ភ្នំពេញ៖តារាសម្ដែងវ័យក្មេងរូបសម្រស់គូរឲ្យទាក់ទាញនាងហង្ស ស្រីរ័ត្ន ត្រូវបានដឹកចូលពេទ្យសង្រ្គោះជាបន្ទាន់កាលពីថ្ងៃអាទិត្យទី៧ខែវិច្ឆិការ ដោយសារតែនាងពុលអាហារធ្វើឲ្យប៉ៈពាល់ដល់សុខភាពហើយប្រឈមហានិភ័យដល់រាងកាយយ៉ាងធ្ងន់ធ្ងរទៀតផង។យ៉ាងណាក្រោយការសង្រ្គោះយ៉ាងយកចិត្តទុកដាក់ពីសំណាក់គ្រូពេទ្យនោះអ្នកសម្ដែងរូបនេះបាននិយាយយ៉ាងខ្លីកាលពីថ្ងៃទី៨វិច្ឆិការ ថាស្ថានភាពសុខភាពរបស់នាងបានល្អប្រសើរឡើងវិញច្រើនហើយ និងគ្មានអ្វីគូរឲ្យបាម្ភទៀតទេ។
គេឃើញតារារួមជាជីពជាច្រើនបានផ្ញើរសារសួរទុក្ខដល់ស្រីរ័ត្ន ហើយជូនពរឲ្យនាងឆាប់បានជាសះស្បើយឡើងវិញ។ប៉ុន្ដែមានអ្នកខ្លះខមិនថាជាតារាហើយស្អាតទៀតញាំអីឲ្យប្រយ័ត្នខ្លះទៅ កុំចេះតែឃើញឃ្លានៗហើយចូលពេទ្យអីចឹង មិនល្អទេ…។
ហង្ស ស្រីរ័ត្ន ជាអ្នកសម្ដែងម្នាក់ដែលមានត្រេមុខដូចកូនកាត់ថៃហើយនាងធ្លាប់សម្ដែងភាពយន្ដភាគឲ្យទូរទស្សន៍ប៉ុស្ដិ៍លេខ៥ជាបន្ដបន្ទាប់នាពេលកន្លងមក។ប៉ុន្ដែអំឡុងកូវីដផ្ទុះនេះស្រីស្រស់បានផ្អាកសម្ដែងជាច្រើនខែ ដោយតាំងចិត្តថាទាល់តែស្ងាត់កូវីដទាំងស្រុងទើបនាងចេញថតដូចដើមឡើងវិញ។តែមិនទាន់វិលមកមុខកាមេរ៉ាសារជាថ្មីផងស្រាប់តែស្រីរ័ត្ន ចូលដេកពេទ្យស្អាតដោយសារតែពុលចំណីទៅវិញ តែសំណាងល្អបានគ្រូពេទ្យជួយសង្រ្គោះទាន់ពេលវេលាទើបធ្វើឲ្យនាងរួចផុតទុក្ខភ័យ។ស្រីស្រស់វ័យ២១ឆ្នាំរូបនេះធ្លាប់មានដំណឹងថានាងមានប្រុសទាំងក្នុងនិងក្រៅស្រុកតាមស្នេហា តែស្រីរ័ត្ន ថានាងមិនទាន់មានប្រុសស្នេហ៍នោះទេ ហើយនាងមានការតាំងចិត្តថាសម្រាប់ជីវិតគូបើនាងមិនស្រលាញ់ទេទោះជាបុរសនោះមានទ្រព្យយ៉ាងណាក៍មិនអាចក្លាយទៅជាសង្សារនិងគ្នាបានដែរ។ហង្ស ស្រីរ័ត្ន ធ្លាប់វាចារថាក្រៅពីអាជីពសម្ដែងនៅថ្ងៃអនាគតនាងចង់ក្លាយទៅជាពិធីការិនីអាជីពម្នាក់ដូចរៀបច្បងមួយចំនួនផងដែរ។នាងថានឹងព្យាយាមបំពេញក្ដីស្រម៉ៃខ្លួនឯងឲ្យបាននាពេលខាងមុខនេះព្រោះតែកន្លងមកឃើញតារាជាច្រើននាក់មកហើយដែលបានវត្តន៍ខ្លួនទៅជាពិធីការិនីតាមបណ្ដារប៉ុស្ដិ៍ទូរទស្សន៍ទាំងឡាយ។យ៉ាងណាគេមិនដឹងថាតើស្រីរ័ត្ន ថាអត់គូស្នេហ៍នោះជាការលាក់បាំងម្ចាស់ចិត្តមិនចង់ឲ្យគេស្គាល់ឬមួយក៍បេះដូងនាងពិតជានៅទំនេរមែននោះទេ តែតាមរយៈការបង្ហាញខ្លួនតាមកម្មវិធីផ្សេងៗកន្លងមកស្រីរ័ត្ន មិនដែលបណ្ដើរឬកៀកកើយប្រុសណាឡើយ៕
