ណាខុន ៖រីករាយថ្ងៃខួបស្នេហ៍៣ឆ្នាំ

ភ្នំពេញ៖តារាសម្ដែងរូបសង្ហារលោកណាខុន បានប្រារពខួបស្នេហ៍គម្រប់៣ឆ្នាំកាលពីថ្ងៃទី​២០​ខែឧសភាឆ្នាំ២០២២ ដែលមើលទៅសកម្មភាពរបស់លោកនិងភរិយាគឺ​យល់ចិត្តគ្នាខ្លាំង​ណា​ស់ ហើយពួកគេបង្ហាញពី​ភាពរឹងមាំ​ស្នេហ៍​ដែលគ្មានអ្វីជាឧបស័ក្កចំពោះអ្នកទាំងពីរឡើយ  បើ​ទោះជាលោកណាខុន ធ្លាប់ត្រូវបានគេខ្សឹបខ្សៀវគ្នាថា​លោក​ភ្ជាប់​ស្នេហ៍​ជាមួយនារីដែលមាន​វ័យ​ចំណាស់​ជាងខ្លួន ព្រោះតែសម្លឹងឃើញទ្រព្យជាធំក្ដី។ប៉ុន្ដែណាខុន បានពុះ​ពារ​​រក្សារស្នេហ៍​មួយនេះ​រហូតដល់៣ឆ្នាំ ហើយទោះជាលោកមិនមែនជាតារាដែលចូលចិត្ត​សម្ញែងរឿងទ្រព្យ​សម្ប​ត្តិដូចគេក្ដី តែនៅក្នុងសិល្បៈពេលនេះអ្នកណាក៍ដឹងថាតារាដែលមាន​ត្រេមុខស្រដៀង​តួថៃ​រូបនេះ​មានអ្វីៗ​គ្រប់​យ៉ាង​ដែលខ្លួនធ្លាប់ប៉ងប្រាថ្នា។នៅ​ថ្ងៃខួបស្នេហ៍នេះ​ដែរ​គេ​ឃើញ​តា​រារួមអាជីពជាមួយលោកណាខុន បានផ្ញើរ​សារ​អប​អរលោកជាបន្ដបន្ទាប់​ផង​ដែរ ខណៈពួកគេ​ខ្លះទៀតចង់ឃើញលោកនិងគូស្នេហ៍ដឹកដៃគ្នារៀបការ។

 សូមបញ្ជាក់ថាលោកណាខុន ជាតារាសម្ដែងដែលស្ថិតក្នុងចំណោមជូរមុខគេនាពេល​បច្ចុប្បន្ននោះបាន​ភ្ជាប់​ស្នេហ៍ជាមួយអ្នកមេម៉ាយកូន១ម្នាក់ដែលត្រូវបានគេដឹងថាជាជំនួយការលោកជំទាវមួយរូបជានាយិការស្ថានីយទូរទស្សន៍មួយ។ណាខុន និងនារី​ទ្រព្យ​ស្ដុករូប​នោះ​បាន​ភ្ជាប់ពាក្យជាផ្លូវការកាលពីថ្ងៃទី៨ខែមករាឆ្នាំ២០២១ តែ​លោក​ធ្លាប់ប្រាប់អ្នក​យកព័ត​មាន​យើងតាមទូរស័ព្ទថាមិនទាន់គិតគូដល់រឿងរៀបអាពាហ៍ពិពាហ៍​ឡើយ។អ្វីដែលគូរ​ឲ្យ​កត់​សម្គា​ល់ក្រោយបុរសរូបសង្ហាររូបនេះមានភរិយា​ជាមេម៉ាយធ្វើឲ្យក្រមុំមិនតិចនាក់ឡើយ​បាន​ស្ដាយ​រាងសង្ហារលោកថាមិនគូណាតារារូបនេះមើលរំលងពួកនាងៗទេ ខណៈដែលណាខុន វិញកាន់​តែធ្វើឲ្យគូ​ស្នេហ៍មានទំនុកចិត្តខ្ពស់ថែមទៀតព្រោះលោក​ស្រលាញ់កូនប្រុសដើម​របស់ប្រពន្ធ​ដូចជាកូនបង្កើត​របស់​លោកដែរ។

ក្រៅពីលោកណាខុន តារាដែលយកប្រពន្ធមេម៉ាយមានដូចជាលោកព្រីង ច័ន្ទបុត្រ ហៅ​នាយចេក,ជា វិបុល ,អ៊ិន សុបញ្ញា ហៅផាណូ  និងយុទ្ធ ស័ក្ក ជាដើម។ចំពោះ​លោកណា​ខុន វិញមុនឈានដល់ខួបស្នេហ៍៣ឆ្នាំ​នេះលោក​និងភរិយាចាប់ផ្ដើម​បណ្ដើរ​គ្នាជាចំហតាម​បណ្ដារ​កម្មវិធីទាំងឡាយ ហើយអ្នកសិល្បៈរួមអាជីពបាន​និយាយថា​ទោះជាលោកណាខុន លែង​សម្ដែ​ង​ភាពយន្ដក៍តារារូបនេះមិនប្រឈមវិបត្តិសេដ្ឋកិច្ចដែរ ព្រោះថាកំពូលស្នេហ៍​របស់​លោក​ប្រៀ​ប​បាន​ជាធនាគារនៅក្រោយខ្នងលោកអីចឹង៕