ជនស៊ីវិលពីរនាក់ត្រូវបានសម្លាប់ និងបួននាក់រងរបួសកាលពីរសៀលថ្ងៃពុធ នៅពេលដែលយន្តហោះចម្បាំងរបស់របបយោធាបានទម្លាក់គ្រាប់បែកលើភូមិនានាក្នុងរដ្ឋ Kayah ភាគអាគ្នេយ៍នៃប្រទេសមីយ៉ាន់ម៉ា។យន្តហោះយោធាមីយ៉ាន់ម៉ាបានទម្លាក់គ្រាប់បែកលើភូមិ Dawkami និងSilidon ក្នុងសង្កាត់ Demoso នៃKayah។នេះបើយោងតាមសេចក្តីថ្លែងការណ៍របស់កងកម្លាំងការពារជាតិ Karenni ។
ភូមិ Dawkami និង Silidon នីមួយៗមានគ្រួសារតិចជាង 100 ហើយភូមិាទាំងពីរនេះក៏កំពុងផ្តល់ជម្រកដល់ជនភៀសខ្លួនប្រហែល 100 ផងដែរ។ការប្រយុទ្ធគ្នាបានកើតឡើងជាថ្មីម្តងទៀតនៅក្រុង Demoso នៅថ្ងៃទី 16 ខែកុម្ភៈ នៅពេលដែលរថពាសដែកយោធាពីរគ្រឿង និងទាហានរបបជាង 1000 នាក់ចូលក្នុងភូមិ Heigh Kwee Dam និងភូមិ War Yi Phu Pha Lai ក្បែរក្រុង Moebye។
កាលពីថ្ងៃទី17ខែមករាយន្តហោះចម្បាំងរបស់រដ្ឋាភិបាលបានទម្លាក់គ្រាប់បែកលើជំរុំជនភៀសខ្លួននៅក្នុងភូមិ Shikibuu ក្នុងសង្កាត់ Hpruso នៃ Kayah ដោយបានសម្លាប់ស្ត្រីពីរនាក់ និងបុរសម្នាក់។យោងតាមក្រុមសិទ្ធិមនុស្ស Karenni ដែលកំពុងជួយជនភៀសខ្លួន បានឱ្យដឹងថា មនុស្សជាង 170,000នាក់ត្រូវបានផ្លាស់ទីលំនៅដោយការប្រយុទ្ធគ្នានៅក្នុងរដ្ឋKayahជាមួយនឹងការប៉ះទង្គិចគ្នាបានកើតឡើងស្ទើរតែរាល់ថ្ងៃនៅក្នុងសង្កាត់ Demoso និង Pekon ៕