ភ្នំពេញ៖តារាចម្រៀងសាន់ដេលោកឆាយ វីរៈយុទ្ធ បានធ្វើជំនួញធំដល់ទៅ២នៅចុងឆ្នាំ២០២១នោះគឺកាលពីខែ១៩ខែកញ្ញាឆ្នាំ២០២១លោកបានវិនិយោគមន្ទីព្យាបាលកុមារដំរី តាមរយៈការចុះហត្ថលេខាលើអនុស្សរណៈយោគយល់សម្រាប់កិច្ចសហប្រតិបត្តិការជាមួយមន្ទីពេទ្យមួយនេះដោយចំណាយទុនជាច្រើនម៉ឺនដុល្លារ។ រំលងបានតែជាង១ខែពោលគឺកាលពីថ្ងៃទី៧ខែវិច្ឆិការឆ្នាំ២០២១ តារាប្រុសលេចធ្លោជាងគេនៅសាន់ដេរូបនេះបានដាក់ទុនទៅលើវិស័យអចលនទ្រព្យពុះដីឡូតិ៍ទំហ៊ុំ២២ហិក តា នៅស្រុកព្រៃនប់ ខេត្តព្រះសីហនុដែលចំណាយលុយក្នុងការវិនិយោគជាច្រើនសែនដុល្លារថែមទៀត។ការងាកទៅរកស៊ី កាន់តែច្រើនរបស់លោកវីរៈយុទ្ធ នៅពេលនេះត្រូវបានគេចាប់អារម្មណ៍ថាក្រោយពីលោកបានរៀបការជាមួយ ភរិយាដ៍ស្រស់ ស្អាតអ្នកនាងសែ ចាន់ឌី កាលពីថ្ងៃទី២១ខែកក្កដាឆ្នាំ២០១៧ ហើយអ្នកនាងចាន់ឌី ជាកូនគ្រួសារអ្នកជំនួញធំនៅក្រុងកំពង់ចាម នោះធ្វើឲ្យលោកវីរៈយុទ្ធ កាន់តែមានទឹកចិត្តក្នុងការរកស៊ីគឺដូចពាក្យថា”សំណាបយោងដី ស្រីយោងប្រុស”។ចំណង ស្នេហា ជាង៣ឆ្នាំនេះវីរៈយុទ្ធ-ចាន់ឌី ទទួលបានកូនស្រីម្នាក់ឈ្មោះវីរៈយុទ្ធ អភិជាតាទេវី ហៅAtara ដែលពេលនេះមានវ័យជាង២ឆ្នាំ។
ឆាយ វីរៈយុទ្ធ ធ្លាប់ប្រាប់ថាទោះជាលោកងាកទៅរកស៊ីមុខជំនួញថ្មីៗជាបន្ដបន្ទាប់ក្ដី ប៉ុន្ដែលោកនៅតែចេញបទចម្រៀងនិងឡើងឆាកតន្រ្ដីជាធម្មតា ។ដោយឡែកទាក់ទងរឿងយកកូនថែមវិញអតីតតារាចម្រៀងBlue Diamond ,M និងBigman រូបនេះថាលោកនឹងយកកូន១ទៀតនៅរយៈពេល២ឆ្នាំខាងមុខនេះ។
ក្រៅពីលោកឆាយ វីរៈយុទ្ធ តារាចម្រៀងប្រុសដែលលេចធ្លោរកស៊ីផ្នែកអចលនទ្រព្យនៅពេលនេះមានដូចជាលោកខេមរៈ សិរីមន្ដ និងព្រាប សុវត្ថិ ជាដើមដែលតារាទាំង៣ដួងនេះមិនត្រឹមតែអង្រួនទីផ្សារចម្រៀងឲ្យមហាជនតាមដានជាប្រចាំនោះទេ ប៉ុន្ដែការរកស៊ីរបស់ពួកគេក៍ល្បីល្បាញមិនចាញ់ចម្រៀងឡើយ។ចំពោះលោកឆាយ វីរៈយុទ្ធ វិញពេលនេះលោកមានជីវភាពធូធារ និងរស់នៅយ៉ាងមានសុភមង្គលក្រោយមានភរិយានិងកូនស្រី១ហើយជាទូទៅគេឃើញលោកជិះរយន្ដម៉ាកChevrolet៕
