ភ្នំពេញ៖តារាចម្រៀងថោនលោកករុណា ពេជ្រ បានអះអាងថាពេលនេះលោករីករាយព្រោះម្ដាយជាទីស្រលាញ់បានជិះយន្ដហោះមកលេងលោកលេងនៅស្រុកខ្មែររយៈពេលដល់ទៅ៣ខែឯណ្ណោះដើម្បីតាមដានស្ថានភាពសុខភាពគាត់ នៅស្រុកកំណើតជាមួយអ្នកជំនាញផ្នែកជំងឺម្ដាយព្រោះនៅបារាំងខែនេះត្រជាក់ខ្លាំងណាស់។ករុណា ពេជ្រ បានឲ្យដឹងទៀតថាម្ដាយលោកមានជំងឺត្រៀតសសៃឈានហើយអង្គុយលើរទេះរហូតគឺទើបតែរយៈពេលចុងក្រោយនេះទេ ដែលគាត់អាចកម្រើកនិងធ្វើចលនាបានខ្លះ ខណៈដែលការជិះយន្ដហោះពីបារាំងមកខ្មែរនេះម្ដាយអង្គុយតែលើរទេះហើយស្ថិតក្នុងផ្នែកនៃអ្នកតំណើរជនពិការ។លោកថាពិតជាមានភាពរីករាយក្រៃលែងដែលម្ដាយបានមកស្រុកកំណើត តែពេលនេះលោកមិនទាន់បាននាំម្ដាយទៅកម្សាន្ដនៅតំបន់ទេសចរណ៍ក្នុងស្រុកនោះទេ ព្រោះម្ដាយត្រូវជួបគ្រូពេទ្យជំនាញ ដើម្បីតាមដានពីសុខភាពគាត់ជាបន្ដសិន។ប៉ុន្ដែលោកពេជ្រ ថាការមកដល់របស់ម្ដាយធ្វើឲ្យលោកមិនទាន់អាចកំណត់ពេលវេលាទៅបារាំងសារជាថ្មីឡើយ ព្រោះតាមគម្រោងម្ដាយលោកនឹងទៅបារាំងវិញនៅអំឡុងខែឧសភាឆ្នាំ២០២២ ឯណ្ណោះ។
សូមបញ្ជាក់ថាអ្នកចម្រៀងថោនលោកករុណា ពេជ្រ ទទួលបានVisa ពីស្ថានទូតបារាំងដល់ទៅរយៈពេល១ឆ្នាំក្នុងការចេញទៅជួបនិងថែរម្ដាយដែលកំពុងមានជំងឺត្បៀតសសៃឈាមហើយកាលពីថ្ងៃទី២០ខែធ្នូ ឆ្នាំ២០២១ តារាវ័យជាង៣០ឆ្នាំរូបនេះបានឡើងយន្ដហោះទៅជួបម្ដាយ និងបានវិលវិញកាលពីពាក់កណ្ដាលខែមករាឆ្នាំ២០២២ ដើម្បីធ្វើបុណ្យខួបគម្រប់១០០ថ្ងៃជូនឪពុករបស់លោកឧបាសកម៉ុក សាខន ដែលប្រារពនៅភូមិខ្សាច់ស ឃុំរក្សជ័យ ស្រុកបាភ្នំ ខេត្តព្រៃវែង។
ករុណា ពេជ្រ ថាការធ្វើបុណ្យជូនឪពុកទាំង២លើកលោកបានចំណាយថវិការអស់ច្រើន ហេតុនេះហើយបច្ចុប្បន្នលោកកំពុងតែដាក់លក់នូវផ្ទះ និងដីធ្លីមួយចំនួនដើម្បីបង្វិលមកវិញ ប៉ុន្ដែលក់មិនទាន់ដាច់ព្រោះគេឲ្យមិនទាន់ដល់តម្លៃដែលលោកចង់លក់។ដោយឡែកទាក់ទងអាជីពចម្រៀងនៅថោន វិញលោកករុណា ពេជ្រ ថាលោកបានស្នើសុំក្រុមការងារដើម្បីពន្យាពេលចេញថតMV មួយរយៈសិនទាក់ទងបទចម្រៀងដែលលោកត្រៀមចេញទាក់ទងលើកស្ទួយវិស័យទេសចរណ៍ក្នុងស្រុកដែលគ្រោងធ្វើគ្រប់ខេត្តក្រុង ព្រោះថាពេលនេះលោកត្រូវមើលថែរម្ដាយ និងជាប់រវល់ផ្នែកអចលនទ្រព្យ។យ៉ាងណាលោកថាក្រោយចេញបទថ្មីៗឡើងវិញក្នុងពេលឆាប់ៗខាងមុខនេះលោកនឹងវិលមករកឆាកតន្រ្ដីជាធម្មតាដូចមុនផងដែរ៕