ភ្នំពេញ៖ដាញ់ ម៉ូនីកា បានដឹកដៃប្ដីអាណិកជនខ្មែរអូស្រា្ដលីលោកប៊ុន ថែល មកដល់ស្រុកខ្មែរកាលពីថ្ងៃទី១៩ខែកុម្ភៈឆ្នាំ២០២២ ដែលមើលទៅនាងនៅតែស្រស់ស្អាតមិនប្រែប្រួលទៅតាមវ័យច្រើនទេទោះជាពេលនេះម៉ូនីកា មានកូន២នាក់ទៅហើយក្ដី។អ្វីដែលគូរឲ្យកត់សម្គាល់ពេលមកដល់ព្រលានយន្ដហោះភ្នំពេញម៉ូនីកា ត្រូវបានមិត្តភក្ដិដ៍ជិតដិតបំផុតរបស់នាងគឺអ្នកនាងកែវ ពេជ្រពិសី និងស្វាមីលោកពៅ សម្បត្តិ ទៅទទួលម៉ូនីកា ដោយភាពកក់ក្ដៅនិងនឹករលឹកជាខ្លាំង។ការបង្ហាញមុខរួមគ្នាសារជាថ្មីរវាងម៉ូនីកា និងកែវ ពេជ្រពិសី នេះធ្វើឲ្យដំណឹងទាំងឡាយដែលធ្លាប់លេចឭថាតារាទាំង២មិនសូវត្រូវគ្នានៅរយៈពេលជាង១០ឆ្នាំចុងក្រោយនេះត្រូវបានបន្សាបព្រោះអ្វីៗបានបង្ហាញឲ្យគ្រប់គ្នាបានឃើញច្បាស់ថាទោះជាម៉ូនីកា-ពេជ្រពិសី រស់នៅឆ្ងាយពីគ្នាមែន ប៉ុន្ដែមិត្តភាពដងបងប្អូនបរបស់ពួកគេដែលអំឡុងលេងសិល្បៈជាមួយគ្នានោះមិនសាបសូន្យឡើយ គឺនៅតែរក្សារដូចមុនដដែល។
កែវ ពេជ្រពិសី មិនលើកទូរស័ព្ទទេកាលពីថ្ងៃទី២០ កុម្ភៈ ទើបគ្មានចម្លើយបំភ្លឺពីនាងពាក់ព័ន្ធរឿងនេះ។ ដោយឡែកម៉ូនីកា វិញលេខទូរស័ព្ទរបស់នាងក៍តេមិនចូលដែរ តែនៅលើហ្វេសបុករបស់នាងតារាកូន២រូបនេះបង្ហាញអារម្មណ៍នឹករលឹកដល់ស្រុកកំណើតជាខ្លាំង ហើយនាងក៍ថ្លែងអំណរគុណដល់អ្នកស្រលាញ់និងរាប់អាននាងទាំងអស់គ្នា បើទោះជានាង បានចាកចេញពីអាជីពសិល្បៈរយៈពេលជាង១ទសវត្សន៍ក្ដី។តាមព័តមានថាម៉ូនីកា បានងាក មករកស៊ីផ្នែកCosmetics តាមOnline ហេតុនេះហើយការមកលេងស្រុកលើកនេះអាចជាការសិក្សារទីផ្សារចង់បើករបរមួយនេះនៅស្រុកខ្មែរជាមិនខាន។ម៉ូនីកា បានប្រាប់អ្នកជិតស្និតនាងថានាងមកខ្មែរជើងនេះមិនបានយូនោះទេ គឺត្រូវប្រញ៉ាប់ទៅអូស្រ្ដាលីវិញ តែអ្វីដែលនាងប្លែកមកម្ដងនេះឃើញផ្ទះអគារខ្ពស់ៗកាន់តែច្រើន ហើយពេលនាងLive ថានាងមកដល់ខ្មែរហើយមានអ្នកខ្លះអ និងថាបើមកលេងទទួលបាយទៀតផង ទើបធ្វើឲ្យនាងរំភើបចិត្តក្រៃលែង។
គូររំលឹកថាដាញ់ ម៉ូនីកា និងកែវ ពេជ្រពិសី បានចេញទៅច្រៀងសម្ដែងនៅប្រទេសអូស្ដា្រលីរួមគ្នាកាលពីឆ្នាំ២០០៩ ហើយនៅឆ្នាំ២០១០ ពួកគេបានភ្ជាប់ស្នេហ៍បុរសអូស្រា្ដលីរៀងៗខ្លួន។ម៉ូលីកា បានរៀបការជាមួយលោកប៊ុន ថែល កាលពីថ្ងៃទី២៤ខែកុម្ភៈឆ្នាំ ២០១០ ខណៈដែលពេជ្រពិសី បានរៀបការជាមួយលោកចន្ថា ស្រី កាលពីចុងឆ្នាំ២០០៩ តែពិសី បានចែកផ្លូវគ្នាវិញភ្លាមៗក្រោយរៀបការមិនដល់១ខែផង។ដោយសារតែរឿងស្នេហាម៉ូនីកា និងពេជ្រពិសី មានវាសនាខុសគ្នាបែបនេះហើយទើបធ្លាប់មានព័តមានថាអ្នកទាំង២ចាប់ផ្ដើមរាយាលៗពីគ្នាហើយចុងក្រោយលែងសូវត្រូវគ្នាតែម្ដង។ប៉ុន្ដែក្រោយពេជ្រពិសី បានទៅទទួលម៉ូនីកា ដល់ព្រមានយន្ដហោះគឺអ្វីៗបានបញ្ជាក់ច្បាស់ថាតាមពិតតារាទាំង២នៅតែស្រលាញ់និងរាប់អានគ្នាដូចមុនដដែល ខណៈដែលពេលនេះម៉ូនីកា មានកូន២នាក់គឺកូនស្រីច្បងអាយុជាង១០ឆ្នាំ និងកូនប្រុសអាយុជាង៦ឆ្នាំ ស្របពេលដែលពេជ្រពិសី វិញបានភ្ជាប់ពាក្យកាលពីថ្ងៃទី១៧ខែឧសភាឆ្នាំ២០២០ ជាមួយអាណិកជនខ្មែរជាបុរសពោះម៉ាយមកពីកាណាដាលោកពៅ សម្បត្តិ ហើយពិសី បានសម្រាលកូនប្រុសដោយវះកាត់កាលពីថ្ងៃទី៤ខែកញ្ញាឆ្នាំ២០២១ និងពេលនេះកំពុងតែត្រៀមយកកូនទី២។គេឃើញថាបច្ចុប្បន្នទាំងម៉ូនីកា និងពេជ្រពិសី រកឃើញសុភមង្គលពិតដូចគ្នា ហើយតារាទាំង២បានផ្អាកពីអាជីពសិល្បៈព្រមគ្នានិងមិនកំណត់ថាពេលណាវិលវិលឡើយ។
សូមបញ្ជាក់ថាមុនដាញ់ ម៉ូនីកា នាំប្ដីមកលេងស្រុកលើកនេះគេចាំបានថាកាលពីខែមេសាឆ្នាំ២០១៨ នាងក៍ធ្លាប់នាំកូនមកស្រុកផងដែរ ប៉ុន្ដែម៉ូនីកា មិនបានឆ្លៀតថតសម្ដែងសិល្បៈដូចសារ៉ាយ សក្ខណា និងម៉ូលីកា ដែលមានស្វាមីនៅបរទេសដូចគ្នានោះឡើយគឺនាងមកហើយក៍ត្រឡប់ទៅវិញយ៉ាងតក់ក្រហល់៕
