ភ្នំពេញ៖តារាស្រីស្អាតល្បីៗជាច្រើនដួងបានជ្រើសវិធីធ្វើឲ្យមហាជនកាន់តែចាប់អារម្មណ៍ថែមទៀតនោះគឺការស្លៀកពាក់បញ្ចេញសាច់គល់ភ្លៅ ឬគល់សុដន់រហូតមានតារាខ្លះលេងឈុតប៊ីគីនីទាំងមិនមែនខ្លួននៅសមុទ្រទៀតផង។ចំពោះសុខ ស្រីនាង វិញត្រូវបានគេកត់សម្គាល់ថាតាំងពីនៅក្រមុំរហូតធ្លាក់ខ្លួនក្លាយទៅជាស្រីមេម៉ាយជាង១០ឆ្នាំមកនេះនាងមានការតុបតែងខ្លួនស្រដៀងគ្នាទៅនិងតារាស្រគត់ស្រគុំអ្នកនាងសុគន្ធ និសា ដែរពោលគឺមិនដែលហ៊ានបញ្ចេញរបស់សំខាន់ឲ្យគេឃើញផ្ដែសផ្ដាសម្ដងណាឡើយ។
សកម្មភាពបែបនេះត្រូវបានបុរសដែលលង់ស្នេហ៍ស្រីនាង តាមរយៈការពេញចិត្តចឬករបស់នាងនោះកាន់តែតាមអ្នកមេម៉ាយរូបនេះស្អិតខ្លាំងថែមទៀតជាមិនខាន។យ៉ាងណារយៈពេលជាង១០ឆ្នាំមកហើយដែលស្រីនាង ព្យាយាមលាក់គូស្នេហ៍ជិតឈឹងតែម្ដង ព្រោះរាល់ការលេចមុខទៅចូលរួមតាមបណ្ដារកម្មវិធីសិល្បៈទាំងឡាយរបស់ស្រីនាង គេមិនដែលឃើញនាងហ៊ានបណ្ដើរឬកៀយកើយគូស្នេហ៍ជាសាធារណៈនោះទេ។អ្នកខ្លះបានចាត់ទុកស្រីនាង ថាអាចមកពីនាងមិនទាន់មានភាពច្បាស់លាស់ជាមួយគូស្នេហ៍បានជានាងខ្លាចក្នុងការអោបរឹតសង្សារជាចំហបែបនេះ ខណៈដែលមនុស្សមួយចំនួនទៀតសង្ស័យថាគូស្នេហ៍ស្រីនាង មិនមែនជាបុរសនៅលីវ។
ទោះជាយ៉ាងណាក្នុងជំនួបផ្ទាល់កន្លងមកសុខ ស្រីនាង មិនដែលនិយាយរឿងស្នេហាថ្មីនោះទេ ហើយស្ទើតែគ្រប់កម្មវិធីនាងត្រូវបានប្អូនប្រុសរបស់នាងតាមជាប់ជានិច្ច ។ប៉ុន្ដែមុននេះមានការសង្ស័យថាស្រីនាង បានបង្ហាញភាពស្និតស្នាលគ្នាចម្លែកជាមួយអ្នកដឹកនាំសម្ដែងនៅហង្សមាសលោកEco Vak song តែទាំងរូបនាងនិងប្អូនប្រុសនាងធ្លាប់បានច្រានចោលដោយអះអាងថាគ្រាន់តែរាប់អានគ្នាប៉ុណ្ណោះ។អ្វីដែលគូរឲ្យភ្ញាក់ផ្អើលនៅថ្ងៃបុណ្យទិវារនៃក្ដីស្រលាញ់(Valentine’Day)កាលពីថ្ងៃទី១៤ខែកុម្ភៈឆ្នាំ២០២១នោះស្រីនាង បែជាត្រូវបានលោកណុប បាយ៉ារិទ្ធ យកផ្កាកុលាប១បាច់ទៅជូននាងលើដំបូលអគារខ្ពស់មួយដែលសកម្មភាពបែបនោះគឺដូចជាគូសង្សារគ្នាតែម្ដង។តែពេលនេះពួកគេចាប់ផ្ដើមរយាលៗពីគ្នាទៅវិញទើបធ្វើឲ្យគេនៅតែមិនទាន់អាចដឹងច្បាស់ថាតារាដែលមិនចេះលេងខ្លួនស៊ិចស៊ីរូបនេះមានគូស្នេហ៍ថ្មីជាបុរសណាឲ្យពិតប្រាកដ?ប៉ុន្ដែមហាជនរងចាំមើលថាតើអនាគតស្វាមីរបស់ស្រីនាង គឺពិតជាបុរសម្នាក់ដែលមានទាំងអំណាច និងលុយក្រាស់ទើបអាចឆក់បេះដូងអ្នកមេម៉ាយរូបនេះបានដូចអតីតប្ដីនាងលោកស៊ី សុវត្ថិ កំណត់មែនឬយ៉ាងណា?