរយៈការផ្ទេរទៅAba ភ្លាមៗនូវចំនួន១១៣៥០ដុល្លារជាការបញ្ចប់រឿងទើបធ្វើឲ្យរឿងអ៊ីណូ ត្រូវគេតាមទារលុយបង្ករការភ្ញាក់ផ្អើលពេញខណ្ឌសែនសុខនោះស្ងប់ស្ងាត់ទៅវិញ។
ពេលនេះដើម្បីជាការស្ដារមុខមាត់ឡើងវិញវិញអ៊ីណូ បានលេងមួយក្បាច់ទៀតឲ្យគេភ្ញាក់ផ្អើលនៅរដូវកូវីដមិនទាន់ស្ងាត់នេះដោយចេញច្រៀងសម្ដែងជាមួយលោកសាន ផានិត ដើម្បីឲ្យកាន់តែប្លែក ខណៈដែលមហាជនរងចាំមើលថាតើការចាប់ដៃគូគ្នាជាលើកដំបូងរវាងអ៊ីណូ និងសាន ផានិត នេះពេលចេញបទនោះហើយតារា១ណាទៅនឹងល្បីជាង?
គូរបញ្ជាក់ថាលោកសាន្ដ ពេជ្រសុភារិទ្ធិ ហៅអ៊ីណូ ហើយមិត្តរួមថ្នាក់លោកនិយមហៅថាតារាចម្រៀងក្បាលធំនោះត្រូវបានគេសង្ស័យថាលោកមានប្រពន្ធនិងកូន២នាក់ទៅហើយ។ប៉ុន្ដែនៅចំពោះមុខអ្នកសារព័តមានកន្លងមកអ៊ីណូ មិនដែលហ៊ាននិយាយរឿងប្រពន្ធកូននេះទេដោយបានឲ្យយោបល់ទៅអ្នកកាសែតថាគូតែសម្ភាសន៍លោករឿងការងារសិល្បៈនិងរកស៊ីបានហើយ៕
