Friday, March 29, 2024
Homeតារាខ្មែរតន់ ច័ន្ទសីម៉ា ៖ឧកញ៉ាបន្ដជួយទៀតទេ?

តន់ ច័ន្ទសីម៉ា ៖ឧកញ៉ាបន្ដជួយទៀតទេ?

ភ្នំពេញ៖តន់ ច័ន្ទសីម៉ា ត្រូវបានអ្នកជំនាញសិល្បៈហៅនាងថាជាតារាដ៍មាន​ឥទ្ធិលនាយុគ​សម័​យ​ថ្មីព្រោះនាង​បាន​វ៉ា​តារាចម្រៀងដែលមានគីឡូប្រហាក់​ប្រហែលគ្នាឲ្យរាបដល់ដីអស់ត្រឹម​រយៈពេលខ្លី ខណៈដែលភាព​ល្បី​ល្បាញ​របស់នាងមកដល់ពេលនេះ​មានមនុស្ស៣នាក់ចាំជួយ​រុញនាងឲ្យទៅមុខនោះគឺកំពូលតារាចម្រៀងព្រាប សុវត្ថិ ,ខេម និងអ្នកនិពន្ធល្បី​ឈ្មោះលោក​យឹម តាស្រង់ ។ប៉ុន្ដែពេលនេះច័ន្ទសីម៉ា ហាក់បាត់បងដៃស្ដាំដោយ​សារ​តែ​លោក​តាស្រង់ ដើរ ចេញពីGalaxy ស្របពេលដែលលោកព្រាប សុវត្ថិ​បានឡើងជាឧកញ៉ានោះត្រូវ​បានគេ​សន្និ​ដ្ឋាន​ថាលោកចាប់ផ្ដើមរយាលៗពីការរាំច្រៀងជាមិនខាន ពោលគឺក្នុងចំណោមមនុស្ស៣នាក់​ដែលរួមការងារ​ជា​មួយនាងគឺនៅសល់តែលោកខេម ម្នាក់ប៉ុណ្ណោះដែលនៅតែបន្ដ​ចាប់ដៃ​ជា​មួយ​សីម៉ា យ៉ាងពេញទំហ៊ឹងដូចមុន។អ្នកតាមដាន​សិល្បៈបានលើកឡើងថាអំឡុងពេលដែល​ច័ន្ទសីម៉ា កំពុងតែឡើងកូដហើយនាងបាត់បង់​មនុស្ស​នៅ​ខាង​​ក្រោយខ្នងមួយផ្នែកបែបនេះ​ប្រា​កដ​ជាធ្វើ​ឲ្យប៉ៈពាល់ដល់អាជីពចម្រៀងនាងខ្លះៗជាមិនខាន​ពោលគឺ​អាច​នៅ​ទ្រឹងឬមិនទៅ​មុខទៀតព្រោះខ្វះជំនួយ ។តែសីម៉ា ផ្ទាល់បានប្រាប់ថានាងមិនដែលគិតដល់ចំណុច​ទាំង​នេះ​ទេពោលគឺទោះជាលោកតាស្រង់ ចេញពីGalaxy មែនតែអ្នកនិពន្ធដែលនាងហៅថា​ជា”ពូ”​នោះគឺនៅតែឆ្លៀត​សរ​សេរបទចម្រៀងឲ្យនាងពីខាងក្រោយខ្នងដដែល។ចំណែកFan របស់​សីម៉ា ពួកគេ​នៅតែជឿរជាក់លើតារា​វ័យ​២៥ឆ្នាំនេះថានឹងល្បីថែម​ទៀតក្រោយការមក​ដល់​Galaxy របស់​អតីតអ្នកដឹកនាំនិងនិពន្ធ២រូបរបស់​ហង្សមាស​គឺ​លោកសុខ ជំនោរ និងខាំ ភូរិ នោះព្រោះ​សម្អា​ងថាសីម៉ា មានបទល្បីទោលម្នាក់ៗឯងក៍ច្រើនបទដែរ ហេតុនេះ​ហើយបើ​លោក​ឧកញ៉ាព្រាប សុវត្ថិ លែងជួយនាងតាមរយៈការច្រៀង​ឆ្លងឆ្លើយជាមួយគ្នាឲ្យបានញឹក​ញាប់​ដូច​មុនទេ​នោះ​ផលិតកម្មមួយនេះ អាចនឹងផលិតបទឲ្យសីម៉ា ច្រៀងទោលច្រើនជាងមុន​ឬតម្រូវ​បទ​ឆ្លង​​ឆ្លើយ​ជា​មួយ​លោកខេម ជំនួសលោកឧកញ៉ាសុវត្ថិ ជាមិនខាន។

 ទាក់ទងរឿងនេះអតីតអ្នកចាត់ការទូទៅGalaxy លោកយឹម តាស្រង់ បានទទួល​ស្គាល់​​ថាលោកនៅតែ​ឆ្លៀត​សរ​សេរបទចម្រៀងទៅឲ្យសីម៉ា ច្រៀងដូចមុនមែនតែលោកថា​នោះគឺ​ពេល​ទំនេរពីការងារថ្មីរបស់លោក។លោក​តា​ស្រង់ ក៍បង្ហាញការជឿរជាក់ទៅលើ​សម្ថ​ភាព​របស់​លោកជំនោរ និងលោកភូរិ ដែរថាជាអ្នកមានសម្ថភាពដែលអ្នក​ទាំង​ពីរនឹងមក​ជួយ​ជ្រោមជ្រែងប្អូនស្រីរបស់លោកយឹម សុជាតា ដើម្បីឲ្យGalaxy កាន់តែទៅមុខទៀត។

 តន់ ច័ន្ទសីម៉ា ត្រូវបានគេចាត់ទុកថាជាតួឯកស្រីរបស់Galaxy  ពោលគឺនាងត្រូវបាន​ផលិត​កម្ម​កំ​ណត់​តម្លៃ​ខ្លួន​ស្ថិតក្នុងលំដាប់តារាGrade A ដែលច្រៀងConcert ធំ១កម្មវិធីស៊ីថ្លៃ​៥ពាន់​ដុល្លារ ខណៈដែលច្រៀងតាម​ស្ថានីយ៍​ទូរទស្សន៍ទៅតាមប្រភេទ​នៃកម្មវិធីពោលគឺ​ចន្លោះ​​​​ពី១ទៅ២ពាន់ដុល្លារក្នុងការបង្ហាញខ្លួនម្ដង។ការឡើងថ្លៃរបស់​ច័ន្ទសីម៉ា ត្រដុំត្រសង​លោកឧកញ៉ាព្រាប សុវត្ថិ នេះធ្វើឲ្យអ្នកដឹកនាំកម្មវិធីប្រគុំតន្រ្ដីមួយចំនួនឈឺក្បាល ស្រប​ពេល​ដែលសីម៉ា បានបាត់មុខពីឆាកតន្រ្ដីតាមប៉ុស្ដិ៍ទូរទស្សន៍ជាច្រើនខែមកហើយ។

 អ្នកធ្វើភ្លេងម្នាក់(Composer)នៅហង្សមាសបានឲ្យដឹងថាទោះជាពេលនេះយឹម តា​ស្រង់ ចេញពីGalaxy មែនតែ​លោកជឿរថាផលិតកម្មមួយនេះមិនបណ្ដោយឲ្យច័ន្ទសីម៉ា ធ្លាក់​ចុះឡើយ ព្រោះសម្អាងថាទ្រនុំ​នេះចាយ​លុយ​ហេតុនេះហើយគេនឹងរកអ្នកនិពន្ធ និងអ្នក​ដឹក​នាំល្បីៗមកធ្វើការ ពោលគឺឲ្យតែមានលុយគឺអាចធ្វើអ្វី​មួយ​មាន​គុណភាព​នឹងកាន់តែ​ល្អតាមថៅកែចង់បាន។

  តន់ ច័ន្ទសីម៉ា ត្រូវថៅកែផលិតកម្មGalaxy រៀបជើងព្រួលឲ្យនាងល្បីថែមទៀត​តាម​រយៈ​ការប្រគល់តំ​ណែងជា​តួឯក​ក្នុងភាពយន្ដខ្នាតធំរបស់​ខ្លួននាពេលខាងមុខ។តារាតូច​ច្រ​ឡឹងនិងជាអតីតអ្នកស្មូតលេ១ប្រចាំខេត្តតា​កែវ​ដែលបានសារភាពថាពិតជាបានកែសម្រស់តាមរយៈការធ្វើច្រមុះ,ចាក់ ចង្ការ និងពត់ធ្មេញរូបនេះបាន​ព្យាយាម​លាក់មុខ​គូស្នេហ៍ជិតឈឹង​តែម្ដង ហើយនាងតែងតែប្រាប់មិត្តភក្ដិនិងFan ថាបេះដូងនាងមិនទាន់មានម្ចាស់ តែ​អ្វីដែល​សីម៉ា តូចចិត្តនោះគឺការនិយាយបែបនេះរបស់នាគ្មានអ្នកណាជឿរទេ ព្រោះតែម្នាក់ៗគិត​ថា​នាងល្បី និងស្អាតប៉ុណ្ណឹងដែរ រឿងអីអត់មានសង្សារ?

RELATED ARTICLES