ភ្នំពេញ៖អតីតតារាចម្រៀងហង្សមាសនាងវ៉ាន់ នីឡា (សុខ ចិន្ដា )បានលេចមុខក្នុងកម្មវិធីសម្ពោធហាងកាហ្វេរបស់បងប្រុសនាងលោកសុខ ជំនោរ កាលពីថ្ងៃទី១៤ខែកុម្ភៈ ដែលចំទិវារនៃក្ដីស្រលាញ់ហើយនាងវាចារដោយសារភាពថាពេលនេះមានគូស្នេហ៍ថ្មីទៀតហើយដែលទោះជាបុរសនោះមិនបង្ហាញមុខរួមគ្នាជាមួយនាងមែន ប៉ុន្ដែលោកតែងតែអង្គុយចាំនាងក្នុងឡានLexus Nx200t របស់នាងជានិច្ច។ទោះជាយ៉ាងណានីឡា ថានាងនិងគូស្នេហ៍មិនទាន់កំណត់ថ្ងៃរៀបការជាក់លាក់នោះទេ ព្រោះថាសព្វថ្ងៃនាងមមាញឹកក្នុងអាជីពសិល្បៈសារជាថ្មីក្រោយពីបានសម្រេចចិត្តចាប់កាន់ក្បាលមីក្រូឡើងវិញ បន្ទាប់ពីបានដកខ្លួនថយពីអាជីពមួយនេះអស់រយៈពេលជាង៥ឆ្នាំមក។ប្អូនស្រីលោកជំនោរ រូបនេះបានឲ្យដឹងដែរថាមុនចេញមុខមកវិញនេះនាងក៍មានផលិតកម្មមួយចំនួនបានទាក់ទងនាងដែរ ប៉ុន្ដែបច្ចុប្បន្ននាងមិនទាន់ចូលផលិតកម្មណាឡើយគឺធ្វើបទចម្រៀងដោយខ្លួនឯងសិន ហើយនៅឆ្នាំ២០២២ នេះនាងផ្ដោតលើការចេញបទចម្រៀងថ្មីៗនិងសិក្សារទៅលើទីផ្សារចម្រៀងថាគូចេញបទបែបណាដើម្បីឲ្យបានជោគជ័យ។ម្ចាស់បទ”មនុស្ស បងធុញវិលវិញបានទេ?”រូបនេះក៍បានជំទាស់ទៅនិងការយល់ឃើញថាការចេញមុខសារជាថ្មីរបស់នាងលើកនេះមិនសូវមានសន្ទុះខ្លាំងដូចមុន ដោយនាងថាអ្នកណាមើលឃើញយ៉ាងណានាងមិនដឹងច្បាស់នោះទេ តែសម្រាប់រូបនាងយល់ឃើញថាចំនួនអ្នកគាំទ្ររបស់ខ្លួនមានច្រើនជាងមុន។
វ៉ាន់ នីឡា បានលេចធ្លោរគូសមនៅពេលដែលនាងកំពុងតែរះនៅផលិតកម្មPleng Record ដែលជាសាខារបស់ហង្សមាស និងគ្រប់គ្រងដោយលោកសុខ ជំនោរ ជាបងប្រុសនោះ។ប៉ុន្ដែអំឡុងពេលដែលករ្តិ៍ឈ្មោះកំពុងតែហក់ឡើង រូបសម្រស់ក៍គូឲ្យក្នក់ក្នាញ់នោះនីឡា បានធ្លាយរូបថតអាក្រាតកាយកាលពីឆ្នាំ២០១៦ ដែលនាងចោទថាអតីតសង្សារនាងលោកគុយ សិទ្ធិស័ក្ដ ជាអ្នកទម្លាយហើយនាងចិន្ដា បានប្ដឹងសង្សារចាស់ទៅសាលាដំបូងរាជធានីភ្នំពេញពីបទហឹង្សារដោយចេតនា និងចែកចាយរូបភាពអាអាភាស ប្រព្រឹត្តទៅនៅរាជធានីភ្នំពេញកាលពីអំឡុងឆ្នាំ២០១៦ តាមមាត្រា២១៧ នៃក្រមព្រហ្មទណ្ឌ និងមាត្រា៣៨ និងមាត្រា៣៩ ច្បាប់ស្ដីពីការបង្រ្កាបអំពើជួញដូរមនុស្ស និងអំពើរធ្វើអាជីវកម្មផ្លូវភេទ។
នៅថ្ងៃទី១៥ខែសីហាឆ្នាំ២០១៦ សាលាដំបូងរាជធានីភ្នំពេញបានប្រកាសសាលក្រមដោយផ្ដន្ទាទោសជនជាប់ចោទដាក់ពន្ធនាគារយៈពេល១ឆ្នាំ និងបង្គាប់ឲ្យសងសំណងជំងឺចិត្តដល់ដើមបណ្ដឹងចំនួន២០០លានរៀល។ប៉ុន្ដែគេមិនដែលឃើញអតីតសង្សារវ៉ាន់ នីឡា ជាប់ឃុំក្នុងពន្ធនាគារ នោះទេហើយលោកសិទ្ធិស័ក្ដ បានរៀបការប្រពន្ធថ្មីតាំងពីក្រោយបែកនីឡា ភ្លាមៗម្លេះ ខណៈដែលនីឡា ក៍មិនទាន់បានទទួលប្រាក់ជំងឺចិត្តហើយក្រោយរងចាំយុត្តិធ័មជាង៥ឆ្នាំនៅតែគ្មានស្រមោលពេលនេះនាងសម្រេចចិត្តវិលតរកឆាកតន្រ្ដីដើម្បីស្ដារមុខមាត់ឡើងវិញ៕
