តារាចម្រៀងហង្សមាសេន យូរី បង្ហូរទឹកនេត្រាជោគថ្ពាល់ក្រោយពីម្ដាយជាទីស្រលាញ់របស់នាងអ្នកស្រីចាន់ គង់ បានទទួលមរណភាពកាលពីថ្ងៃទី២៩ខែមិថុនាឆ្នាំ២០២១ដោយជំងឺទឹននោមផ្អែមនិងលើសឈាម។តារាចម្រៀងយូរី បានចេញសារលាយឡំទឹកភ្នែកថា”ម៉ាក់ហា….ម៉ាក់សំរាន្តអោយសុខស្រួលណាម៉ាក់ណា ??កូនស្រលាញ់ម៉ាក់ខ្លាំងណាស់ ? កុំបារម្ភ កូននឹងមើលថែប៉ាអោយបានល្អ កូនធ្វើចិត្តសឹងមិនបានទេ លឿនពេកហើយ នាងខ្ញុំសូមអភ័យទោសដល់ម្ចាស់កម្មវិធីដែលខ្ញុំបានលុបចោលភ្លាមៗក្នងពេលអ្នកម៉ាក់របស់ខ្ញុំបានទទួលមរណះភាពហើយដោយជំងឺទឹកនោមផ្អែមនឹងរោគលើសឈាមសូមអភ័យទោស?”។
ជាមួយគ្នានេះដែរនៅលើបណ្ដាញសង្គមលោកជា នី ដែលត្រូវបានគេចាត់ទុកថាជាគូស្នេហ៍របស់យូរី តែនាងថារាប់អានដូចបងប្រុសនោះក៍បានចែកចាយសារក្រៀមក្រំរបស់យូរី ដែលបាត់បង់ម្ដាយនេះដែរដែលបញ្ជាក់ថាពេលនេះយូរី និងលោកជា នី កំពុងតែកាន់ទុក្ខរួមគ្នា។ចំណែកក្រុមហ៊ុនហង្សមាសនិងតារាចម្រៀងរួមអាជីពជាមួយយូរី ក៍បានចេញ និងផ្ញើរសាររំលែកទុក្ខដល់តារាចម្រៀងរូបនេះជាបន្ដបន្ទាប់ ខណៈដែលក្រៅពីឈឺជំងឺលើសឈាម និងទឹកនោមផ្អែមនោះតាមព័តមានថាអ្នកស្រីចាន់ គង់ ក៍មានជំងឺខ្សោយបេះដូងផងដែរ។
យូរី ត្រូវបានម្ដាយជូនទៅច្រៀងនៅបណ្ដារឆាកទូរទស្សន៍មួយចំនួនហើយលោកស្រីក៍ជាអ្នកនៅក្រោយខ្នងនៃការគាំទ្រយូរី ឲ្យបើកហាងសាឡននិងសាលាកែសម្ផស្សដែលត្រៀមនឹងតំណើរការឆាប់ៗដែរ។ប៉ុន្ដែគូឲ្យស្ដាយយូរី ត្រូវពន្យាពេលសម្ពោធមុខជំនួញធំក្រៅសិល្បៈដោយសារតែកូវីដ-១៩ ហើយពេលនេះម្ដាយនាងចាកចោលរូបនាងដោយគ្មានថ្ងៃត្រឡប់ទើបធ្វើឲ្យយូរី តក់ស្លុតជាខ្លាំង។ទោះជាយ៉ាងណាតាមព័តមានថាយូរី ត្រូវបានលោកថៅកែជា នី ព្យាយាមលួងលោមនឹងលើកទឹកចិត្តនាងគ្រប់ពេលទើបធ្វើឲ្យតារាហង្សមាសរូបនេះអាចទប់អារម្មណ៍បាននឹងរៀបចំធ្វើបុណ្យជូនអ្នកមានគុណរបស់នាងតាមការណែនាំរបស់ក្រសួងសុខាភិបាល ហេតុនេះហើយមានតែអ្នកជិតដិតប៉ុណ្ណោះដែលចូលរួមបុណ្យសពម្ដាយយូរី ៕
