ភ្នំពេញ៖លោក អ៊ឹម ជីវ៉ា បានបង្ហាញអា រម្មណ៍រំភើបខ្លាំងរហូតស្ទើតែស្រក់រលីងរលោងទឹកភ្នែកពេលទទួលបានកាដូខ្សែដៃពេជ្រតម្លៃជាង៤ពាន់ដុល្លារពីម្ចាស់ ហាងពេជ្រមួយ។ តារាសម្ដែងលោក អ៊ឹម ជីវ៉ា បានរៀបរាប់ថាថ្ងៃនេះរំភើបណាស់ បានទទួលការដូខ្សែដៃពេជ្រពីបងប្រុសជិន សំណា ងនិងភរិយាម្ចាស់ហាងពេជ្រ CSNJដែលមានតម្លៃជាង៤០០០ដុល្លារ។លោកថាខ្ញុំមិនដឹងមានពាក្យអី្វអរគុណបងប្រុសទេព្រោះនេះជាការដូលើកទី២សំរាប់ខ្ញុំដែលបងប្រុសការដូអោយប្អូន។
លោក អ៊ឹម ជីវ៉ា បន្តថាគិតទៅសរុបទាំងចិញ្ចៀននិងខ្សែដៃពេជ្រគឺមានតម្លៃជាង ១មុឺនដុលារទៅហើយសូមថ្លែងអំណរគុណទឹកចិត្តដ៏ធំធេងរបស់បងប្រុសនិងភរិយាដែលបានអោយប្អូន។ខ្ញុំក៏មិននឹកស្មានទទួលបានការដូដ៏មានតម្លៃបែបនេះឡើយ ហើយក៏មិនដែលរំពឹងទុកសូម្បីតែបន្តិចថាចង់បានអី្វមួយពីអ្នកណាទេតែបងប្រុស ជិន សំណាង និងបងស្រីពិតជាSurpriseដល់ខ្ញុំ។ លោក អ៊ឹម ជីវ៉ា បន្ថែមទៀតថាខ្ញុំមិនដែលនឹកស្មានដល់ពេលខ្លះខ្ញុំគិតថាយល់សប្តិផងតែក្តិចខ្លួនឯងហើយនិយាយថាអូ វាជាការពិតតើខ្ញុំពិតជាសប្បាយណាស់។សូមគោរពជូនពរបងដល់ប្រុស ជិន សំ ណាង និងភរិយា មានសុខភាពល្អរឹងមាំជោគជ័យគ្រប់កិច្ចការងារ។ សូមបញ្ជាក់ថាមុនលោកអ៊ឹម ជីវ៉ា ទទួលបានកាដូខ្សែដៃនៅពេលនេះ កាលពីចុងខែតុលាឆ្នាំ២០២១ លោកក៏ត្រូវថៅកែពេជ្រខាងលើរូបនេះកាដូឲ្យជញ្ជៀនពេជ្រ១វង្ស ដែលមានតម្លៃជាង៧ពាន់ដុល្លារផងដែរ៕
