ភ្នំពេញ៖តារាចម្រៀងខេម ប៊ុនថៃ ហៅខេមរៈ សិរីមន្ដ បានចាប់ដៃអ្នកនាងគួយ ផល្លី រយៈពេល១៧ឆ្នាំ(២០០៤-២០២១)មកហើយដែលពួកគេទទួលបានចំណងដៃកូន៣នាក់(ស្រី២)ក្នុងនោះកូនទី១ប្រុសឈ្មោះខេមរៈ មន្ដស្នេហ៍ អាយុជាង៨ឆ្នាំ,កូនទី២ស្រីឈ្មោះខេមរៈ ស្រ្ដី អាយុជាង៤ឆ្នាំ និងកូនទី៣ឈ្មោះថុន ខេមរៈមន្ដរាជនីយ អាយុជាង៣ឆ្នាំ។កាលពីថ្ងៃទី២៥ខែកញ្ញា ខេមរៈ សិរីមន្ដ បានធ្វើខួបឲ្យកូនទី៣របស់លោកហើយតារាចម្រៀងហង្សមាសរូបនេះបានហៅកូនស្រីសំណព្វចិត្តថាជាកូនពៅ ដែល បញ្ជាក់ថាអ្នកចម្រៀងហង្សមាសរូបនេះគ្មានគម្រោងយកកូនទី៤ ឬកូនថែមឡើយ។ទោះជាយ៉ាងណាលោកប៊ុនថៃ និង ភរិយា តែងតែបង្ហាញភាពផ្អែមល្ហែមស្នេហ៍មិនចាញ់គូសង្សារយុវវ័យនោះទេហេតុនេះហើយគេជឿរថាតារាវ័យ៣៦ឆ្នាំរូបនេះអាច នឹង ប្ដូរចិត្តរឿងយកកូននេះជាមិនខាន បើផ្នែកល្ហែមម្លឹងៗនោះ។
ខេមៈ សិរីមន្ដ ក្លាយទៅជាតួឯករបស់ហ្សមាសបន្ទាប់ពីកំពូលតារាចម្រៀងព្រាបសុវត្ថិ ចាកចេញជាង១ឆ្នាំហើយនៅរយៈពេលចុងក្រោយនេះសិរីមន្ដ ហាក់មានឥទ្ធិពលខ្លាំងៗទៅនៅផលិតកម្មធំនេះព្រោះហង្សមាសបើកដៃឲ្យភរិយាលោកអ្នកនាងផល្លី ក្លាយទៅជាអ្នកដឹកនាំសម្ដែងMvបទចម្រៀងរបស់ប្ដី ខណៈដែលលោកខេមរៈ ភារុណ ជាបងប្រុសលោកប៊ុនថៃ នោះធ្វើជាអ្នកនិពន្ធបទចម្រៀងផងនិងជាទីប្រឹក្សារបស់លោកសិរីមន្ដ ផងដែរ។ប៉ុន្ដែរអ្នកជំនាញសិល្បៈបានលើកឡើងថាពេលនេះលោកប៊ុនថៃ នៅតែមិនទាន់ស្នងតំណែងព្រាប សុវត្ថិ នៅហង្សមាសបាននៅឡើយ បើទោះជាលោកបានក្លាយជាតារាឈានមុខគេនៅទ្រនុំដែលប្រជុំទៅដោយតារាខ្លាំងៗនេះក្ដី។
ខេមរៈ សិរីមន្ដ នៅតែមិនទាន់កំណត់ពេលវេលាឡើងឆាកតន្រ្ដីវិញទេក្រោយផ្អាកជាង៦ខែមកនេះតាំងពីមានតារាហង្សមាសមួយចំនួនបានផ្ទុះកើតកូវីដកាលពីខែមីនាឆ្នាំ២០២១មក ហើយលោកប៊ុនថៃ បានប្រាប់អ្នកយកព័តមានយើងថាលោកមានតែសុំការអធ្យាស្រ័យពីអ្នកដឹកនាំកម្មវិធីប្រគុំតន្រ្ដីនៅប៉ុស្ដិ៍ហង្សមាសដែលចង់ឲ្យលោកឡើងច្រៀងជារៀងរាល់សប្ដាហ៍តែលោកសុំផ្អាកមួយអន្លើសិន។ដោយឡែកគម្រោងលោកខេម ប៊ុនថៃ ដឹកដៃឱក សុគន្ធកញ្ញា ថតភាពយន្ដភាគនៅហង្សមាសជាលើកដំបូងនោះក៍មិនទាន់បានចេញជារូបរាងដែរដែលការពន្យាពេលនេះដោយសារតែកូវីដមិនទាន់ស្ងាត់។
មហាជនរងចាំមើលថាតើលោកខេម ប៊ុនថៃ នឹងតាមយកកូនទី៤ដើម្បីឲ្យតាមស្មើលោកខាន់ ជេមស៍ ដែរឬយ៉ាងណា?
