វ៉ាឌី ភាលីង ៖សម្រាលកូនស្រីក្រោយបោះបង់អាជីព​ច្រៀង​សម្ដែងអស់៧ឆ្នាំ

ភ្នំពេញ៖វ៉ាឌី ភាលីង បានក្លាយទៅជាម្ដាយរបស់គេហើយ បន្ទាប់ពីនាងបានសម្រាល​កូនស្រី​បាន១​នៅថ្ងៃទី​២៥ខែ​មិថុនា ឆ្នាំ២០២២ ដោយដាក់ឈ្មោះថាអ៊ាន ភត្រា្ដ ការ៉ានី ។តាំងពីមុន​កើត​​កូន​ដំបូងនេះភាលីង បាន​បង្ហាញទឹក​មុខ​រីករាយជាខ្លាំងព្រោះតែស្វាមីនាងលោកអ៊ាន ភត្រា្ដ បាន​យកចិត្តទុក​ដាក់មកលើរូបនាង​គ្រប់​បែបយ៉ាង​ទាំង​អស់ពោលគឺនាងថា​ក្ដីស្រលាញ់​របស់ប្ដី​ចំពោះនាងតាំងពីចាប់ដៃគ្នារហូតមកដល់ពេលនេះ​គ្មានការប្រែ​ប្រួល​ចិត្ត​បន្ដិច​ណា​ឡើយ​។ដោយឡែកទាំងមុននិងក្រោយសម្រាលលោកភត្រា្ដ ក៍បាន​បង្ហាញ​ការវិការរីករាយ​ដែលទទួល​បាន​​កូនស្រីទាំងដែលភាលីង មានសុខភាពល្អហើយនាងនៅបន្ដសម្រាករយៈ​ពេលខ្លី​នៅ​មន្ទីសម្ភពមួយនៅកោះពេជ្រ។

  សូមបញ្ជាក់ថាវ៉ាឌី ភាលីង បានបោះបង់អាជីពចម្រៀងនិងសម្ដែងរយៈ​ពេលជាង៧​ឆ្នាំ​មកហើយ ក្រោយនាង​ភ្ជាប់ស្នេហ៍ជាមួយលោកអ៊ាន ភត្រ្តា ហើយនាងងាកមករកស៊ីផ្នែក​Cosmetic ខណៈដែលស្វាមីនាងជាអ្នកជំនួញ។ភាលីង ធ្លាប់ប្រាប់អ្នកយកព័តមាន​យើងថា​នាងមិនទាន់​បានរៀប​ការតាមប្រពៃណីខ្មែរជាមួយគូស្នេហ៍នោះទេ ប៉ុន្ដែបានចុះអេតាស៊ីវិល​រួចរាល់អស់​ហើយ​។

អ្នកសិល្បៈដែលធ្លាប់រួមអាជីពជាមួយវ៉ាឌី ភាលីង បានជូនពរពេលឃើញនាង​សម្រា​ល​កូន​ទី១​ដោយសុវត្ថិភាព ខណៈដែលកន្លងមកពួកគេស្ញប់ស្ញែងនាងជាខ្លាំងព្រោះថាភាលីង បានបង្ហាញជីវភាពធូធារខ្លាំងតាម​រយៈការជិះ​រថ​យន្ដថ្លៃៗជាមួយគូស្នេហ៍មានដូចជាឡានម៉ាកRolls Royce ,Lexus Lx 570 ,Mercedes, Alphard និងRange Rover ជាដើម។មុនសម្រាលកូននេះ​ដែរភាលីង ថានាងនៅតែនឹករលឹកដល់ការងារសិល្បៈនិងអ្នកធ្លាប់រួមអាជីព តែ​នាងគ្មាន​គម្រោ​ង​វិលមកច្រៀងរាំសារជាថ្មីនោះទេ ព្រោះពេលនេះផ្ដោតតែលើការកស៊ីលក់​ផលិតផលតាម​Online​ ប៉ុណ្ណោះ។ទាក់ទងរឿងរៀបការវិញភាលីង ធ្លាប់វាចាថានាងក៍មិនអាចកំណត់​ពេ​ល​វេលាបានដែរ តែ​អ្វីដែលនាងមានភាពកក់ក្ដៅបំផុតក្នុងជីវិតគឺ​ពេលនេះស្វាមីនាងបាន​ផ្ដល់នូវ​អ្វីៗ​គ្រប់បែបយ៉ាងទាំង​អស់ដល់​រូបនាង។

 គេចាំមើលថាតើវ៉ាឌី ភាលីង នឹងគិតគូររឿងរៀបការក្រោយមានកូន១នេះឬមួយ​ក៍នាង​ចង់បាន​កូនថែមទៀត​?