ភ្នំពេញ៖អ្នកមេម៉ាយកូន៣ឈួន សុវណ្ណឆ័យ បានអះអាងថាពេលនេះនាងនៅមិនទាន់មានគូស្នេហ៍ថ្មីឬត្រៀមចូលរោងការជាលើកទី២ឡើយ។ការថ្លែងបែបនេះរបស់សុវណ្ណឆ័យ ក្រោយពីនាងបានថតរូបកៀកកើយជាមួយបុរសម្នាក់យកស្ទីគ័របាំងមុខជិតប្រុសនោះទើបធ្វើឲ្យមានការសង្ស័យថាសុវណ្ណឆ័យ មានប្ដីថ្មីហើយតែនាងមិនចង់ឲ្យគេស្គាល់មុខគូស្នេហ៍បានជាធ្វើបែបនេះ។យ៉ាងណាក្នុងជំនួបតាមទូរស័ព្ទនៅថ្ងៃទី២៣ខែតុលា តារាចម្រៀងសំនៀងក្រអួនក្រអៅរូបនេះនិយាយដោយដាក់ខ្លួនថានាងមេម៉ាយកូន៣ទៅហើយមានបុរសណាស្រលាញ់យកធ្វើប្រពន្ធទៅ?នាងថាបុរសដែលនាងថតរូបជាមួយតែ២នាក់នោះគឺជាស្វាមីរបស់មិត្តភក្ដិហើយនាងនិងពួកម៉ាកទៅដើរលេងជុំគ្នានៅជាយក្រុងនៅថ្ងៃសៅរិ៍ក៍ថតរូបលេងទៅអីឡូវមានអ្នកច្រឡំមែន។សុវណ្ណឆ័យ ថានាងមិនទាន់គិតគូឬមានគម្រោងនៃការចូលរោងការម្ដងទៀតថានឹងធ្វើនៅពេលណាឡើយ ព្រោះពេលនេះមិនទាន់មានអ្នកពិសេសទេ។
ឈួន សុវណ្ណឆ័យ បានប្រេះឆាស្នេហ៍ជាមួយអាណិកជនមកពីបារាំងលោកប្រាក់ គន្ធី ជាច្រើនឆ្នាំមកហើយដែលបន្សល់ចំណងដៃកូន៣នាក់(ស្រី១)ហើយទោះជាក្រោយចែកផ្លូវគ្នាភ្លាមៗអតីតប្ដីរកបានគូស្នេហ៍ថ្មីបណ្ដើរបញ្ឈឿរចិត្តនាងក្ដី តែសុវណ្ណឆ័យ មិនក្វល់ឬឈឺចាប់ឡើយ។ប៉ុន្ដែអ្វីដែលគូរឲ្យកត់សម្គាល់គឺក្រោយពីសុវណ្ណឆ័យ មេម៉ាយជាង១០ឆ្នាំមកនេះនាងមានទ្រព្យកាន់តែច្រើនគូរឲ្យកត់សម្គាល់ដូចជារស់នៅផ្ទះវីឡារស្កឹមស្កៃ និងជិះរថយន្ដទំនើបៗមានRolls Royce ,Lexus Lx570 ,Alphard និងFord Raptor ជាដើមទើបគេហៅសុវណ្ណឆ័យ ថាជាអ្នកមេម៉ាយទ្រព្យស្ដុកម្នាក់នៅក្នុងសិល្បៈ។
មានអ្នកខ្លះទៀតសង្ស័យថាសុវណ្ណឆ័យ មានគូស្នេហ៍ថ្មីគ្រាន់តែនាងព្យាយាមមិនឲ្យគេស្គាល់ប៉ុណ្ណោះរហូតដល់គេខ្សឹបខ្សៀវ គ្នាថាសុវណ្ណឆ័យ មានជីវភាពមិនចាញ់ជំទាវដូចពេលនេះក្រោមការជ្រោមជ្រែងពីគូស្នេហ៍ទៀតផង។តែសុវណ្ណឆ័យថា នាងមានលុយទិញផ្ទះនិងរថយន្ដដែលខ្លួនស្រលាញ់ដោយសារតែត្រូវប៉ាន់ការបើកកសិដ្ឋានចិញ្ចឹមជ្រូកនៅខេត្តកំពង់ ស្ពឺដែលតំ ណើរការជាច្រើនឆ្នាំមកហើយ។តារាដែលចូលចិត្តពាក់គ្រឿងមាសពេញខ្លួនដោយខ្សែក,ខ្សែដៃ,ឃ្នាបសក់ ,ខ្សែក្រវ៉ាត់ និងកា បូបដៃ សុទ្ធតែធ្វើពីមាសនោះធ្លាប់ប្រាប់ថានាងគ្មានគម្រោងរៀបការជាលើកទី២ឡើយ។សុវណ្ណឆ័យ ថាតាំងពីផ្ទុះកូវីដមកនាងបានផ្អាកការច្រៀងសម្ដែងតាមឆាកតន្រ្ដីជាច្រើនខែ ហើយថែមទាំងខកទាំងគម្រោងចេញទៅដើរ កម្សាន្ដ នៅប្រទេសបារាំង ជាមួយកូនៗដែលក្នុង១ឆ្នាំតែងតែទៅម្ដងនោះទៀតផង។ប៉ុន្ដែរយៈពេលចុងក្រោយនេះគេឃើញសុវណ្ណឆ័យ មមាញឹករឿងទិញលក់ដីធ្លីច្រើនជាងច្រៀងរាំ៕
