ភ្នំពេញ៖ដូចការសង្ស័យមែន!ថាឱក សុគន្ធកញ្ញា ត្រូវស្វាមីរបស់នាងកាន់តែថ្នាក់ថ្នមចិន្ដា ហើយប្រឹងលើកឲ្យល្បីថែមទៀតក្រោយកូវីដអុកអុក២ឆ្នាំមកធ្វើឲ្យនាងបានរក្សារភាពស្ងប់ស្ងាត់ ឥឡូវអ្វីៗបានក្លាយទៅជាការពិតហើយព្រោះថាសុគន្ធកញ្ញា ត្រូវបានលោកសុខលី រក្សារតំណែងជាគ្រូបង្វឹកCambodian Idol រដូវកាលទី៤ បើទោះជាពេលនេះនាងហាក់មានទីផ្សារចម្រៀងនៅទ្រឹងហើយរូបរាងបែកសាច់ជាងមុនក្រោយមានស្វាមីនិងកូនក្ដី ។តាមរយៈការលេចមុខសារជាថ្មីរបស់ប្អូនថ្លៃលោកថៅកែហង្សមាសរូបនេះប្រាកដជាធ្វើឲ្យទីផ្សារសិល្បៈរបស់នាងកម្រើកសារជាថ្មីម្ដងទៀតជាមិនខាន ខណៈដែលថ្មីៗនេះសុគន្ធកញ្ញា ទើបបានលេង១ក្បាច់ដាច់ផ្ញារអស់Fan នោះគឺនាងលេងឈុតស្រីស្រលាញ់ស្រីជាមួយសុខ ស្រីនាង រហូតឥឡូវពេលតារាទាំង២ជួបមុខគ្នាគិតតែពីអៀនរៀងៗខ្លួនតែម្ដង។អ្វីដែលសុគន្ធកញ្ញា ហ៊ានលេងឈុតស្រលាញ់ភេទដូចគ្នាទាំងប្ដីនាងនៅជ្រងោៗចំពោះមុខនោះត្រូវបានគេជឿរថានោះគឺដោយសារតែនាងចង់ធ្វើឲ្យទីផ្សារចម្រៀងមានការប្រែប្រួលសារជាថ្មីបន្ទាប់ពីសន្ទុះហាក់ថមថយមិនសូខ្លាំងដូចកាលនៅក្រុំ។ដោយឡែកការមានខ្នងបង្អែកខ្ពស់ដោយគ្រប់ការងារសិល្បៈធំៗរបស់នាងតែងតែមានស្វាមីនៅពីក្រោយខ្នងជានិច្ចនោះគេជឿរថាសុគន្ធកញ្ញា ពិតជាមិនខុសពីអ្នកជំនាញសិល្បៈដែលធ្លាប់លើកឡើងថាដាច់ខាតថៅកែហង្សមាសនឹងមិនបណ្ដោយឲ្យនាងធ្លាក់ចុះនោះគឺពិតជាមិនខុសឡើយ។
ឱក សុគន្ធកញ្ញា ទោះជាមានឥទ្ធិពលខ្លាំងនៅហង្សមាសឬប្រៀបបានជាម្ចាស់ផលិតកម្មធំនេះក្រោយនាងក្លាយទៅជាប្អូនថ្លៃថៅកែហង្សមាសលោកឧកញ៉ាអ៊ឹង ឆៃងួន ក្ដី តែសម្ថភាពរបស់នាងត្រូវបានមហាជនទទួលស្គាល់ថាពិតជាសាកសមក្នុងការអង្គុយកៅអីធំសម្រាប់តំណែងជាគណៈកម្មារការកម្មវិធីប្រលងចម្រៀងលំដាប់ថ្នាក់ពិភពលោកទាំងនោះ។សុគន្ធកញ្ញា ធ្លាប់ដឹកដៃកូនក្រុមឲ្យលើកពានចំនួន២លើកមកហើយក្នុងនោះគឺថែល ថៃ ឈ្នះពានThe Voice Cambodia រដូវកាលទី២និងចាន់ សុបញ្ញា លើកពានX Factor រដូវកាលទី១។
ទស្សនិកជនរងចាំមើលថាការចេញបុកស្ទួនៗរបស់ឱក សុគន្ធកញ្ញា នៅដើមឆ្នាំ២០២២ នេះទាំងការសម្ដែងប្លែកៗ រួមទាំងកាន់តំណែងធំដែលប្ដីនៅគាំទ្រពីក្រោយខ្នង នោះនឹងធ្វើឲ្យតារាកូន១ឡើងខ្លាំងដូចមុនវិញដែរឬទេ?ឬមួយសុគន្ធកញ្ញា នៅតែប្រឈមការខកចិត្តព្រោះទីផ្សារលែងស្ទុះឡើងទៀតហើយ?
