ភ្នំពេញ៖លោកប៉ុន សុណារិន ហៅខេម បានប្រាប់”នគរធំ”តាមទូរស័ព្ទក្រោយវិលមកពីបារាំងភ្លាមៗនោះថារូបភាពកុមារីម្នាក់ឈ្មោះLy Ranette ដែលលោកបានបីនិងអោបព្រមទាំងរុញរទេះហើយត្រូវបានគេសង្ស័យថាជាកូនរបស់លោកនោះតាមពិតក្មេងស្រីនោះជាក្មួយរបស់លោកទេ។លោកខេម បន្ដថាបើលោកមានកូនមែនមិនមានរឿងដែលត្រូវលាក់បាំងឡើយព្រោះថាការមានកូនជារឿងល្អមួយសម្រាប់មនុស្សគ្រប់គ្នាចង់បានតែក្មេងស្រីនោះគ្រាន់ជាក្មួយរបស់លោកប៉ុណ្ណោះ។ដោយឡែកទាក់ទងរឿងក្មេងប្រុសម្នាក់អាយុខ្ទង់៣ឆ្នាំហើយត្រូវបានលោកខេម បង្ហោះជូនពរថ្ងៃខួបកំណើតនៅលើហ្វេសបុកនោះបុកធ្វើឲ្យគេសង្ស័យថាជាកូនទី១របស់លោកនោះបែជាត្រូវបានតារាចម្រៀងសំនៀងស្អករូបនេះថាកុមារានោះជាកូនរបស់លោកឧកញ៉ាម្នាក់ដែលលោកទុកដូចជាបងទៅវិញ។លោកខេម សង្កត់ថា”អូ!បងក្មេងប្រុសហ្នុងកូនបងឧកញ៉ាតើ។មិនមែនកូនខ្ញុំទេបង…។ក្មេងស្រីជាក្មួយរបស់ខ្ញុំ ហើយក្មេងប្រុសជាកូនបងឧកញ៉ា ។ខ្ញុំអត់ទាន់មានកូនផងហ្នឹង”។
ទោះជាលោកខេម មិនព្រមទទួលស្គាល់ថាក្មេងប្រុសស្រីនោះជាកូនរបស់ខ្លួនមែន តែអតីតតារាចម្រៀងថោន រូបនេះថា លោកក៍គិតគូរចង់រៀបការឬចង់បានកូននាពេលឆាប់ៗខាងមុខនេះដែរ។លោកខេម ថានឹងលៃលករកពេលវេលាណាដែលសមស្របធ្វើពិធីល្អមួយ(រៀបការ)នៅពេលដែលស្ងាត់កូវីដ តែលោកមិនអាចកំណត់បានថាតើនឹងរៀបចំនៅថ្ងៃខែឆ្នាំណាបានរៀបការឬយកកូននោះទេព្រោះមិនអាចនិយាយទុកជាមុនបាន។លោកខេម បន្ថែមថាមិនធ្លាប់គិតថាការមានគ្រួសារទៅប៉ៈពា ល់ដល់អាជីពសិល្បៈរបស់លោកឡើយ តែដោយសារពេលនេះកូវីដមិនទាន់ស្ងាត់ទើបលោកមិនអាចនិយាយថានឹងធ្វើអ្វីឲ្យបានច្បាស់លាស់តាមការកំណត់នោះបានទេ។
មហាជនចាប់អារម្មណ៍ថាការអះអាងរបស់លោកខេម ថាគ្មានកូនៗឬក្មេងដែលលោកបីនិងបញ្ចុកទឹកដោះគោនោះថាជាក្មួយមែនតែមើលទៅក្មេងៗទាំងនោះគឺសុទ្ធតែមានត្រេមុខស្រដៀងលោកតែម្ដង ។តែលោកខេម ដែលទើបតែព្រមសារភាពថាមានគូស្នេហ៍អ្នកនាងស្រីកា ជាអាណិកជនខ្មែរនៅបារាំងកាលពីថ្ងៃទី៧ខែមករាឆ្នាំ២០១២១ នៅតែថាលោកពិតជាគ្មានកូនមែន។ជុំវិញគេសង្ស័យថាលោកមានកូនដល់ទៅ២នាក់ស្ងាត់ៗនេះលោកខេម ថាបើលោកមានកូនមែនសម័យនេះទៅហើយគឺមិនអាចលាក់បាំងជិតបាននោះទេ។
ខេម បានបាត់មុខពីឆាកតន្រ្ដីជាច្រើនខែមកហើយអំឡុងរដូវកូវីដនេះហើយកាលពីថ្ងៃទី២០ខែកក្កដាឆ្នាំ២០២១លោកបានដឹកដៃអ្នកនាងកា ទៅដើរកម្សាន្ដនៅប្រទេសបារាំង ហើយបង្ហួសទៅអាឡឺម៉ង់ និងស្វីសផងដែរ ដែលទើបតែនៅថ្ងៃទី៦ខែតុលាឆ្នាំ២០២១ ទើបខេម បណ្ដើរគូស្នេហ៍ ចូលស្រុកស្រុកវិញ។ការឹតចំណងស្នេហានៅក្រៅស្រុកជាង២ខែនេះគេជឿរថាចំណងស្នេហាខេម-ស្រីកា នឹងកាន់តែរឹងមាំថែមទៀតជាមិនខានមុនពេលដែលអ្នកទាំង២ដឹកដៃគ្នារៀបការដែលខេម អះអាងថាពេលស្ងាត់កូវីដខាងមុខនេះ។ដោយឡែកទាក់ទងអាជីពចម្រៀងនៅGalaxyវិញខេម ត្រូវបានមហាជនមើលឃើញថាមិនសូវមានសន្ទុះខ្លាំងដូចកាលនៅថោន ឡើយព្រោះតែឥទ្ធិពលរបស់កំពូលតារាចម្រៀងព្រាប សុវត្ថិ ហាក់គ្របពីលើ។ប៉ុន្ដែអ្នកជំនាញសិល្បៈនៅតែយល់ថាខេម គ្មានតារាណាអាចដណ្ដើមតំណែងលោកបានទេព្រោះតែមានទឹកដមសម្លេងច្រៀងស្អកហើយពិរោះ។តែអ្នកដែលស្និតខេម បំផុតបានទម្លាយថាលោកសុណារិន ជាតារាដែលមិនចង់នៅក្រោមតារាណាម្នាក់ផ្សេងទៀតជាដាច់ខាត ប៉ុន្ដែខេម ប្រាប់ថាលោកមិនដែលចាត់ទុកលោកព្រាប សុវត្ថិ ជាឆ្អឹងទទឹងករបស់លោកឡើយ៕
