ភ្នំពេញ៖អ្នកមេម៉ាយកូន១សុខ សោម៉ាវត្តី ដែលកំពុងងប់ស្នេហ៍ប្រុសក្មេងលី វ៉ាហេទ នោះពេលនេះទោះជាពួកគេមិនទាន់ដឹកដៃគ្នាចូលរោងការមែន តែសោម៉ាវត្តី ចង់ឲ្យស្នេហា១នេះគង់វង្សរហូតចាប់ដៃគ្នាដល់វ័យកាន់ឈើច្រត់តែម្ដង។តាមរយៈការតាំងចិត្តបែបនេះប្រាកដជាធ្វើឲ្យសង្សារក្មេងរបស់សោម៉ាវត្តី កីឡាករលី វ៉ាហេទ កាន់តែរីករាយជាមិនខានព្រោះថាវត្តី មានជម្រើសស្នេហ៍ច្រើនណាស់ដោយសារតែមានមន្រ្ដីធំៗជាច្រើនចាំត្រងស្នេហ៍នាងតែទីបំផុតវត្តី នៅតែស្មោះស័្មគ្រចំពោះកីឡារករបាល់ទាត់រូបសង្ហារនេះតែម្នាក់គត់។
សុខ សោម៉ាវត្តី ថ្លែងសារថាដើរពីរនាក់តាយាយកាន់តែសុខ ព្រោះដល់ផ្លូវពិបាកមានតាកាន់ដៃយាយ មានតាគ្រាយាយ…។ការប៉ងប្រាថ្នាសូមកុំឲ្យសង្សារព្រលែងដៃនាងកណ្ដាលផ្លូវរបស់សោម៉ាវត្តី ពេលនេះនៅពេលដែលពិធីការិនីរូបនេះបានដឹកដៃសង្សារទៅដើរកម្សាន្ដនៅរម្យនីយ៍ដ្ឋានមួយចំនួនកាលពីថ្ងៃទី១៧ខែតុលា ដោយអ្នកទាំង២ថែមទាំងអោបរឹតគ្នាយ៉ាងស្អិតល្មូតទៀតផង។
គូរបញ្ជាក់ថាសុខ សោម៉ាវត្តី បានរៀបការកាលពីខែវិច្ឆិការឆ្នាំ២០១២ជាមួយលោកទូច ដាណារ៉ា ហៅពេជ្រ ដែលបច្ចុប្បន្នជាស្នងការរងខេត្តរនគិរី តែបានចែកផ្លូវគ្នាវិញកាលពីឆ្នាំ២០១៤ ដោយបន្សល់ចំណងដៃកូនស្រីម្នាក់ឈោះចាស្មីន អាយុជិតជិត៩ឆ្នាំ។ក្រោយធ្លាក់ខ្លួនមេម៉ាយជាង៦ឆ្នាំនេះវត្តី ថានាងមិនចង់រៀបការជាលើកទី២នោះទេព្រោះនាងបានឆ្លងកាត់ជីវិតអាពាហ៍ពិពាហ៍ម្ដងរួចទៅហើយ។នាងថាកន្លងមកធ្លាប់មានបុរសទាំងក្នុងនិងក្រៅស្រុកធ្លាប់សុំស្នេហាដែរ តែនាងថាជីវិតគូរមិនមែនជារឿងងាយស្រួលឡើយ ព្រោះនាងនិងអតីតប្ដីធ្លាប់ស្រលាញ់គ្នាដល់ទៅ៥ឆ្នាំទើបរៀបការ ហើយទីបំផុតនៅតែបែកគ្នាអីចឹងនាងត្រូវតែប្រុងប្រយ័ត្នក្នុងការជ្រើសគូស្នេហ៍ថ្មី។ទោះជាយ៉ាងណានាងថាមិនដែលរំភើបរឿងមានអ្នកធំ កូនអ្នកធំតាមស្រលាញ់នោះទេ ហើយបើនាងចង់បានតំណែងជំទាវ នាងចាំបាច់លែងប្ដីធ្វើអី ព្រោះពេលនេះប្ដីចាស់នាងក៍មានតំណែងធំដែរ…។
គេចាំមើលថាតើសុខ សោម៉ាវត្តី អាចនឹងសម្រេចក្ដីស្រម៉ៃក្នុងការចាប់ដៃជាមួយលោកវ៉ាហេទ ស្រលាញ់គ្នាដល់ចាស់កោងខ្នងឬរហូតក្លាយទៅជាតាយាយបានដូចបំណងដែរឬទេព្រោះថាពេលនេះទោះជានាងនិងវ៉ាហេទ ក្លាយទៅជាដូចប្ដីប្រពន្ធទៅហើយក្ដី ប៉ុន្ដែតាមព័តមានថាមន្រ្ដីធំផ្កាយ២ម្នាក់នៅតែតាមស្ទួចបេះដូងនាង៕
