ភ្នំពេញ៖តារាចម្រៀងហង្សមាសគង់ ស្រីពេជ្រ ហៅពេជ្រ សូលីកា បានខកខានគម្រោងចង់រៀបការនៅឆ្នាំ២០២១នេះព្រោះតែកូវីដ ហើយបើទោះជាពេលនេះស្ថានភាពជំងឺសកលមួយនេះបានធូស្រាលបន្ដិចក្ដី ប៉ុន្ដែសូលីកា នឹងមិនប្រថុយគ្រងឈុតកូនក្រមុំនៅទាំងប្រថុចញ៉ុចនៅចុងឆ្នាំនេះឡើយ។តែស្រីពេជ្រ ឬសូលីកា ប្រាកដជានឹងគិតគូរឿងក្រាបផ្ទឹមនេះនៅឆ្នាំ២០២២ខាងមុខជាមិនខានដែលពេលនោះស្ថានភាពកូវីដកាន់តែស្ងាត់ជាងនេះហើយនាងអាចធ្វើពិធីធំដុំបានហើយ។
ពេជ្រ សូលីកា ធ្លាប់ប្រាប់ថានាងចង់រៀបការនៅឆ្នាំ២០២១ តែរឿងថានឹងចេញទៅរស់នៅអូស្រា្ដលីតាមស្វាមីឬបន្ដនៅស្រុកកំណើតជាធម្មតានោះនាងថាមិនទាន់គិតគូដល់រឿងនេះឡើយ។យ៉ាងណាប្រសិនបើសូលីកា ពកូនប្រុសដឹកដៃប្ដីលោកគឹម ហាន រៀបការនៅឆ្នាំ២០២២ ខាងមុខនេះប្រាកដណាស់ថាមង្គលការរបស់នាងនឹងគ្មានម្ដាយជាទីស្រលាញ់អ្នកស្រីស៊ិន ស្រីនាង ចូលរួមឡើយព្រោះតែអ្នកស្រីនាង ក្រោយជាប់ពន្ធនាគារអស់រយៈពេលជាង១ឆ្នាំកន្លះមកហើយនោះកាលពីថ្ងៃទី២៥ខែសីហាឆ្នាំ២០២១ តុលាការបានប្រកាសសាលក្រមផ្ដន្ទាទោសដាក់ពន្ធនាគាររយៈពេល១២ឆ្នាំក្រោមការចោទបក្រកាន់ពីបទឃាតកម្មតាមមាត្រា១៩៩ នៃក្រមព្រហ្មទណ្ឌ ក្រោយម្ដាយតារាចម្រៀងហង្សមាសរូបនេះត្រូវបានសម្ថកិច្ចចាប់ខ្លួនកាលពីថ្ងៃទី១១ខែមករាឆ្នាំ២០២០ពាក់ព័ន្ធករណីធ្វើឃាតលើគូស្នេហាភេទដូចគ្នាអ្នកស្រីងិន សុខលី។សូលីកា ស្រពោនចិន្ដា យ៉ាងខ្លាំងព្រោះត្រូវរងចាំទាល់តែឆ្នាំ២០៣៣ ទើបនាងមានឱកាសបានរស់នៅជួបជុំជាមួយម្ដាយសារជាថ្មីឡើងវិញដែលពេលនោះនាងនឹងមានអាយុជាង៤០ឆ្នាំ។ទោះជាយ៉ាងណាស្វាមីសូលីកា និងមិត្តភក្ដិជិតដិតរបស់នាងបានលើកទឹកចិត្តអ្នកចម្រៀងរូបនេះតាមរយៈការលួងលោមថាម្ដាយនាងគ្រាន់បើហើយដែលមិនជាប់គុគអស់១ជីវិតហេតុនេះហើយនាងនៅតែមានឱកាសមានឱកាសរស់នៅជួបជុំម្ដាយវិញនៅ២ទសវត្សរ៍ខាងមុខនេះទៀត។
ថ្វីត្បិតតែពេជ្រ សូលីកា ឱបទុក្ខព្រោះម្ដាយជាប់ពន្ធនាគារក្ដី ប៉ុន្ដែមិនរាំងស្ទះដល់គម្រោងនាងរៀបការនៅពេលខាងមុខនេះឡើយ ហើយនាងធ្លាប់ប្រាប់អ្នកយកព័តមានយើងតាមទូរស័ព្ទថាសាច់ញាត្តិរបស់នាងទៅសួរសុខទុក្ខអ្នកស្រីនាង ជាប្រចាំហើយ។តែគេជឿរថាអំឡុងពេលដែលសូលីកា កំពុងតែមានក្ដីសុខបំផុតក្នុងជីវិតដែលបានជួបស្នេហ៍ថ្មីជាបុរសល្អនិងឲ្យតម្លៃនាងគ្រប់យ៉ាងនេះសូលីកា មានការតូចចិត្តរឿងដែលនាងត្រូវរស់នៅបែកពីម្ដាយច្រើនឆ្នាំនេះខ្លាំងណាស់បើទោះជាមើលពីសភាពខាងក្រៅគេឃើញនាងរាំច្រៀងលើឆាកតន្ត្រីយ៉ាងសប្បាយ និងដើរកម្សាន្ដជាមួយប្ដីញាំអាហារថ្លៃៗហាក់គ្មានទុក្ខសោកបន្ដិចក្ដី។
គូររំលឹកថាពេជ្រ សូលីកា បានភ្ជាប់ពាក្យកាលពីថ្ងៃទី២៥ខែតុលឆ្នាំ២០១៩ជាមួយអាណិកជនខ្មែរមកពីអូស្រា្ដលីជាអ្នកជំនាញខាងឌីហ្សាញម៉ូដសម្លៀកបំពាក់លោកគឹម ហាន ហើយនាងបានសម្រាលកូនប្រុសថ្ងៃទី១៦ខែឧសភាឆ្នាំ២០២០ ដោយដាក់ឈ្មោះថាហង្ស អ៊ារីវេស្ដេ ។ការភ្ជាប់ស្នេហ៍ថ្មីនេះធ្វើឲ្យសូលីកា កប់ចោលអស់ស្រមោលស្នេហ៍នាពេលអតីតកាលដ៍ខ្មៅងងិត ហើយពេលនេះស្វាមីនាងមិនត្រឹមតែមិនដែលរំលឹករឿងចាស់នោះទេ តែលោកគឹម ហាន ថែមទាំងផ្គាប់ចិត្តនាងគ្រប់យ៉ាងទៀតផង។សូលីកា ត្រូវប្ដីដឹកដៃទៅទិញផ្ទះវីឡារឃ្វីនតម្លៃខ្ទង់ជាង៣០ម៉ឺនដុល្លារកាលពីថ្ងៃទី១៦ខែសីហាឆ្នាំ២០២១ ខណៈដែលបច្ចុប្បន្ននាងរស់នៅបន្ទប់ខុនដូប្រណិតនិងមានផ្ទះនៅបុរីមួយ ហើយស្រីពេជ្រ ជិះរថយន្ដទំនើបៗដូចជាម៉ាកPorsche ,Bmw និងRange Rover ជាដើម។អ្វីដែលសូលីកា កាន់តែរីករាយនោះនាងត្រូវបានប្ដីបើកដៃឲ្យបន្ដអាជីពចម្រៀងសិល្បៈជាធម្មតាទាំងច្រៀងរាំនិងការថតភាពយន្ដគឺធ្វើតាមចិត្តចង់។ប៉ុន្ដែសូលីកា មិនសូវលេចធ្លោឡើយក្រោយមានប្ដីនិងកូន១នេះគឺទីផ្សារចម្រៀងរបស់នាងនៅទ្រឹងដូចនាងឱក សុគន្ធកញ្ញា និងសួស វីសា ដែរ៕
