ភ្នំពេញ៖មាស សុខសោភា នៅទ្រឹងក្រោយទៅដល់រាម ជាង៨ខែពោលគឺទោះជាមានអន្ដរាគមន៍ពីប្រុសក្មេងដួង វីរៈសិទ្ធ ក្នុងការនិពន្ធបទចម្រៀងឲ្យច្រៀងក្ដី តែសោភា នៅតែគ្មានបទផ្ទុះដូចកាលនាងច្រៀងនៅថោន ,M និងសាន់ដេ នោះទេ ខ ណៈដែលកុងត្រាតំណាក់កាលដំបូងរបស់នាងនៅសល់តែជិត៤ខែទៀតប៉ុណ្ណោះពីចំនួនកុងត្រា១ឆ្នាំ។យ៉ាងណាគេជឿរថា ថៅកែរាម និងចងជើងសោភា តាមរយៈការបន្ថែមចំនួនកុងត្រាថ្មីទៀតដោយនឹងលើកតារារូបនេះទាំង២ច្រកតែម្ដងក្នុងនោះ គឺឲ្យនាងធ្វើជាតួឯកទាំងចម្រៀងនិងភាពយន្ដរបស់ផលិតកម្មនេះទោះជាតារារូបនេះឈានចូលអាយុ៤០ឆ្នាំទៅហើយក្ដី។ការរៀបជើងព្រួលឲ្យសុខសោភា នៅលើគេទាំងចម្រៀងនិងភាពយន្ដរួមទាំងការងាររកស៊ីជាមួយ ថៅកែផលិត កម្មផងគេ ជឿរថាសោភា នឹងមិនរើរបង្វេចចេញរាម នៅខែកុម្ភៈឆ្នាំ២០២២ ខាងមុខនេះឡើយព្រោះថាថៅកែចងជើងជាប់ទៅហើយទោះ ជាសោភា គ្មានបទល្បីៗដូចមុនក៍នាងនៅតែពេញចិត្តរួមរស់ជាមួយថៅកែស្រី។
មាស សុខសោភា បានជ្រកនៅថោន រយៈពេល៩ឆ្នាំ(២០១២-២០២១)ហើយក្រោយនាងប្រកាសអស់និស្ស័យជាមួយថោន ភ្លាមៗលោកករុណា ពេជ្រ អតីតអ្នកចាត់ការទូទៅថោន បានអះអាងថាថោន ស្វាគមន៍សុខសោភា ជានិច្ចប្រសិន បើនាងចង់ វិលវិញថ្ងៃណាមួយនោះ។តែសុខសោភា បានប្រាប់អ្នកយកព័តមានយើងថានាងគ្មានផែនការណ៍ទៅថោន វិញទេព្រោះនៅទី នោះ៩ឆ្នាំគ្រប់គ្រាន់ហើយ។ប៉ុន្ដែនាងថាទំនាក់ទំនងរវាងរូបនាងនិងថៅកែផលិតកម្មថោន គឺនៅតែដដែលហើយបើមានកម្មវិធី ណាមួយដែលអតីតមេហៅឲ្យចូលរួមនាងនឹងទៅដោយរីករាយដូចមុន។
មាស សុខសោភា បានផ្លាស់ប្ដូរជីវិតចុងក្រោយនេះដោយនាងក្លាយទៅជាអ្នកជំនួញម្នាក់ព្រោះមានហាងផ្ទាល់ខ្លួនដល់ទៅ២នោះគឺហាងលក់ផលិតផលនៅក្រុងតាខ្មៅ និងហាងកាហ្វេនៅក្រុងកំពង់សោម។ការបោះទុនធំនៅរដូវកូវីដនេះបញ្ជាក់ថាសុខ សោភា គ្មានគម្រោងចេញទៅរស់នៅកាដាណាតាមប្ដីដូចធ្លាប់លេចឭកាលពីឆ្នាំ២០១១ទៀតឡើយ ព្រោះពេលនេះលោករ៉ាដា រស់នៅស្រុកខ្មែរស្ទើតែ១០០%ទៅហើយ។មជ្ឈដ្ឋានមហាជនរងចាំមើលថាតើមាស សុខសោភា ដែលងាកមកចាប់ដៃគូថ្មីជាមួ យប្រុសក្មេងដួង វីរៈសិទ្ធ នោះនាងនឹងជោគជ័យឬយ៉ាងណាព្រោះតែអ្នកទាំង២មានគម្លាតអាយុខុសគ្នាច្រើនឆ្នាំក្រោយពីនាង ផាត់ចោលផលិតកម្មហង្សមាស និងGalaxy ដែលធ្វើឲ្យសោភា បាត់ឱកាសចាប់ដៃជាមួយលោកខេមរៈ សិរីមន្ដ និងព្រាប សុវត្ថិ ។ប៉ុន្ដែលោកនូ ស៊ឹប យល់ថាសុខសោភា និងដួង វីរៈសិទ្ធ អាចធ្វើជាដៃគូចម្រៀងគ្នាបានទោះជាសោភា អាយុបងវីរៈសិទ្ធ ច្រើន ឆ្នាំក្ដី ប៉ុន្ដែកាលពីឆ្នាំមុនព្រាប សុវត្ថិ និងហ៊ឹម ស៊ីវន ធ្វើដៃគូគ្នាបានដែរហើយល្បីទាំង២តែម្ដងបើទោះជាហ៊ឹម ស៊ីវន មានអាយុច្រើ នជាងព្រាប សុវត្ថិ ក្ដី៕
