ភ្នំពេញ៖ចំណងស្នេហ៍ថ្មីរបស់ពិធីការិនីដ៍មានឥទ្ធិពលអ្នកនាងយុគ ចិន្ដា និងបុរសវ័យចំណាស់ម្នាក់ដែលបើកចំហជាង២ឆ្នាំទៅហើយនោះពេលនេះអ្នកទាំង២កាន់តែមានការយល់ចិត្តថ្លើមគ្នាពីមួយថ្ងៃទៅមួយថ្ងៃធ្វើឲ្យស្នេហា១នេះកាន់តែរឹងមាំថែមទៀត។កាលពីពេលថ្មីៗនេះដែរគេឃើញអ្នកនាងយុគ ចិន្ដា បណ្ដើរគូស្នេហ៍ទៅដើរកមន្សាន្ដនៅសហគមន៍អេកូទេសចរណ៍ជីផាត ខេត្តកោះកុងដែលមើលទៅអារម្មណ៍អ្នកទាំង២ពិតជាស្រស់ថ្លាខ្លាំងណាស់ ខណៈដែលមិត្តភក្ដិនិងសាច់ញាត្តិក្រុមគ្រួសាររបស់អ្នកនាងចិន្ដា បានគាំទ្រពេញទំហ៊ឹងតែម្ដងខំពោះស្នេហាថ្មីរបស់ពិធីការិនីជើងចាស់រូបនេះព្រោះសម្អាងថាគូអនាគតរបស់អ្នកនាងចិន្ដា ជាបុរសសុភាពរាបសារនិងមានចំណេះដឹងខ្ពង់ខ្ពស់ម្នាក់។ប៉ុន្ដែទន្ទឹងនិងនេះក៍មានតារាមាត់ចាបមាត់ព្រាបមួយចំនួនបានខ្សឹបខ្សៀវឲ្យយោបល់អ្នកនាងចិន្ដា ថាគូរតែរកសង្សារឲ្យបានសង្ហារជាងនេះទើបសាកសមគ្នា ប៉ុន្ដែអ្នកនាងចិន្ដា មិនខ្ចីស្ដាប់យោបល់មិនល្អទាំងនោះឡើយព្រោះថានាងមិនមែនជាមនុស្សត្រចៀកសនោះទេ។
យុគ ចិន្ដា ធ្លាប់ត្រូវបានគេនិយាយថានាងជាតារាដែលជោគជ័យតែការងារសិល្បៈនិងមុខជំនួញតែរឿងស្នេហាវិញនាងបរាជ័យស្ទើតែទាំងស្រុង។ការសម្អាងបែបនេះដោយសារតែកន្លងមកអ្នកនាងចិន្ដា ធ្លាប់មានព័តមានថានាងប្រេះឆាស្នេហ៍ជាមួយលោកឧកញ៉ាមហាសេដ្ឋីម្នាក់,Dj ឃ្លាំង និងអាណិកជនខ្មែរមកពីអាមេរិកជាពោះម៉ាយលោកវុទ្ធី បណ្ឌិត ហៅសម័យ ។តែគេមិនដែលឃើញអ្នកនាងចិន្ដា បង្ហាញការទុក្ខសោកគាំ្រគ្រាចិត្តដោយសារតែវិបត្តិបេះដូងម្ដងណាឡើយ។ផ្ទុយទៅវិញអ្នកនាងចិន្ដា នៅតែចាត់ទុកថាការងារសិល្បៈនិងមុខជំនួញជាជម្រើសទី១ស្នេហាជាជំហ៊ានបន្ទាប់ទើបធ្វើឲ្យពេលនេះនាងក្លាយជាតារាម្នាក់ដែលស្ថិតក្នុងចំណោមអ្នកសិល្បករមួយចំនួនទៀតដែលមានទ្រព្យច្រើននាពេលបច្ចុប្បន្ន។
តាមរយៈអ្នកនាងយុគ ចិន្ដា បង្ហាញកាយវិការជាមួយគូស្នេហ៍ចិត្ត១ថ្លើម១បែបនេះបញ្ជាក់ថាគម្រោងអ្នកនាងគ្រងឈុតកូនក្រមុំនៅឆ្នាំ២០២២ ខាងមុខនេះអាចនឹងទៅរួច ខណៈដែលពេលនោះកូនស្រីសំណព្វចិត្តរបស់នាងកញ្ញាយុគ ដាពេជ្រ ហៅស្រីអម និងមានវ័យ១៨ឆ្នាំពេញក្រមុំស្ដូកតែម្ដង ដែលអ្នកនាងចិន្ដា ធ្លាប់ប្រាប់ថានាងនឹងឲ្យកូនស្រីធ្វើជាកូនកណ្ដើកឲ្យនាងតែម្ដង។គេជឿរថាក្រោយអ្នកនាងយុគ ចិន្ដា រៀបការរួចនោះនឹងលែងមានអ្នកហ៊ាននិយាយថានាងជោគជ័យតែការងារប៉ុន្ដែរឿងស្នេហាសូន្យនោះទៀតជាមិនខាន៕
