ភ្នំពេញ៖ដាញ់ ម៉ូនីកា បានបណ្ដើរប្ដីនិងដឹកដៃកូនប្រុសស្រីមកដល់ខ្មែរជាថ្មីកាលពីថ្ងៃទី១៩ខែកុម្ភៈឆ្នាំ២០២២ ដែលដំណើរលើកនេះត្រូវបាននាងទម្លាយប្រាប់មិត្តភក្ដិថាមានរយៈពេលខ្លីហើយនាងក៍ប្រញ៉ាប់រួសរាន់ឡើងទៅអូស្រា្ដលីវិញដែរ។ការមកលេងស្រុកកំណើតយ៉ាងតក់ក្រហល់របស់ដាញ់ ម៉ូនីកា ជើងនេះត្រូវបានគេសន្និដ្ឋានថានាងមកសិក្សារពីការ បើកអាជីវកម្ម ផ្ទាល់ខ្លួនផ្នែកCosmetics បន្ទាប់ពីនាងបានរកស៊ីលក់អ៊ឺវ៉ាន់តាមOnline អស់១រយៈពេលមក។ប៉ុន្ដែអ្វីដែលគូរឲ្យកត់សម្គាល់ម៉ូលីកា មានផ្ទះវីឡារធំស្កឹមស្កៃនៅខ្មែរដែលត្រូវបានគេជឿរថានាងទិញជូនម្ដាយនិងទុកសម្រាប់ពេលនាងមកលេងស្រុកដោយស្នាក់នៅទីនោះមិនចាំបាច់ទៅគេងនៅសណ្ឋាគារ។អ្វីដែលគូរឲ្យចាប់អារម្មណ៍ម៉ូនីកា ត្រូវបានអ្នកគាំទ្រនាងសរសើរថាសម្រស់នៅតែស្រស់ស្អាតមិនចាស់ទៅតាមវ័យនោះទេ ខណៈដែលទាំងសម្លៀកបំពាក់,ខោអាវ និងខ្សែក្រវ៉ាត់ជាដើម តារាដែលគេស្គាល់ច្បាស់ក្នុងរឿង”ទុំទាវ”រូបនេះគឺប្រើប្រាស់សុទ្ធតែជារបស់ម៉ាកប្រេនប្រេនទាំងអស់។
អ្នកយកព័តមានយើងព្យាយាមទាក់ទងទៅដាញ់ ម៉ូនីកា តាមលេខដែលនាងប្រើតែតេមិនចូលឡើយ។ចំណែកកែវ ពេជ្រពិសី ដែលជាមិត្តភក្ដិជិតដិតរបស់ម៉ូនីកា ហើយបានទៅទទួលនាងដល់ព្រមានយន្ដហោះនោះតេចូលតែនាងមិនលើកឡើយ ទើបមិនទាន់អាចសុំជួបម៉ូនីកា បានទេ។ យ៉ាងណាតារាកូន២ម៉ូនីកា បានបង្ហាញភាពរីករាយយ៉ាងខ្លាំងនៅពេលដែលFan របស់នាងសរសើរថានៅតែមានសម្រស់ ខណៈដែលថ្មីៗនេះនាងបានដើរកម្សាន្ដជាមួយមិត្តភក្ដិជិតដិតរួមអាជីពដូចជាកែវ ពេជ្រពិសី និងសារ៉ាយ សក្កណា ជាដើមដែលពួកគេទៅញាំអាហាររួមគ្នាយ៉ាងសប្បាយ ដែលមើលទៅជីវិតតារាទាំង៣នៅពេលនេះមានការផ្លាស់ប្ដូរនិងប្រែប្រួលរៀងៗខ្លួនព្រោះម្នាក់ៗមានប្ដីនិងកូនអស់ទៅហើយ។យ៉ាងណាការមកលេងស្រុកលើកនេះរបស់ម៉ូនីកា ក៍ដូចលើកមុនៗផងដែរព្រោះនាងគ្មានគម្រោងឆ្លៀតថតសម្ដែងភាពយន្ដសារជាថ្មីនោះទេ ។
សូមរំលឹកថាដាញ់ ម៉ូនីកា បានរៀបការជាមួយអាណិកជនខ្មែរនៅអូស្រា្ដលីលោកប៊ុន ថែល កាលពីថ្ងៃទី២៤ខែកុម្ភៈឆ្នាំ២០១០ ហើយក្រោយមានប្ដីភ្លាមៗម៉ូនីកា ត្រូវបានគេអាណិតអាសូរនាងខ្លាំងព្រោះតែលេចឭថាប្ដីនាងកាចណាស់។ប៉ុន្ដែអ្វីៗខុសពីដំណឹងទាំងនោះព្រោះអតីតតារាសម្ដែងរូបនេះអាចរក្សារចំណងស្នេហាបានជាង១០ឆ្នាំនិងទទួលបានចំណងដៃកូន២នាក់គឺកូនស្រីច្បងអាយុជាង១០ឆ្នាំនិងកូនប្រុសអាយុជាង៦ឆ្នាំ។ការរស់នៅតាមប្ដីនៅអូស្រា្ដលីគេឃើញម៉ូនីកា មានជីវភាពធូធាររស់នៅផ្ទះប្រណិតនិងជិះរថយន្ដអទំនើបៗដូចជាLexus Lx570 និងMercedes ជាដើម៕