ភ្នំពេញ៖នៅក្នុងសង្គមសិល្បៈតារាដែលមានត្រេមុខខ្មែរដូចជាដាញ់ម៉ូនីការ,សារ៉ាយ សក្កណា,នី មុនីនាថ ,វ៉េត រតនា,កែវ ពេជ្រពិសី ជាដើមអ្នកខ្លះនៅបន្ដអាជីពនិងខ្លះទៀតមានស្វាមីចេញទៅរស់នៅតាមប្ដីនៅស្រុកគេក៍មានទើបធ្វើឲ្យរលកក្រោយជាច្រើនដួងចាប់ផ្ដើមរៈឡើងបន្ដវេនម្ដង។នៅឆ្នាំ២០២១នេះគេសង្កេតឃើញមានតារាស្រីស្អាតដល់ទៅ៤ដួងដែលពួកគេសុទ្ធតែជាកូនកាត់បរទេសកំពុងប្រជែងសម្រស់និងទីផ្សារសិល្បៈរៀងៗខ្លួន។ ១៖ម៉ៃយ៉ាៈពិធីការិនីនិងតារាសម្ដែងរូបនេះមានឈ្មោះពិតថាខាហ្គើរម៉ៃយ៉ា សូរ៉ៃយ៉ាម៉ាថា ហៅម៉ៃយ៉ា ហើយនាងមានឪពុកជាជនជាតិអាឡឺម៉ង់ម្ដាយជាជនជាតិខ្មែរទើបនាងក្លាយជាកូនខ្មែរកាត់អាឡឺម៉ង់។ម៉ៃយ៉ា មានសម្រស់ស្អាតសោភា ដែលលេចមុខតាមភាពយន្ដនិងMVជាច្រើនរឿងហើយនាងជាមុខសញ្ញានៃការតាមប្រម៉ាញ់ស្នេហ៍ពីសំណាក់ប្រុសៗអ្នកមាន។ប៉ុន្ដែគូឲ្យស្ដាយម៉ៃយ៉ា បានសម្រេចចិត្តជ្រើសស្នេហ៍អ្នកនាងពេជ្រ ធ្វើឲ្យប្រុសៗខ្ទាតចេញអស់ហើយគូស្នេហ៍ភេទដូចគ្នានេះបានបើកជាចំហខណៈដែលម៉ៃយ៉ា ហៅនាងពេជ្រ ថាជាប្ដីពេញៗមាត់ទៀតផង។
២៖យ៉ា សុផាន់ម៉ៃៈស្រីស្រស់វ័យ២២ឆ្នាំរូបនេះមានឈ្មោះពិតថាខាត់ យ៉ាឡាង ហើយនាងមានម្ដាយជាកូនកាត់ហ្វីលីពីន និងឪពុកជាជនជាតិខ្មែរហេតុនេះហើយនាងជាកូនខ្មែរកាត់ហ្វីលីពីន។នាងសុផាន់ម៉ៃ ធ្លាប់សម្ដែងភាពយន្ដជាតួឯករឿង”រសជាតិអ្នកមាន”,ជាតួអង្គសំខាន់ក្នុងរឿង”ព្រឺ”បន្ទាប់ពីបានចូលថតភាពយន្ដដំបូងជាតួរងរឿង”ធ្មប់”។តារារូបនេះមិនសូវចូលចិត្តនិយាយច្រើនឡើយគឺស្ងប់ស្ងាត់តែការសម្ដែងរបស់នាងច្បាស់លាស់ ហើយកន្លងមកមិននាងមិនធ្លាប់ប៉ៈរឿងអាស្រូវស្នេហា ឡើយ។
៣៖ណា សាឌីៈអតីតFreshie កាលពីឆ្នាំ២០១៥រូបនេះមានឪពុកជាជនជាតិថៃ ម្ដាយជាជនជាតិខ្មែរហេតុនេះហើយនាងជាខ្មែរកាត់ថៃ។កាលពីដើមឆ្នាំ២០២០ស្រីស្អាតរូបនេះស្ទើតែមិនអាចឈជើងនៅក្នុងសែង្វៀនសិល្បៈតទៅទៀតបានព្រោះនាងត្រូវបានគេទម្លាយថាមានកូនមន្រ្ដីធំម្នាក់ខាំជាំស្បែកសាច់ភ្លៅ តែសាឌី ថារឿងនោះគេចង់ធ្វើបាបនាងទេ។ដោយឡែកកាលពីខែមិថុនាឆ្នាំ២០២១ សាឌី បានទៅទិញផ្ទះវីឡាឃ្វីនតម្លៃ១៣ម៉ឺនដុល្លារនៅបុរីមួយហើយបាននាងប្ដូរពីជិះរថយន្ដម៉ាកPrius មកជិះLexus Nx200t យ៉ាងកាលីពទៀតផង។តែនាងថាគ្មានគូស្នេហ៍ជួយឧបត្ថម្ភឡើយហើយផ្ទះនោះនាងទិញដោយខ្លួនឯងនិងទុករស់នៅម្នាក់ឯងព្រោះម្ដាយឪពុកនាងមានផ្ទះនៅហើយ។
៤៖នែប ព្រំរិទ្ធិកាៈស្រីស្អាតតូចតន់រូបនេះមានឪពុកជាជនជាតិថៃ ម្ដាយជាជនជាតិខ្មែរអីចឹងនាងជាកូនខ្មែរកាត់ថៃ ហើយនាងលេចធ្លោតាមMV និងស្ពតរួមទាំងភាពយន្ដខ្នាតខ្លីៗជាច្រើនរឿងនៅរយៈពេលចុងក្រោយនេះ។ប៉ុន្ដែគូឲ្យស្ដាយនាងរិទ្ធិកា មានជំងឺក្រួសក្នុងពោះវៀនតម្រូវឲ្យនាងចូលពេទ្យរ៉ូយ៉ាល់ភ្នំពេញវះកាត់បន្ទាន់កាលពីថ្ងៃទី៥ខែសីហា ហើយទោះជាពេលនេះនាងបានធូស្រាលឡើងវិញបន្ដិចក្ដី តែមិនទាន់ហ៊ានទទួលការងារសិល្បៈពេញទំហ៊ឹងវិញឡើយគឺធ្វើតែការថតសម្ដែងណាខ្លីៗប៉ុណ្ណោះ។ស្រីក្មេងគូរឲ្យក្នក់ក្នាញ់រូបនេះធ្លាប់ត្រូវបានគេសង្ស័យថានាងជាស្រីស្នេហ៍របស់អ្នកចម្រៀងរ៉េបលោកផាន់ រ៉ុង តែរិទ្ធិកា ច្រានដោយវាចារថាបេះដូងនាងនៅទំនេរ។តារាវ័យ១៩ឆ្នាំរូបនេះថាការឈានចូលប្រឡូកសិល្បៈរបស់នាងមិនខ្លាចប៉ៈរឿងអាស្រូវស្នេហាទេព្រោះនាងថារឿងអ្វីៗសំខាន់នៅលើខ្លួនឯងជាអ្នកកំណត់គ្មានអ្នកណាហ៊ានបង្ខំយើងឡើយ៕
