លី ម៉ារីណា ៖ថាគ្មានគម្រោងប្ដឹងប្ដីរឿងលួចមាសពេជ្រ

ភ្នំពេញ៖លី ម៉ារីណា បានប្រាប់កាលពីល្ងាចថ្ងៃទី២០មិថុនា ថានាងគ្មានផែនការណ៍ប្ដឹង​អតីត​ប្ដីកលោកសាត ចាន់​ថន ដែលនាងចោទថាបានលួចគ្រឿងអលង្ការ មាស និងពេជ្រពីនាង​អស់​ពី​ខ្លួននោះទេទៅតុលាការឲ្យចាត់​ការ​ឡើ​យ។ប៉ុន្ដែនាងអះអាងថា​អ្វីដែលនាងថា​លោក​ចាន់ថន បានលួចទ្រព្យរបស់នាង​អស់​នោះគឺជាការពិត១០០% គ្មានការសម្ដែងណា​មួយនៅ​លើបណ្ដាញសង្គមដើម្បី​ឲ្យគេ​ចាប់​អារម្មណ៍នោះទេ។តែចំណុចដែលនាងមិនប្ដឹង​អតីត​ប្ដី​ទៅ​តុលា​ការ​ព្រោះនាងមិនចង់ហែកហួរគ្នា តែនាងថាមានការតូចចិត្តដែលតាំងពីចាប់ដៃគ្នា​ជា​មួយលោក​ចាន់ថន រយៈពេលជិត១០ឆ្នាំ​អតីត​ស្វាមីមិនដែលមានទំនួលខុសត្រូវក្នុងការបំ​ពេញ​តួនាទី​ជាប្ដី​និងឪពុកគេ​ម្ដង​ណា​ឡើយ។តែនាងថាមូលហេតុដែលនាងមិន​ដាក់ពាក្យប្ដឹង​ទៅ​លោក​​ចាន់ថន នោះមិនមែន​នាងមាន​សញ្ញា​ចង់ផ្សះផ្សារឬត្រូវរ៉ូវគ្នាជាមួយប្ដីចាស់​វិញគឺអត់​មានទេ តែនាងចង់ឲ្យអតីតប្ដីគិត​ឡើងវិញថា​បានធ្វើ​ទង្វើរយ៉ាង​ណាខ្លះមកលើរូប​នាង។តារា​កូន១រូបនេះ​បាននិយាយស្ទើតែ​ស្រក់ទឹកភ្នែកនៅចំពោះអ្នកសារព័ត​មានផងថានាង​ខំប្រឹង​ធ្វើ​ការទាំងសិល្បៈ និងរកស៊ី លក់Online ដែលពេល​ខ្លះមិន​ហ៊ានទាំងឈឺដើម្បីរកលុយទំនុក​បម្រុង​គ្រួសារ​និងកូនរៀនសូត្រ តែបែជាលោកចាន់​ថន លួចយកទ្រព្យរបស់នាងទៅ​អស់បែប​នេះ​ទៅវិញ។

 ថ្វីត្បិតតែលី ម៉ារីណា ថាអ្វីដែលនាងនិយាយគឺសុទ្ធតែជាពាក្យ​ពិតទាំងអស់គ្មានកា​ឡៃ​ក្ដី ប៉ុន្ដែ​នៅក្នុងលិខិត១​របស់លោកសាត ចាន់ថន ក្រោយម៉ារីណា បកអាក្រាតថាលោកលួច​ទ្រព្យពី​នាងនោះលោកបាន​សរសេរ​នៅ​ថ្ងៃទី១៦ខែឧសភា ដោយសង្កត់ថាមិនបានយកទ្រព្យ​ពីម៉ារីណា ដូចការចោទ​ប្រ​កាន់​របស់នាងឡើយ។អ្វីដែល​លោកចាន់ថន ដាក់សំណួរទៅអតីត​ភរិយា​នោះថាហេតុអ្វីបាន​ជាពេលនេះនាងចង់លែងលះជាមួយលោក?

 ឆ្លើយតមចំណួររបស់លោកចាន់ថន ខាងលើនេះម៉ារីណា ថានាងមិនចង់និយាយ​វែង​ឆ្ងាយ​ឬ​ហែកហួរគ្នានោះទេ ប៉ុន្ដែអ្វីដែលអតតីប្តីនាងបានធ្វើគឺលោកបានដឹងខ្លួន​ឯងច្បាស់​លាស់​​ហើយ​។ដោយឡែកពាក់ព័ន្ធ​រឿងថាតើ​លុយ​និងគ្រឿងអលង្ការ​ទាំងអស់ដែលនាងបាន​បាត់បង់និងថាលោកចាន់ថន ជាអ្នកលួចនោះមានចំនួនសរុបខ្ទង់​ប៉ុ​ន្មាន​​នោះមិនត្រូវ​បាន​ម៉ា​រីណា ប្រាប់​ពីទិន្នន័យឡើយ ដោយនាងគ្រាន់តែសង្កត់ថារឿងដែលនាងនិយាយថាប្ដី​ចាស់​នាង​លួចយក​ទ្រព្យ​ពីនាងអស់រលីងពីខ្លួននោះគឺជារឿងពិតប្រាកដមែន។

សូមបញ្ជាក់ថាលី ម៉ារីណា បានរៀបការជាមួយអាណិកជនខ្មែរមកពីអាមេរិក​លោក​សាត ចាន់ថន កាលពី​ថ្ងៃទី​២៧ខែឧសភាឆ្នាំ២០១៣ ដែលចំណងស្នេហ៍ជិត១០ឆ្នាំនេះអ្នក​ទាំងពីរ​ទទួលបានកូន​ប្រុស១ឈ្មោះសាត ថៃសាន់ ។នេះគឺជាការបរាជ័យស្នេហ៍ជាលើកទី២ បន្ទាប់ពីម៉ារីណា បានចែកផ្លូវគ្នាជាមួយអតីតប្ដីនាងលោកទឹត ថាវរិទ្ធ ដែលពេលនេះក្លាយ​ទៅ​ជាប្ដីរបស់នៅ សុនិតា ។ប៉ុន្ដែគេជឿរថាអ្នកមេម៉ាយកូន១ស្រួយដូចដូងដុតនិង​មាន​សាច់​សខ្ចី​ដូចលី ម៉ារីណា នេះប្រាកដជាមានប្រុសមិនតិចនាក់នោះទេដែលចាំត្រងស្នេហ៍​និងស្អំរបួស​បេះ​ដូង​​នាង​ហេតុ​នេះហើយម៉ារីណា អាចនឹងរៀបការជាលើកទី៣ឲ្យឲ្យតែនាងមានចិត្តចង់។​តែលោកចាន់ថន ហាក់នៅ​អាលោះអាល័យភរិយាសាច់ដូចម៉ែសំឡី​របស់លោកប្រសិន​បើ​មានការផ្សះផ្សារណាមួយកើតឡើងនោះ។តែម៉ារីណា វិញបានបិតច្រកប្ដីនិងថាមិនអាចវិល​មកជួបជុំគ្នាជាថ្មីបានជាដាច់ខាត  ហើយរឿងសំខាន់​នាង​រងចាំអតីតប្ដីយកទ្រព្យមក​ប្រគល់​ឲ្យនាងវិញ​ទាំងអស់៕