ភ្នំពេញ៖ពេជ្រ សោភា បានភ្ជាប់ស្នេហ៍ថ្មីជាចំហរយៈពេលជិត២ខែមកហើយដែលធ្វើឲ្យអតីតសង្សារលោកឆឹម សក្កដា ងាកទៅស្និតថៅកែពេជ្រម្នាក់។អ្វីដែលគូរឲ្យកត់សម្គាល់ត្រឹមតែរយៈពេលខ្លីនេះសោភា ហាក់ត្រូវបានម្ចាស់ចិត្តថ្មីមិនសូវយកចិត្តទុកដាក់ចំពោះនាងដល់ទៅ២លើកទៅហើយ ហេតុនេះហើយរឿងដែលថាតើសោភា នឹងអាចគេចផុតពីការដើរជាន់ដានស្នេហ៍ចាស់បានដែរឬអត់នោះគឺពិតជាពិបាកធ្វើការសន្និដ្ឋានព្រោះថាគូស្នេហ៍ថ្មីរបស់សោភា ខុសពីលោកសក្កដា ដូចមេឃដី។លោកសក្កដា ធ្លាប់បង្ហាញសកម្មភាពនិងកាយវិការយកចិត្តសោភា តាមរយៈការធ្វើខួបកំណើតឲ្យនាងជារៀងរាល់ឆ្នាំ និងតាមដានពីសុខភាពនាងគ្រប់ពេល។
ចំណែកសង្សារថ្មីរបស់សោភា មិនទាន់បង្ហាញឲ្យគេឃើញនិងទទួលស្គាល់ថាលោកបានយកចិត្តទុកដាក់ចំពោះតារាហង្សមាសរូបនេះចំនួន២លើកមកហើយដូចជាអំឡុងពេលដែលអ្នកមេម៉ាយរូបនេះចូលពេទ្យជាបន្ទាន់កាលពីដើមខែមករា ឆ្នាំ២០២២ និងថ្ងៃទិវានៃក្ដីស្រលាញ់(១៤កុម្ភៈ)នោះគេក៍មិនឃើញសោភា បញ្ចេញភាពផ្អែមល្ហែមឬទទួលបានកាដូពីសំណព្វចិត្តដូចគូស្នេហ៍តារាដ៍ទៃទៀតដែរ។ទោះជាយ៉ាងការSweet រវាងសោភា និងសង្សារអាចថាពេលខ្លះនាងមានដូចគូស្នេហ៍តារាផ្សេងៗទៀតក៍ថាបាន គ្រាន់តែនាងមិនហ៊ានបញ្ចេញជាសាធារណៈប៉ុណ្ណោះ។ប៉ុន្ដែនេះជាការឆ្លុះបញ្ចាំងថាចំណងស្នេហាថ្មីរបស់សោភា ជាមួយបុរសរូបសង្ហារខ្ពស់ស្រឡះដែលនាងថាជាព្រះយេស៊ូគ្រិស្ដប្រទានឲ្យនោះ ហាក់សោះកក្រោះខ្លាំងណាស់ ហើយបើនៅតែគ្មានភាពផ្អែមល្ហែមបែបនេះតទៅទៀតនឹងប្រាកដជាធ្វើឲ្យសោភា មិនសូវមានក្ដីសុខពេញបេះដូងក៍ថាបានដែរ។
ពេជ្រ សោភា បានធ្លាក់ខ្លួនមេម៉ាយរយៈពេលជាង៥ឆ្នាំក្រោយនាងចែកផ្លូវគ្នាជាមួយអតីតប្ដីលោកឡៅ ឆលី ដែលជាទាហ៊ានអាកាសមកពីអាមេរិក កាលពីឆ្នាំ២០១៦ ។អំឡុងពេលដែលសោភា ប្រើជីវិតស្រ្ដីមេម៉ាយនេះគឺមានតែលោកសក្កដា ប៉ុណ្ណោះដែលនៅក្បែកាយ៉ានាងស្ទើគ្រប់វិនាទីទាំងអស់ តែអ្វីដែលប្រុសសង្ហាររូបនេះស្រឡាំងកាំងគឺនៅពេលដែលលោកសុំតារាហង្សមាសរូបនេះរៀបការនៅឆ្នាំ២០២២ នាងមិនត្រឹមតែគ្មានក្ដីរំភើបប៉ុនក្រចកដៃនោះទេ ប៉ុន្ដែថែមទាំងមិនផ្ដល់ចម្លើយតបឡើយ។យ៉ាងណាសក្កដា នៅតែចាំចម្លើយរបស់សោភា ទាំងអន្ទះសារបំផុត ប៉ុន្ដែស្រាប់តែនៅថ្ងៃឆ្លងឆ្នាំសកល២០២១ ឈានចូល២០២២សោភា នាំសង្សារថ្មីទៅកៀកកើយនៅសៀមរាម ទើបសក្កដា អស់ចិត្តហើយពេលនេះមានព័តមានថាលោកបានងាកទៅស្និតស្នេហ៍ថៅកែពេជ្រ ម្នាក់ ដើម្បីឲ្យសោភា បានឃើញពីសុខទុក្ខរបស់លោក៕