ភ្នំពេញ៖សួស វីសា ទើបតែចាយលុយអស់ជាង១០ម៉ឺនដុល្លារទិញគ្រឿងអលង្ការមាស និងពេជ្រ ជ្រែកខ្លួនកាលពីថ្ងៃទី១៨ខែកញ្ញា ហើយស្រាប់តែកាលពីថ្ងៃទី១៧ខែកញ្ញា ពោលគឺរំលងបានតែ២ថ្ងៃប៉ុណ្ណោះវីសា បាននាំប្ដីទៅទិញផ្ទះវីឡារទោលតម្លៃជិត១០ម៉ឺនដុល្លារថែមទៀតនៅផ្លូវជាតិលេខ៦ ដែលស្វាមីនាងអះអាងថាទិញទុកឲ្យកូនស្រីឈ្មោះJenny ដែលមានវ័យគម្រប់១ឆ្នាំសម្រាប់កាដូខួបកំណើតរបស់គេនៅខែតុលាខាងមុខនេះ។លោកថមមី ថ្ងូរថាឲ្យតែម៉ែប្រពន្ធទាម៉ែអាទា ឪអាទា យាយអាទា គឺទារទាល់តែបានប៉ុន្មានល្វែងទៀតហើយ។
តាមរយៈការបញ្ចេញឲ្យគេឃើញដោយស្ពាយលុយជាង១សែនដុល្លារទៅទិញមាសពេជ្រ និងផ្ទះវីឡារក្នុងពេលតែមួយនេះបញ្ជាក់ថាសួស វីសា និងប្ដីមិនត្រឹមតែគ្មានវិបត្តិសេដ្ឋកិច្ចនៅរដូវកូវីដនេះទេ តែប្ដីប្រពន្ធតារា១គូនេះកាន់តែមានជីវភាពធូធារហើយពេលនេះពួកគេសល់ទ្រព្យច្រើនទៅៗបើទោះជាការងារសិល្បៈទាំងវីសា និងថមមី ស្ងប់ស្ងាត់ព្រមគ្នាក្ដី ប៉ុន្ដែរយៈពេលចុងក្រោយនេះតារាហង្សមាសនិងប្ដីបានងាកទៅស៊ីលក់ផលិតផលតាមOnlineកាក់កបគូសមបើទោះជាមុននេះពួកគេបានរើរហាងលក់សម្លៀកបំពាក់មួយនៅខណ្ឌសែនសុខព្រោះស្ងាត់ភ្ញៀវក្ដី។ចំពោះអាជីពចម្រៀងវិញសួស វីសា បានខកខានឡើងច្រៀងសម្ដែងលើឆាកតន្រ្ដីជិត៦ខែទៅហើយក្រោយពីរូបនាងបានកើតកូវីដកាលពីដើមខែមីនា ហើយទោះជាពេលនេះបានជាសះស្បើយនិងមានសុខភាពល្អដូចដើមក្ដី តែវីសា មិនទាន់កំណត់ពេលវេលាកាន់ក្បាលមីក្រូឡើងវិញនោះទេ។
ក្រៅពីទិញផ្ទះវីឡារថ្មីនៅផ្លូវជាតិលេខ៦នេះសួស វីសា បច្ចុប្បន្នរស់នៅផ្ទះវីឡារទោលនៅបុរីជីពម៉ុងលែន ផ្លូវជាសុផារ៉ា រាជធានីភ្នំពេញ ហើយនាងជិះរថយន្ដទំនើបៗដូចជាLexus Lx570 Kuro 2020 តម្លៃជាង២០ម៉ឺនដុល្លា,Lexus Nx200t និងMazda ជាដើម។វីសា -ថមមី បានដឹកដៃគ្នារៀបការកាលពីថ្ងៃទី២៩ខែវិច្ឆិការឆ្នាំ២០១៩ ហើយនាងសម្រាលកូនថ្ងៃទី៩ខែតុលាឆ្នាំ២០១២០ ដោយដាក់ឈ្មោះថាថង សាម៉ូលីណា ហៅJenny ។មិនមែនមានតែវីសា ម្នាក់ទេដែលទិញផ្ទះវីឡារនៅរដូវកូវីដនេះតែក៍មានតារាចម្រៀងនិងសម្ដែង៣ដួងផ្សេងទៀតដែរដែលថ្មីៗនេះពួកគេទើបទៅទិញផ្ទះវីឡាររៀងៗខ្លួននោះពេជ្រ សូលីកា ,ណា សាឌី និងវ៉ាន់ វល័ក្ខ ៕
