ភ្នំពេញ៖តារាភេទទី៣វាន់ សំណាង ហៅផេន ខេក បានរៀបការជាមួយប្រុសស្នេហ៍លោកឈិន វិឆៃ នៅអាគារវិមានសែនសុខ (ក្បែរផ្សារអ៊ីអន២)កាលពីរាត្រីថ្ងៃទី៩ខែមីនា ឆ្នាំ២០២២ បន្ទាប់ពីអ្នកទាំង២បានស្វែងយល់ចិត្តគ្នាជាង៤ឆ្នាំ។ពិធីមង្គលការរបស់ផែន ខេក ប្រជុំទៅដោយតារាភេទ៣ជាច្រើនបានបង្ហាញខ្លួនចម្រុះព័ណតែម្ដង តែក៍មានការចូលរួមពីតារាល្បីៗមួយចំនួនទៀតផងដែរដូចជាអ្នកដឹកនាំកម្មវិធីសិល្បៈលោកគួច ខេវិន,ជីមមី ,ករុណា ពេជ្រ ,សុគន្ធ ថេរ៉ាយុ ,ម៉ាដូណា ,តូតា,គង់ វង្ស យ៉ាទី និងតារាជាច្រើនដួងទៀត។
ផែន ខេក អាយុ២៨ឆ្នាំនិងមានទម្ងន់១២៥គីឡូដែលជាប្រុសតែបានកែភេទមកស្រីដូចបំណងនោះបានឲ្យដឹងថាកម្មវិធីមង្គលការរបស់នាងមិនទាន់អាចកំណត់ថាចំណាយអស់ប្រាក់ប៉ុន្មាន ឬហៅភ្ញៀវប៉ុន្មាននាក់ និងធ្វើប៉ុន្មានតុបាននោះទេ ព្រោះថាភ្ញៀវខ្លះមិនហៅតែក៍មកចូលរួមដែរ។តែនាងថាកម្មវិធីពិសសេសរបស់នាងដែលមិនអាចលើកពេលតទៅទៀតបាននេះគឺធ្វើទៅតាមវិធានរបស់ក្រសួងសុខាភិបាលទាំងអស់។នាងថានៅថ្ងៃរៀបការនេះអារម្មណ៍របស់នាងពិតជាប្លែកខ្លាំងណាស់ពីព្រោះភ័យផង អរផង ដោយសារតែរឿងរៀបការជាលើកដំបូងក្នុងឆាកទី១ក្នុងជីវិត។ដោយឡែកលោកវិឆៃ វិញថាលោករំភើបដែលបានរៀបការជាមួយផេន ខេក និងសន្យាថារក្សារស្នេហានេះឲ្យបាន ទោះជាស្រីណាចាប់អារម្មណ៍លោកក៍មិនបេតីដែរព្រោះថាលោកស្រលាញ់តែប្រពន្ធម្នាក់គត់។
ឆ្លើយតបសំណួរថាតើក្រោយរៀបការរួចផេន ខេក នឹងគិតគូររឿងយកូនដែរ ឬអត់ហើយមានសង្ឃឹមថាអាចមានកូនឬគ្មានលទ្ធភាពនោះអ្នកនាងសំណាង ថា”រឿងយកកូនខ្ញុំបានភិក្សារជាមួយប្ដី តាំងពីមុនរៀបការម្លេះ ។ពួកយើងចង់បានកូនដូចគ្នា”។ចំណែកលោកវិឆៃ ថា”ខ្ញុំបាននិយាយជាមួយប្រពន្ធខ្លះៗហើយរឿងយកកូននេះ តែពួកយើងមិនទាន់បានពិភាក្សារជាមួយក្រុមគ្រូពេទ្យជំនាញថាតើអាចមានបានតាមធម្មជាតិ ឬក៍ត្រូវចាក់មេជីវិតនោះ យើងមិនទាន់បាននិយាយដល់រឿងនេះទេ”។
ទាំងផេន ខេក និងលោកវិឆៃ សុទ្ធតែសង្ឃឹមយ៉ាងមុតមាំដូចគ្នាថាពួកគេនឹងអាចថែរចំណងស្នេហា១នេះបានយូរអង្វែង បើទោះជាកន្លងមកគូស្នេហ៍ភេទទី៣ច្រើនតែត្រូវបានគេមើលឃើញថាមិនសូវមានអ្នកអាចរក្សារស្នេហ៍បានយូខែឆ្នាំក្ដី៕