ភ្នំពេញ៖លោកសុខ មេសា ដែលធ្វើឲ្យម្ដាយតារាស្រីមួយចំនួនខ្លាចរអាព្រោះបើមានកូនស្រីស្អាតថតMVជាមួយនាយចឺម នោះអ្នកចម្រៀងរូបនេះគិតតែពីគ្រញិចអោបថើបមិនបន្ធូរដៃឡើយពោលគឺចូលតួលើសពីតម្រូវការអ្នកដឹកនាំបញ្ជារនោះពេលនេះសង្សារទី៣របស់នាយគឺស្រីស្អាតហ្វា ហ្វា លេងមួយក្បាច់ដើម្បីកុំឲ្យអតីតតារាកំប្លែងរូបនេះសាវ៉ាងាករេទៅរកស្រីថ្មីនោះនាងមានតែតុបតែងខ្លួនឲ្យស្អាតគ្រប់ពេលពិសេសថែរស្បែកកាន់សខ្ចីទើបធ្វើឲ្យលោកមេសា គ្មានគម្រោងទៅរកសង្សារថ្មីបន្ថែមទៀតឡើយ។យ៉ាងណនាងហ្វា ហ្វា ហាក់ដកសេចក្ដីទុកចិត្តមួយចំណែកទៅហើយលើនាយចឺម ក្រោយពីអ្នកចម្រៀងសាន់ដេរូបនេះឆ្លៀតទៅរកម្ហូបក្រៅតាមរយៈការឆាតទៅញ៉ែនាងស្រីលាភ ហើយត្រូវបានសង្សារនាងជាកីឡាបាល់ទាត់ឈ្មោះង៉ែត លីទី វាយនាយចឺម ដេរអស់៥ថ្នេរកាលពីថ្ងៃទី១៨ខែធ្នូឆ្នាំ២០១៩ នៅខេត្តប៉ៃលិន។ថ្វីត្បិតតែនាយចឺម ត្រូវនាងហ្វា ហ្វា លើកលែងទោសឲ្យមែន ប៉ុន្ដែបើអ្នកចម្រៀងរូបនេះមិនកែប្រែការលួចមានស្រីក្រៅទេនោះច្បាស់ជាត្រូវសង្សារថ្មីនេះផ្ដាច់ស្នេហ៍ដូចអតីតសង្សារទាំង២របស់នាយចឺម គឺនាងពុធស្រីខួច និងអូនម៉ី ម៉ី ជាមិនខានព្រោះថាស្រីស្រស់ហ្វា ហ្វា ក៍មានប្រុសជាច្រើនទៀតរងចាំត្រងស្នេហ៍នាងដែរ។
តារាសម្ដែងហ្វា ហ្វា ធ្លាប់វាចារថារូបនាងនិងនាយចឺម ទោះជាធ្វើសង្សារគ្នាយូខែហើយមែនតែពេលនេះរស់នៅផ្ទះបែកគ្នាមិនមែនក្រោមដំបូលតែមួយនោះទេ។ស្រីស្អាតសាច់សខ្ចីរូបនេះបន្ថែមថានាងនិងនាយចឺម ក៍មិនទាន់បានភ្ជាប់ពាក្យជាមួយគ្នានៅឡើយ។ដោយឡែកនាយចឺម វិញធ្លាប់ប្រាប់ដែរថានាយ អត់ទាន់មានគម្រោងរៀបការជាមួយសង្សារថ្មីអូនហ្វា ហ្វា នេះទេព្រោះនៅកំពុងមើលចិត្តថ្លើមគ្នានៅឡើយ។
នាយចឺម បានដើរតួនាទីយ៉ាងសំខាន់នៅសាន់ដេក្រោយលោកខេម ប៊ុនថៃ ចេញពីផលិតកម្មនេះជាង៣ឆ្នាំទៅចូលរួមជាហង្សមាស ដោយថ្មីៗនេះនាយថែមទាំងត្រូវបានថៅកែឲ្យចាប់ដៃសម្ដែងជាមួយសុខ ពិសី ទៀតផង។ទោះជាយ៉ាងណារឿងដែលនាយចឺម និយាយកាលពីឆ្នាំ២០១៧ ថាត្រូវការប្រើពេលវេលា១ឆ្នាំទៀតពោលគឺនៅឆ្នាំ២០១៨ នឹងតាមឲ្យទាន់ភាពល្បីជាមួយលោកប៊ុនថៃ នោះពេលនេះឆ្នាំ២០២១ទៅហើយតែមិនទាន់ក្លាយទៅជាការពិតនោះទេ។នាយចឺម និយាយថាចាត់ទុកលោកប៊ុនថៃ ជាIdol ហើយក្រោយសង់វីឡារជូនម្ដាយនៅខេត្តកំពង់ស្ពឺចំណាយលុយអស់ជាង២០ម៉ឺនដុល្លារហើយនោះនាយនៅមានមហិច្ឆតាធំមួយទៀតនោះគឺចង់សង់វីឡារផ្ទាល់ខ្លួននៅម្ដុំខណ្ឌឬស្សីកែវ ក្រុងភ្នំពេញ ដើម្បីឲ្យថ្ងៃក្រោយអ្នកធ្វើតំណើរតាមផ្លូវនោះស្គាល់ច្បាស់ថាជាផ្ទះរបស់នាយ ដូចគេស្គាល់ផ្ទះរបស់លោកប៊ុនថៃ នៅក្បែរវត្តសំរោងអណ្ដែតដែរ៕
