Friday, March 29, 2024
Homeព័ត៌មានអន្តរជាតិG7 មានគម្រោងប្រមូល​ប្រាក់ ទប់ទល់​ផ្លូវខ្សែក្រវាត់ ​ចិន និងគាំទ្រអ៊ុយក្រែន

G7 មានគម្រោងប្រមូល​ប្រាក់ ទប់ទល់​ផ្លូវខ្សែក្រវាត់ ​ចិន និងគាំទ្រអ៊ុយក្រែន

កាលពីថ្ងៃសុក្រទី២៦ ​មិថុនា ២០២២​ក្រុមមេដឹកនាំប្រទេសG-7 បានសន្យារៃអង្គាសប្រាក់ចំនួន៦០០ពាន់លានដុល្លារ ជាមូលនិធិឯកជននិងសាធារណៈក្នុងរយៈពេល៥ឆ្នាំដើម្បីផ្តល់ហិរញ្ញប្បទានដល់ហេដ្ឋារចនាសម្ព័ន្ធដែលត្រូវការនៅក្នុងប្រទេសកំពុងអភិវឌ្ឍន៍និងប្រឆាំងគម្រោងខ្សែក្រវាត់និងផ្លូវដែលមានតម្លៃរាប់ពាន់លានដុល្លាររបស់ចិន។

Google

នៅក្នុងការជួបជុំប្រចាំឆ្នាំរបស់ពួកគេដែលត្រូវបានធ្វើឡើងនៅ SchlossElmauភាគខាងត្បូងប្រទេសអាល្លឺម៉ង់ ប្រធានាធិបតីសហរដ្ឋអាមេរិកចូបៃឌិននិងមេដឹកនាំG7ផ្សេងទៀតបានបើកដំណើរការឡើងវិញនូវឈ្មោះថ្មីភាព ជាដៃគូសម្រាប់ហេដ្ឋារចនាសម្ព័ន្ធ និងការវិនិយោគសកល។

ប្រធានាធិបតីអាមេរិកបាននិយាយថា សហរដ្ឋអាមេរិកនឹងកៀងគរជំនួយឥតសំណង មូលនិធិសហព័ន្ធនិងការវិនិយោគឯកជនចំនួន ២០០ពាន់លានដុល្លារក្នុងរយៈពេល៥ឆ្នាំ ដើម្បីគាំទ្រគម្រោងនៅក្នុងប្រទេសដែលមានចំណូលទាប និងមធ្យម ដែលជួយដោះស្រាយការប្រែប្រួលអាកាសធាតុ ក៏ដូចជាការកែលម្អសុខភាពសកល សមភាពយេនឌ័រ និងហេដ្ឋារចនាសម្ព័ន្ធឌីជីថល។

លោកបានបន្តថាខ្ញុំចង់បញ្ជាក់ឱ្យច្បាស់។នេះមិនមែនជាជំនួយ ឬសប្បុរសធម៌ទេ។វាគឺជាការវិនិយោគដែលនឹងផ្តល់ផលចំណេញសម្រាប់មនុស្សគ្រប់គ្នា។វានឹងអនុញ្ញាតឱ្យប្រទេសនានាមើលឃើញអត្ថប្រយោជន៍ជាក់ស្តែងនៃការចាប់ដៃគូជាមួយលទ្ធិប្រជាធិបតេយ្យ។

ជាមួយគ្នានេះដែរប្រធានគណៈកម្មការអឺរ៉ុបលោកស្រីUrsula von der Leyen បានអោយដឹងថាអឺរ៉ុបនឹងប្រមូលថវិកា ៣១៦ពាន់លានដុល្លារសម្រាប់ការផ្តួចផ្តើមគំនិតក្នុងរយៈពេលដូចគ្នានេះដើម្បីបង្កើតជម្រើសប្រកបដោយនិរន្តរភាពចំពោះគម្រោងគំនិតផ្តួចផ្តើមខ្សែក្រវាត់ និងផ្លូវរបស់ប្រទេសចិន ដែលប្រធានាធិបតីចិនលោកស៊ីជីនពីងបានចាប់ផ្តើមកាលពីឆ្នាំ ២០១៣។

មេដឹកនាំ G7 យល់ព្រមគាំទ្រអ៊ុយក្រែនដោយគ្មានកំណត់

ក្រុមប្រទេសG7)នឹងសន្យាផ្តល់ការគាំទ្រដល់អ៊ុយក្រែនក្នុងគ្រប់ទម្រង់ដែលអាចធ្វើទៅបានដរាបណាប្រទេស នេះនៅតែត្រូវការ។ នេះបើយោងតាមសេចក្តីប្រកាសនៅក្នុងសេចក្តីព្រាងនៃកិច្ចប្រជុំកំពូលដែលកំពុងដំណើរការ។កិច្ចប្រជុំរយៈពេលបីថ្ងៃនៃមេដឹកនាំ G7 បានចាប់ផ្តើមកាលពីថ្ងៃអាទិត្យនៅទីក្រុង Bavaria ប្រទេសអាល្លឺម៉ង់ខណៈជម្លោះអ៊ុយក្រែនគ្របដណ្តប់លើរបៀបវារៈចម្បង។

សេចក្តីព្រាងនៃសេចក្តីថ្លែងការណ៍របស់មេដឹកនាំបានបញ្ជាក់ថា យើងនឹងបន្តផ្តល់ជំនួយផ្នែកហិរញ្ញវត្ថុ មនុស្សធម៌ យោធា និងការទូតហើយឈរជាមួយអ៊ុយក្រែនឱ្យបានយូរតាមដែលវាត្រូវការ។

រុស្ស៊ីបានព្រមានសហរដ្ឋអាមេរិក សហភាពអឺរ៉ុប និងសម្ព័ន្ធមិត្តរបស់ពួកគេប្រឆាំងនឹងការផ្តល់អាវុធដល់អ៊ុយក្រែន ដោយនិយាយថា វានឹងធ្វើឱ្យជម្លោះកាន់តែយូរ។ ទោះ​ជា​យ៉ាង​ណា មេដឹកនាំ​លោក​ខាង​លិច​មិន​បាន​អើពើ​នឹង​ការ​លើក​ឡើង​នេះ​ទេ។ កាលពីថ្ងៃអាទិត្យ នាយករដ្ឋមន្ត្រីអង់គ្លេស បូរីស​       ចនស៊ុននិងប្រធានាធិបតីបារាំង ម៉ាក្រុងបានយល់ព្រមបន្តការគាំទ្រផ្នែកយោធាដល់ទីក្រុងគៀវ ដើម្បីពង្រឹងដៃរបស់ពួកគេទាំងក្នុងសង្គ្រាម និងការចរចានាពេលអនាគតណាមួយ៕

RELATED ARTICLES