ភ្នំពេញ៖កំពូលតារាចម្រៀងព្រាប សុវត្ថិ មានភរិយាអ្នកស្រីឡុង ស្រមុំ ជាអ្នករ៉ាប់រងសម្លៀកបំពាក់និងធ្វើសក់ឲ្យលោកមុនពេលឡើងឆាកទើបត្រូវគេចាត់ទុកថាព្រាប សុវត្ថិ យកប្រពន្ធធ្វើជំនួយការ ខណៈដែលលោកឧកញ៉ាខែម ប៊ុនថៃ មានអ្នកនាងគួយ ផល្លី ជាអ្នកដឹកនាំMVបទចម្រៀងលោកនិងរៀបចំការងារទាំងឡាយឲ្យប្ដីគឺប្រៀបបានជាជំនួយការដែរ។ដោយឡែកលោកលោកអ៊ឹត រ៉ាដា ដែលជាគូពេទ្យមកពីកាណាដានិងជាស្វាមីរបស់សោភា នោះពេលនេះបានដើរតួនាទីជាជំនួយការបស់តារាចម្រៀងសុខសោភា ផងដែរព្រោះមុនអ្នកចម្រៀងរូបនេះឡើងឆាកលោក បានរៀបចំសម្លៀកបំពាក់ចាក់ភ្លេងនិងថតសកម្មភាពទាំងឡាយរបស់ភរិយា។ដោយសារតែត្រូវស្វាមីជាអ្នកចាត់ចែងនិងរៀបចំឲ្យនាងច្រៀងសម្ដែងដោយរលូនគ្រប់ឆាកតន្រ្ដីទាំងអស់នោះទើបសោភា ពេញចិត្តប្ដីខ្លាំងហើយជាញឹកញាប់ពេលនាងបញ្ចប់ការច្រៀងសម្ដែងដោយជោគជ័យនោះសោភា តែងតែចាប់អោបថើបប្ដីជាការលើកទឹកចិត្តដល់លោករ៉ាដា ជានិច្ចផងដែរដែលធ្វើឲ្យស្នេហ៍ឆ្លងទ្វីពរយៈពេល១៥ឆ្នាំមកនេះកាន់តែមានភាពផ្អែមល្ហែម។
ដោយឡែកសម្រាប់ថ្ងៃសិទ្ធិនារីអន្ដរជាតិ៨មីនាឆ្នាំ២០២២ នេះដែរមាស សុខសោភា ក៍ទទួលបានផ្កាកូលាប១បាច់ពីស្វាមីរបស់នាងដូចគូស្នេហ៍ដ៍ទៃទៀតផងដែរ។តែតារាចម្រៀងរាម រូបនេះបានចេញសារចូលរួមការកាត់បន្ថយការរើងអើងផ្លូវភេទដោយនាងចាត់ទុកថាជាភាពហួសសម័យទើបគេឃើញភេទទី៣ជាច្រើនបានចូលខមិនគាំទ្រនាង។
គូរបញ្ជាក់ថាមាស សុខសោភា ទើបបានចុះកុងត្រាថ្មីជាមួយផលិតកម្មរាម ខណៈដែលកិច្ចសន្យាដំណាក់កាលដំបូងរបស់នាងជាមួយផលិតកម្មថ្មីនេះបានអស់សុពលភាពតាំងពីមុនតំណាច់ខែកុម្ភៈឆ្នាំ២០២២ ម្លេះ។ការបន្ដរួមរស់ជាមួយរាម នោះត្រូវបានគេមើលឃើញថាមិនមែនសោភា ផ្ដោតលើគោលដៅធំក្នុងទីផ្សារចម្រៀងនោះទេ ប៉ុន្ដែមកពីនាងចង់រកស៊ីជាមួយថៅកែ រាមច្រើនជាងច្រៀង។ប៉ុន្ដែសោភា ធ្លាប់តាំងចិត្តថានៅឆ្នាំ២០២២ នេះនាងនឹងបញ្ចេញឲ្យអស់ស្នៀតពោលគឺព្រលែងនូវអ្វីៗដែលនាងមិនដែលធ្លាប់បង្ហាញឲ្យអ្នកគាំទ្រនាងបានឃើញ ដែលការតាំងចិត្តបែបនេះបញ្ជាក់ថាសោភា នឹងមិនបន្ធូដៃឡើយ។ដោយឡែកទាក់ទងរឿងការពពោះយកកូនដំបូងនោះពេលនេះសោភា នៅតែមិនទាន់ធ្វើឲ្យលោករ៉ាដា សប្បាយចិត្តទេ បន្ទាប់ពីនាងបានប្រាពខួបអាពាហ៍ ពិពាហ៍គម្រប់១២ឆ្នាំដ៍គូឲ្យភ្ញាក់ផ្អើលកាលពីថ្ងៃទី២៨ខែធ្នូឆ្នាំ២០២១ ៕
