ពលរដ្ឋអាមេរិកមិនចង់ធ្វើសង្គ្រាមខណៈអ៊ុយក្រែនអាចលះបង់មហិច្ឆតាចូលណាតូ

យោងតាមការស្ទង់មតិរបស់ The Economist/YouGov បានអោយដឹងថាមានតែពលរដ្ឋអាមេរិកម្នាក់ ក្នុងចំ ណោ ម៨នាក់គាំទ្រអោយមានការដាក់ពង្រាយកងទ័ពនៅក្នុងប្រទេសអ៊ុយក្រែនប្រសិនបើរុស្ស៊ីឈ្លានពាន។ការស្ទង់ មតិរបស់ Economist/YouGov បានបង្ហាញថា មានតែពលរដ្ឋអាមេរិកពេញវ័យ13% ប៉ុណ្ណោះ ដែលជឿថាវាជា គំនិតល្អក្នុងការពង្រាយទ័ពដើម្បីប្រយុទ្ធជាមយយរុស្ស៊ីនៅអ៊ុយក្រែន។ ជាការពិត ការគាំទ្រសម្រាប់បេសកកម្ម ប្រយុទ្ធនៅមាត់ទ្វាររបស់ទីក្រុងមូស្គូមានកម្រិតទាប ដែលប្រជាជនអាមេរិកកាន់តែច្រើន 17% ពេញចិត្តការដក ខ្លួនចេញពីអង្គការណាតូជាជាងការប៉ះទង្គិចជាមួយយោធារបស់រុស្ស៊ី។ ការស្ទង់មតិបានរកឃើញថា 55% នៃជន ជាតិអាមេរិកជឿថាការបញ្ជូនកងទ័ពប្រយុទ្ធទៅកាន់អ៊ុយក្រែននឹងក្លាយជា គំនិតអាក្រក់ ខណៈដែល 33% ឆ្លើយ ថាមិនប្រាកដ។ការស្ទង់មតិរបស់ Economist/YouGov បានបង្ហាញថា ជនជាតិអាមេរិកម្នាក់ក្នុងចំណោមបួននាក់ មិនដឹងថាតើអ៊ុយក្រែនជាសម្ព័ន្ធមិត្ត ឬជាសត្រូវរបស់អាមេរិកនោះទេ។

43%នៃអ្នកចូលរួមស្ទង់មតិបាននិយាយថាអ៊ុយក្រែនគួរតែត្រូវ បានអនុញ្ញាតឱ្យចូលរួមជាមួយណាតូខណៈ ពេល ដែល 42% មិនទាន់សម្រេចចិត្ត។ដូចគ្នាដែរមានតែ38%នៃជនជាតិអាមេរិកដែលពេញ ចិត្តក្នុងការបញ្ជូនអាវុធ ទៅអ៊ុយក្រែន – ធៀបនឹង 31% ដែលប្រឆាំងនឹងគោលនយោបាយ និង 31% ដែលមិនទាន់សម្រេចចិត្ត និង 42% យល់ស្របនឹងការផ្តល់ជំនួយហិរញ្ញវត្ថុ។ ការស្ទង់មតិបានបង្ហាញថា អ្នកឆ្លើយសំណួរ 4 នាក់ក្នុងចំណោម 10 នាក់បាននិយាយថា វាជាគំនិតល្អក្នុងការដាក់ពង្រាយកងទ័ព ទៅកាន់ប្រទេសណាតូនៅអឺរ៉ុប ខាងកើតប៉ុន្តែការ គាំទ្រនោះត្រូវបានជំរុញភាគច្រើនដោយគណបក្សប្រជាធិបតេយ្យ។

អ៊ុយក្រែនអាចលះបង់មហិច្ឆតាចូលណាតូបញ្ជៀសសង្គ្រាមជាមួយរុស្ស៊ី

ឯកអគ្គរដ្ឋទូតអ៊ុយក្រែនប្រចាំនៅចក្រភពអង់គ្លេសលោក Vadym Prystaiko បាននិយាយថាទីក្រុងគៀវអាចពិ ចារណាទម្លាក់ចោលមហិច្ឆតារបស់ខ្លួនក្នុងការចូលរួមជាមួយអង្គការណាតូដើម្បីបញ្ចៀសសង្គ្រាមជាមួយរុស្ស៊ី។នេះបើយោងតាមការចេញផ្សាយរបស់សារព័ត៌មានរដ្ឋរុស្ស៊ីRT។ថ្លែងប្រាប់វិទ្យុ BBC Radio 5 លោកបានបញ្ជាក់ ថា ថាប្រទេសអ៊ុយក្រែនដែលរងការគំរាមកំហែងអាចនឹងពិចារ ណាសម្បទានធ្ងន់ធ្ងររួមទាំងការដកគោលដៅ នៃការចូលរួមសម្ព័ន្ធភាពណាតូចេញពីរដ្ឋធម្មនុញ្ញអ៊ុយក្រែន។ការលើកឡើងបែបនេះបានកើតឡើងនៅពេលដែលរដ្ឋមន្ត្រីកងកម្លាំងប្រដាប់អាវុធអង់គ្លេសលោក James Heappey បានព្រមានប្រឆាំងនឹងការពង្រីកកម្លាំងសន្តិសុខសមូហភាពរបស់ ណាតូសម្រាប់អ្នកមិនមែនជា សមាជិកហើយនាយករដ្ឋមន្ត្រីបូរីស ចនស៊ុន(Boris Johnson) នឹងត្រូវចូលរួមកិច្ចខិតខំប្រឹងប្រែងការទូតចុង ក្រោយនៅអឺរ៉ុប។លោក Heappey បាននិយាយថា ការរារាំងរបស់រុស្ស៊ីចាំបាច់ត្រូវតែហួសពីទណ្ឌកម្មសេដ្ឋកិច្ច ប៉ុន្តែប្រតិបត្តិការ ការពាររបស់ណាតូគឺ ខុសគ្នាខ្លាំងពីការផ្តល់នូវសន្តិសុខសមូហភាពរបស់ខ្លួន ដល់ប្រទេសដែ លមិនមែនជាសមា ជិក។សរសេរនៅក្នុងកាសែត The Times លោក Heappey បាននិយាយថាណាតូតែងតែ ជាសម្ព័ន្ធមិត្តការពារ ដែល ប្រទេសមាន អធិបតេយ្យភាពបានជ្រើសរើសដើម្បីចូលរួមសម្រាប់ សន្តិសុខសមូ ហភាពរបស់ពួកគេ។ NATO មិនវាយប្រហារអ្នកដទៃទេ។

ចាប់តាំងពីការដួលរលំនៃជញ្ជាំងប៊ែរឡាំងអង្គការណាតូបានដាក់ពង្រាយហួសព្រំដែនរបស់ខ្លួនទៅកាន់ប្រទេសអាហ្វហ្គានីស្ថានដើម្បីឆ្លើយតបទៅនឹងការវាយប្រហារលើសហរដ្ឋអាមេរិកដោយបានដើរតួនាទីក្នុងការប្រឆាំងការបះបោរនិងបេសកកម្មប្រឆាំងចោរសមុទ្រនៅអនុតំបន់សាហារ៉ា អាហ្វ្រិក អ៊ីរ៉ាក់ មហាសមុទ្រឥណ្ឌានិង បានដើរ តួយ៉ាងសំខាន់ក្នុងការធ្វើឱ្យមានស្ថេរភាពនៅតំបន់បាល់កង់បន្ទាប់ពីការបែកបាក់នៃអតីតយូហ្គោស្លាវី។

ដោយសារអ៊ុយក្រែនមិនមែនជាសមាជិកណាតូ ហើយសម្ព័ន្ធមិត្តក្នុងសម្ព័ន្ធការពារបាននិយាយថាពួកគេនឹងមិន ចូលរួមក្នុងការប្រយុទ្ធនៅអ៊ុយក្រែនទេ ប៉ុន្តែបានពង្រឹងកងកម្លាំងនៅក្នុងប្រទេសជិតខាង ហើយកំពុងគំរាមកំហែ ងទណ្ឌកម្មយ៉ាងទូលំទូលាយ។សហរដ្ឋអាមេរិកបានទទួលស្គាល់ថាទីក្រុងមូស្គូអាចគ្រោងនឹងឈ្លានពាននៅពេលណាមួយខណៈចក្រភពអង់គ្លេសនិងសម្ព័ន្ធមិត្តណាតូផ្សេងទៀតបានជំរុញពលរដ្ឋរបស់ពួកគេឱ្យភៀសខ្លួនចេញពីប្រទេសអ៊ុយក្រែនហើយក្រុមហ៊ុនអាកាសចរណ៍មួយចំនួនបានលុបចោលជើងហោះហើរទៅកាន់ទីក្រុងគៀវ ចំពេលមានការព្រួយបារម្ភកាន់ តែខ្លាំងឡើងថា ទាហានរុស្ស៊ីប្រមាណ 130,000 នាក់ដែលប្រមូលផ្តុំនៅតាមព្រំដែនអាចត្រៀមខ្លួនដើម្បីវាយប្រ ហារ៕